1 Thimothi 5:10 - Iwo Surua Mua Wie Pha Bible

¹⁰ chiih-è wie rek pha ibeng um chid: hò-amuii hanyie è awai anithek shii wie re-è ram phone, biwen shii awai hò hà choi ne, gai Masiphothek blia pha jum bliathek rek ne, diig shii branthek shii nong chiih-è awai shii wie blia rek bsa hà phi ro.

1 Thimothi 5:10 Iomraidhean Croise

Methiu 25:17

Ji duiine khiao hanyie è itham nyi sikhi mua pha ji itham nyi wiangphi.

Methiu 5:16

Ji duiine nathek ro muchuang de branthek ibi shii chuang phi chid phro, jiè nathek ne nathek è rek pha wie bliathek riig srane hamangkhung hà nathek aphuii shii chiong ruii phro.

LUG ro Muawie 7:38

Isu idoh shii riu srane, cho ne awai mieg kho è ai lai shii sad phi. Chiihphado è awai khaziang è ai lai shii go rek phi ne, ai lai shii khichiug ne, chiih-è sumaro rek ne aishii shun phi.

LUG ro Muawie 7:44

Jishii ai è hò-amuii jishii rei srane riig ne Simon shii yao, “Na hì pha hò-amuii shii doh ramuii bey? Gu ne na hò hà wuii shii, na è gu lai sud pha kho de aphi, Jishii ai è awai miegkho è gu lai sud phi srane awai khaziang rek ne sad ne go phi.

Bliathek 10:22

Ithek è chang, “Gathek shii ne Khornelius dumuii mutho ge ro, ai ne Hamangkhung-aphuii shii sia ne bajo wie pha bran ro, chiih-è, Jewishthek de aishii bajo ilab phi pha bran ro. Hamangkhliie è aishii yao ne na shii awai hò hà ho yi pha thoh ge phro. Nyieliieshii, ai de na miyao nuii mua gieng pha yang dun ro.”

Bliathek 22:12

“Ji pha rajan shii Ananias beng pha bran jia ne giang rek ne Iphey ji nuii ne thiichiih rai pha Jewish è bajo ilab phi pha jia um iang.

Bliathek 6:3

Ji-è, khuiinothek wo! Nathek ne hanyie shii Ragung So um ne wie thieg pho shii ilkhi rab pha mile gua srane ji pha blia rek yi pha phi mage bo.

Bliathek 9:36

Jopha thiig hà Thabitha beng pha hò-amuii jia de Migi now ne um. (Grekh è ai ibeng ne Dorkhas ne “Dichiih rone ho”) ai ne idang branthek shii wie rek ne dushothek nong phi ne rai.

Bliathek 9:39

Ji è, Phithar ne saro srane ithek shii wuii dun. Ai ne thiisa wuii thog shii, aishii ne ji pha ùgud hà noh dun. Ji pha ùgud hà wuii thog shii misiungmuiithek è ai moe wuii ne Dorkhas è awai a-iy ba shii rab marui pha phadiig nane yugudthek ro! Hiòg ne riig yi srane choh.

Romanthek 12:13

Na shii um pha ji nawai ijak Masipho è chid pha ji thang bo, chiih-è naro hò habin athiegpho shii hong bo.

Iphisithek 2:10

Gethek ne nyie khi-èrek ne um pha ji Hamangkhung-aphuii awai è rab phi, chiih-è gethek ro Masi Isu rog shii ò pha ji è ai è gethek nyie rek yi pha saro ne ruiijong pha ji ne gethek shii wie blia rek pha chai rab phi.

Kholosithek 1:10

Chiihphado nathek ne Hamangkhung-aphuii è chid pha duiine rai mua, chiih-è nathek ne ai nyie sang pha wie blia ji idang rek mua. Nathek chai shii de zab pha wie blia è se ruii, chiih-è nathek ne Hamangkhung-aphuii ro khani è sieng ruii.

1 Thimothi 2:10

jishii wie blia re-è hanyie shii giangthek hò-amuii duiine ho muii pha ji ne zai lumuii ro.

