1 Thesalonithek 5:20 - Iwo Surua Mua Wie Pha Bible

²⁰ Muathek chaig pha ji shii makhak-ariing rabo;

1 Thesalonithek 5:20 Iomraidhean Croise

Bliathek 13:1

Anthioch pha charch hà de giak chaigthek nane masdothek um iang: Ithek ne Barnabas, Simeon (Isiie beng pha), Khyrene pha Lusius, Manaen (hanyie shii Badri Herod rog shii noh pha bran) nane Saul ro.

Bliathek 19:6

Phaul è awai wad ithek khrug shii khoh phi shii, Ragung So è ithek lakhung de ley dun, ji-è, ithek de khuchung de ayoi ba pha miyaogamthek yao ne Hamangkhung-aphuii pha mua de yao ne rai dun.

1 Khorinthek 11:4

Ji-è bran hanyie è hong ne misiasia shii Hamangkhung-aphuii ro mua yao ne zab shii airo khrug chaig pha ji ne Masi shii makhak-riing ro.

1 Khorinthek 12:10

Ragung è ne bran jia shii ne buangthek pha blia rek yi pha blu phi; chiih-è gai shii ne, Hamangkhung-aphuii ro mua yao yi pha lasen phi; chiih-è gai shii ne, lasen hèg yi Ragung è thog pha ba asi ba ji yo rek yi pha chua phi. Chiih-è giak shii ne a-ìd pha nyuak yao mua pha phi, chiih-è gai shii ne nyie yao pha ji shii yao mua yi pha chua phi.

1 Khorinthek 12:28

Charch hà Hamangkhung-aphuii è zab shii hanyiehanyie shii ithua hà ruii: Igobi pha ithua shii guaphasamoythek shii ruii, chiih-è nyichiieng pha ithua shii chaigthek shii ruii, chiih-è uomchiieng pha ithua ne masdothek shii ruii; chiihphado hanyie è buangthek rek, chiih-è hanyie shii gang pha blu phi, gaithek shii nong phi, ithek shii yua pha, chiih-è a-ìd pha nyuak yao pha ji shii ro.

1 Khorinthek 13:2

Gu shii liingsed pha yua pha lasen um magungde; chiih-è zab pha khani um magungde chiih-è ug pha ji zab thieg magungde; chiih-è gu shii phiing shii lua yi pha migi um magungde jishii gu shii miie oi arone, gu ne nyie de oi ro.

1 Khorinthek 13:9

Jishii gathek ro khani pha lasen hèg chiih-è liingsed pha mua ne khuyo ba ro;

1 Khorinthek 14:1

Hì ne miie ro, chiihphado, nathek ne miie shii mua pha chuh è bidiang chid. Hamangkhung-aphuii ro mua yao pha lasen ne, zab è wie ne nathek ro lubuthek ne ragung pha lasen hèg shii khriig rek bo.

1 Thesalonithek 4:8

Ji-è chiihphado, hanyie magunde hì pha muyua shii snai pha ne bran shii snai pha asi ro, jimagunde Hamangkhung-aphuii hanyie è nathek shii Ragung So phi pha ji shii ro.

1 Jon 4:1

Gu iijiiakthek wo, zab Ragung um rone yao pha ji shii migi arek rabo, jishii ithek ro ragung ne Hamangkhung-aphuii è thog pha bey ne ithek shii chai ne riig bo, khihà ne asi pha chaigthek ne bajo thog ro.