2 Phithar 1:21 - Iwo Surua Mua Wie Pha Bible

²¹ Chiih-è chaigthek ro mua bran è yang pha ji è athog ro, jishii branthek ne Ragung So iliing shii phrai ne ithek yao pha mua jine Hamangkhung-aphuii è thog ro.

2 Phithar 1:21 Iomraidhean Croise

Marg 12:36

Dawid shii Hamangkhung-aphuii ro Ragung è yao yi phro: Ithong è gu Ithong shii yao; Gu è na shuangthek shii gu lai luii aruii sapho ne Na ne guro phazoi pha riichai ithua shii dug bo.

LUG ro Muawie 1:70

Ai è buyo è awairo so chaigpho ji è sbang rekjong ro

Bliathek 1:16

“Gu ijakthek wo,” Ai è yao, “Jigigam shii nyie zey pha ji ne izai rey ruii phro, nyieliieshii Dawid Saja shii Ragung So è Isu shii zum yi pha Judas chiang chaig ne zey, ne ruii pha ji ne izai reyjong ro.

Bliathek 28:25

Phaul è miyao jia yao ched mage shii, awaithek chung de a-ò rai pha ithua ji thoh ne dun dun: “Khi è rek ne Ragung So è chaig Aijaya rog phi ne ithek pha blangthek shii yao pha miyao hì ro!”

Bliathek 3:18

Buyo shii Hamangkhung-aphuii è zab chaig phothek shii yao jong ne ruii, Masi ne diig rek chid phro, ji izai rey yi pha ai è ji rek phi ro.

Hebriuthek 10:15

Chiih-è Ragung So de gethek shii airo khagi phi ro. Igobi ai è yao,

Hebriuthek 3:7

Ji-è chiihphado, Ragung So è yao pha duiine, Sudoh na è Hamangkhung-aphuii goh yoi arone,

Hebriuthek 9:8

Ibi pha haliig ji nya-um sapho shii ne Bajo So Ithua wuii pha lumuii ne thuh thog pha ahong ba rone zab khriig rek ruii pha lumuii ji è Ragung So è sang è yuajong ro.

1 Phithar 1:11

Ithek ne ji pha ishak ne khuchung chiih-è khi-èrek ne thog ruii pha bidiang ne sow marui. Hì pha ishak ne Masi ro Ragung ithek shii um pha ji è hìog ro, Masi ne biisiie shii luagieng pha chiang diig shii zud phro ne yao.

Dong 19:10

Gu ne aishii misiasia ai lai shii chiih, jishii ai è gu shii yao, “Ji arek rabo! gu de na rog shii khiao ro chiih-è gai migiphothek rog shii hanyie Isu è dong pha izai shii khoh muii pha rog shii khiao ro. Hamangkhung-aphuii shii misia bo!” Chiih-è ji pha izai Isu re-è dong pha jine chaigthek ro ragung ro.