2 Thimothi 1:7 - Iwo Surua Mua Wie Pha Bible

⁷ Chiih-è Hamangkhung-aphuii re-è gethek shii phi pha Ragung ji ne gethek shii murumdum rek pha aphi ro; ji pha chiang, airo Ragung ne gethek rog blu, miie, nane zud pha zan phi ro.

2 Thimothi 1:7 Iomraidhean Croise

LUG ro Muawie 10:19

Yoi mage bo, gu è nathek shii riichai phi ro, ji è ithek phamthek, nane ragungphiethek lakhung shii de nyalua mua phro, chiih-è shuang pha bluthek è de nyayang mua phro, chiih-è ithek shii nyie è achun phro.

LUG ro Muawie 15:17

Idohhè shii awai khani shii now srane yao, ‘zab pha gu aphuii ro braphothek ne khama chie mua pha ji chie, chiih-è ichiih shii gu ne chi-iyiy ne iy sha pha rek ro!

LUG ro Muawie 24:49

Chiih-è gu aphuii è gu shii nyie sbang rek pha ji ne gu nathek shii thohge phro. Jishii lakhung è thazam nathek lakhung shii blu athog sapho shii ne rajan shii khan bo.”

LUG ro Muawie 8:35

Branthek è nyie rey pha ji riig wuii dun, chiih-è ithek Isu shii wuii thog mage shii, ibuii fuang khia dun pha bran ji yi khani wie rey srane yung guii ne Isu lai moe shii dug ne rai pha doh, chiih-è ithek ne zab rum dun.

JON ro Muawie 14:27

“Liijiing ne gu nathek shii thoh marui; gu è nathek shii phi pha lubo ji gui ro ro.” Sohjambling pho nathek shii phi pha ji ne gu nathek shii aphi phro. Chiih-è diig now ne duhug arek chid rabo, chiih-è arum ched rabo.

Bliathek 1:8

Jimagunde, khuchung shii nathek è Ragung So mua ruii arone nathek ne blu um ne gu shii izai rone yao pha Jerusalem shii, Judea pho shii nane Samaria pho shii, chiih è zab pha sohnyiak pho shii khagi rek ruii phro.”

Bliathek 10:38

Nathek de Nazareth pha Isu shii Hamangkhung-aphuii è khi-è rek ne Ragung So nane blu phi pha ji thieg iwa. Ai ne soh soh hà wuii srane wie bliathek rek phi ne ibuii ragung pha blu è jiang pho shii gang phi, nyieliieshii, Hamangkhung-aphuii ai rog shii um dun.

Bliathek 20:24

Jishii, gune gui sieng pha chai ne boh anow; gune Ithong Isu è phi ne rek yi pha blia ji rek ched bi pha noh ro, ji pha blia ne Hamangkhung-aphuii pha bushun pha Mua Wie ji yao pha ji ro.

Bliathek 21:13

Ji è yao magungde, Phaul è ithek shii yao, “Nathek ne nyie rek phlei? Hì è rek ne choh phane gu lubu chuimuii ne bey? Gune Jerusalem hà phang pha jia asi pha yi Ithong Isu chiang è iy pha de nya rek mua phro.”

Bliathek 26:11

Bajo ishak ne ithek shii Jewthek misiahòthek hà bajo diig phi srane awaithek migi ji thoh yi pha rek phro. Gune ithek shii bajo buii rek ne ithek shii diig phi pha gai rajanthek de thog dang pha wuii dun.

Bliathek 26:25

Phaul è chang, “Naro ithong! Gune abiu ro. Gu è nyie yao ramuii pha ji ne izai chak ro!

Bliathek 6:8

Sthephen ne, Hamangkhung-aphuii è khirzey bajo phi ne blu ley um srane boh buangthek ne anomuluiithek pha bliathek ne branthek duchoi shii rek.

Bliathek 9:22

Jishii, Saul pha miyao ne bajo blu um ne yao dun pha ji è Isu ne Masi ji rone izai ìd yi ne Damaskhus hà rai pha Jewthek ne aishii nyie achang mua pha rey dun.

Romanthek 5:5

Airo luthong ji ne gethek shii duhug arek phro, jishii Hamangkhung-aphuii è Ragung So yi thaluii gethek shii phi pha duiine awai ro miie de gethek lubu shii thoi phi.

Romanthek 8:15

Hamangkhung-aphuii è nathek shii ragung phi pha jine nathek shii khiao rek pha yi pha aphi ro; ji è nathek ne arum chid rabo; ji phachiang shii, ragung è Hamangkhung-aphuii ro ani rab phi phro, chiih-è ragung pha blu ji è gethek ne Hamangkhung-aphuii shii “Aphuii! guro Aphuii rone choh ruii phro!”

1 Khorinthek 2:4

chiih-è guro muyua nane mua ne bran khani pha miyaogamthek è khia pha asi ro, jishii Hamangkhung-aphuii ro Ragung pha blu è khagi rek.

Galathithek 5:22

Jimagungde Ragung ne miie, lubo, liijiing, lubuphiang, bushun, wie, migi,

Kholosithek 1:8

Ai è gathek shii Ragung è nathek shii phi pha miie ji yao phi ro.

Hebriuthek 2:15

nyieliieshii iy pha ji è rum ne hanyie yi awaithek ro chai khiaothek rek pha ji è ichad phi.

1 Phithar 1:22

Thuh shii nathek ro nuii pha zai è nathek ne nawaithek shii igang rek ne chiih-è gai migiphothek shii isiie è miie bo. Nawaithek lubu rog shii wiang ne nawaithek chung miie rai bo.

1 Jon 4:18

Miie shii ne rum pha oi ro; zai miie pha ji è rum pha ji shii ruang rek ro. Chiihphado, ji è hanyie rumpho ro chai shii ne khriig arab mua phro, nyieliieshii rum pha ji è ne lago blia rek chid.