1 Thimothi 3:2

Charch pha dumuii ne ichiig oi pha um chid; ai ne yiy jia um bie chid, ai ne ichiig pha, zud ne; ikhiing re-è rek ne ai ne awai hò shii awaithek bran shii wieho chid; ai ne yua mua chid;

1 Thimothi 3:7

Ai ne charch è fuangpha bran è de ilab rek pha hò-aphuii um chid, ji è ai ne ìu arey pha chiih-è Sakhathong ibong shii aphang ruii phro.

1 Thimothi 5:16

Jishii hanyie Masipho hò-amuii ro haliing shii misiung um arone, ai ne ithek shii gayiig chid chiih-è charch shii miihan aphi chid, ji anine charch re-è misiungmuii hanyie ai ne ji lie ne aishii ne gayiig mua.

1 Thimothi 5:25

Ji duiine wie blia ne miang doh, chiih-è miang adoh pha ji ne a-ug mua phro.

1 Thimothi 6:18

Wie blia boh chiih-è bliathek shii bukho rey yi bo, chiih-è lubusua rek ne gai rog shii thang bo ithek shii yung bo.

2 Thimothi 1:5

Naro moi Lois nane naro amuii Eunise shii de um pha ichua, naro isiie migi shii de now khlei muii ro. Gu ne migi rek ji ne na shii de um ro.

2 Thimothi 2:21

Hanyie è awaithek shii zab awie pha manathek re-è sud pho shiine, wie blia shii kho ruii phro, nyieliieshii ithek shii ne zid ne awaithek spho shii kho yi pha, zab wie blia shii kho pha sarojong ro.

2 Thimothi 3:15

chiih-è now bo nathek ne ani pha ishak re-è yie ne, nyie yi nathek shii khani phi mua pha Masi Isu shii migi rek pha ji re-è giawo hà lua mua yi pha nathek ne So Jigithek shii ne thiegjong ro.

2 Thimothi 3:17

ji è branthek hanyie è Hamangkhung-aphuii ro blia rek pho shii ley ìdlie ne wie blia zab shii khriig rek chid.

Thaidas 2:14

Ai è gethek shii awie pha ji è ragia rek pha chiih-è gethek shii igang bran rab pha chiih-è awai ji pha bran rey yi pha chiih-è wie rek yang yi awaishii gethek chiang phi muii.

Thaidas 2:7

Zab pha manathek shii nawaithek de wie ziig pha miiriig rek bo. Nawai muyua shii izai nane lubu phi ne rek bo.

Thaidas 3:1

Nawai bran shii bohkhophothek shii phi pha chiih-è riichaithek shii nuii pha nowkhlei yi bo, chiih-è zab lumuii shii wie rek pha saro yi bo.

Thaidas 3:14

Gethek bran de nyie wie ji shii ishak phi pha dab chid, ji-è izai chid pha ji phi mua; ithek ne thaluii pha chai asieng chid phro.

Thaidas 3:8

Hì ne zai yao. Gu nathek shii hì pha miyao è wie chuh phi pha yang ro, ji-è hanyiethek ne Hamangkhung-aphuii shii migi rek pho ne, nyie yi wie blia shii rek pha nyie yi wie nane zab è kho pha ji shii isiie rek mua ro.

Hebriuthek 10:24

Cho gethek ne nong rai chiih-è miie rone doh yi chiih-è wie rek pha now rai haro.

Hebriuthek 13:2

Athieg pha biwenthek shii nawai hò hà hopha abia rabo. Giak è ne athieg pha biwenthek ho shii hamangkhliie shii ho jong.

1 Phithar 2:12

Ithek è nathek shii awie rone nin ruii shii nathek ro ziig ne migi arekpho duchoi shii bajo wie rek bo, ithek ne nathek ro wie blia ji shii thieg ruii chiih-è ai wuii ruii pha inai shii Hamangkhung-aphuii shii chiong ruii phro.

1 Phithar 4:9

Nyie de suanghàw arek pha nawaithek hò ne nawaithek chung hong phi bo.

3 Jon 1:12

Zab jia è Demethrius shii wie rone yao; zai de awai shii wie rone yao. Gathek de aishii wie rone yao, chiih-è na ne ìd gathek nyie yao pha jine zai ro.