1 Thimothi 1:20 - Iwo Surua Mua Wie Pha Bible

²⁰ Ithek duchoi shii ne Hemenius nane Alezendar, hanyie shii gu è sakhathong pha blu shii phi srane lago phi; hì ne ithek ro makhak-riing pha ji shii gak yi pha yua ruii phro.

1 Thimothi 1:20 Iomraidhean Croise

Methiu 18:17

Chiih-è ai è nathek shii ayoi phi arone, chiihphado zab pha jithek ne charch hà yao muii bo. Idohhè shii, ai è charch shii ayoi arone, aishii ne migi arek pho nane mijin than pho duiine noh bo.

Bliathek 13:45

Jewthek è ji pha bran brog um pha doh mage ne mieg riie srane aishii khnaing ne makhak-riing rek noh.

Bliathek 19:33

Giak bran è ji rey pha gaja ne Alezendar rone è yao ne giak Jewishthek è aishii branthek pha ibi shii wuii yi. Ji è wuii thog mage ne ai è branthek shii Alezendar wad è hìog ne aro yi pha rek srane ai è haro rek ne yao pha saro.

1 Khorinthek 11:32

Ji-è gethek ne sohjambling rog shii athey yi pha Ithong è gethek shii chua ne lago phi ro.

2 Khorinthek 10:6

Chiih-è nawaithek ne zab nuii rone khagi doh yi pha iidoh shii, gune hanyie è anuii pha blia rek pho shii ne lago phi pha sarojong ro.

2 Khorinthek 13:10

Ji ne nyieliieshii gu ne nathek è ruang ba shii hì zey phro: hì ne gu wuiithok shii Ithong è nathek shii rab pha chiih-è achuak yi pha riichai gu shii phi pha ji è khoh srane nathek lakhung shii bangchai arey yi ro.

2 Thesalonithek 3:15

Jishii ithek shii mak duiine arek rabo; ji phachiang, khuiino duiine ithek shii phriie bo.

1 Thimothi 5:15

Giak misiungthek ne sakhathong shii gieng pha yiejong ro.

2 Thimothi 2:14

Nawai branthek shii hì now yi bo, chiih-è miyaogamthek chiang shii mak arek rabone ithek shii Hamangkhung-aphuii moe shii surua phriie bo. Hì ne wie arek ro, jishii hanyie è nuii pha branthek shii mua ruii phro.

2 Thimothi 2:17

Ji-è yua pha ji ne saduii re-è isiu shii chie muii pha duiine ro. Ji pha manathek shii yua pha bran nyi ne Hemenius nane Philethus ro.

2 Thimothi 3:2

Branthek ne munyua, sgow, nyigodog, nane, wiangwe; ithek ne makhak-riing, awaithek aphuii-amuiithek shii anuii, bushun oi rai pha chiih-è giang de arek phro;

Hebriuthek 12:5

Hamangkhung-aphuii è awai ani duiine nathek shii yao pha lububo rek pha miyaogamthek ne nathek bia dun bey? “Gu ani, Ithong è na shii yua shii wie nuii bo, Chiih-è ai è nathek shii giung shii lubu-ìu arek rabo.

Dong 13:1

Chiihphado buii ibeymuthung yi khamuii re-è wuii ruii pha gu è doh. Ji ne sua iriangthek nane miley khrugthek um ro; zab jijia pha iriangthek shii rago um ro, chiih-è zab pha jiajia khrugthek shii Hamangkhung-aphuii shii makhak-riing pha ibeng um ro.

Dong 3:19

Gu è hanyie shii miie pha ji shii ne giung ne lago phi pha ro. Wiengbo, chiihphado, chiih-è nawaithek layogthek è khid bo.