1 Thesalonithek 4:1 - Iwo Surua Mua Wie Pha Bible

¹ Idohhè, gathek khuiinothek nane bumuiithek, Hamangkhung-aphuii è sang pha nathek ne khi-è rai chid nathek ne gathek è dabjong. Hì ne, ji chak ro, nathek ne rai ramuii ro. Chiih-è thuh gathek ne dinne de muna rek bo ne Ithong Isu beng è nathek shii khung.

1 Thesalonithek 4:1 Iomraidhean Croise

JON ro Muawie 15:2

Ai è Iwoi wie awoi pha ji shii ne zab hìdmuii, chiih-è iwoi wie pha idiphak shii ne bsang phi, jiè hì ne sang rey ne iwoi wie woi ro.

Bliathek 20:27

Nyieliieshii, gu è Hamangkhung-aphuii pha miyao dun pha miyao ayao pha athoh marui ro.

Romanthek 8:8

Hanyie è awai ro bran siu shii nuii pho ne Hamangkhung-aphuii shii sang arek mua phro.

1 Khorinthek 11:23

Gu Ithong è mua pha muyua ji ne gu nathek shii phi: aishii zum pha habiu Ithong Isu iweb dum jia yie srane,

1 Khorinthek 15:1

Chiih-è thuh shii, gu ijakthek, gu è nathek shii nyie yua pha Mua Wie ji, nyie ithek è mua pha ji, chiih-è nathek migi chuh riu muii pha ji shii gu nathek shii now yi.

1 Khorinthek 15:58

Ji-è chiihphado, gu ijakthek, chuh riu ne athodang pha rek bo. Idang nawaithek Ithong ro blia rek bo, nathek ne thieg ro, nathek è Ithong ro blia nyie rek pha ji khuchunde de Adunmey pha arey phro.

2 Khorinthek 10:1

Gu, Phaul, gui è nathek shii khung—gu nathek rog um shii gu hanyie gu ne jum nane bushun rek bo ne yao, jishii gu ruang rey mage shii nathek lubu shii duhug rek yi. Masi ro jum nane bushun è

2 Khorinthek 13:11

Thuh shii, gu ijakthek! Wie è rai bo! Khriig rey pha bidiang bo; Gu è khung shii nuii bo; nawaithek chung nuii rai bo; liijiing shii rai bo. Chiih-è Hamangkhung-aphuii pha miie nane liijiing ne nathek rog shii um ruii phro.

2 Khorinthek 5:9

Zab è ne, nyayaochak arone, gethek ichiih pha hò shii um magungde chiih-è thiisa pha hò shii um magungde gathek ne aishii sang yi pha yang ro.

2 Khorinthek 6:1

Hamangkhung-aphuii rog shii gethek ro ò blia, chiihphado, gu nathek shii khung phro hanyie è Hamangkhung-aphuii ro bushun mua maphi pho shiine amua yi rabo:

Galathithek 6:1

Gu ijakthek wo, asi pha ichua rek pha ji è giak shii zum dun arone, chiih-è nathek hanyie yi luruak pho ne si bsa hà rek phi bo; jimagungde nathek ne jum è rek bo. Chiih-è nawai shii wie riig ne chuajan bsa hà achai yi rabo.

Iphisithek 4:1

Chiihphado gu nathek shii khung, nyieliieshii gu è Ithong blia rek pha chiang è gu shii phatheg hà chab muii pha ji ro: Nathek shii ho pha ishak shii Hamangkhung-aphuii è phrai ne ruii pha ji shii ji duiine chai sieng bo.

Iphisithek 4:20

Jithek ne nathek è Masi chiang dab pha ji asi ro!

Iphisithek 5:17

Bi-ìe arey rabo, jishii Ithong è nashii nyie rek yi pha yang pha ji sow pha bidiang bo.

Philiphithek 1:27

Thuh, mugak pha mana ne hì ro nathek ro chai ne Masi ro mua duiine um chid, ji è dinne gu nathek shii riig pha awuii mua magunde, chiih-è jia chid pha ji shii nathek ne mua migi shii ò mak rek muii rone chiih-è nathek ne blia jia shii chuh è riu rone gu ne yoi ruii phro.

Philiphithek 1:9

Gu ne sia nathek ro miie ne ò rog shii izai khani nane isiie chua ne muna è muna rey ruii ne,

Philiphithek 3:14

Nyie yi Hamangkhung-aphuii è chai lakhung shii Masi Isu chiang è ho pha, jieg ji mua pha gu ne miang ran ro.

Kholosithek 1:10

Chiihphado nathek ne Hamangkhung-aphuii è chid pha duiine rai mua, chiih-è nathek ne ai nyie sang pha wie blia ji idang rek mua. Nathek chai shii de zab pha wie blia è se ruii, chiih-è nathek ne Hamangkhung-aphuii ro khani è sieng ruii.

Kholosithek 2:6

Nathek è Masi Isu ne Ithong rone nyanuii shii, nathek ne ai rog shii ò rek ne rai bo.

1 Thesalonithek 3:12

Ithong è nawaithek chung pha miie shii rab ne nathek shii gathek ro miie khama boh duiine zab bran chiang miie shii muna nane muna sieng bo.

1 Thesalonithek 4:2

Ithong Isu pha riichai è gathek è nathek shii phi pha muyuathek ne nathek ne thieg.

1 Thesalonithek 5:12

Gathek nathek shii khung, gathek ro khuiinothek nane bumuiithek, hanyie è nathek duchoi shii Masi pha chai ji yua ne, gayiig rek pho shii wie è ilab phi bo.

2 Thesalonithek 1:3

Gathek ro khuiinothek nane bumuiithek, gathek ne nathek chiang shii idang Hamangkhung-aphuii shii laso phi. Hì ne gathek shii rek chid pha rangsua ro, nyieliieshii nathek ro migi ne muna boh rey ne chiih-è nawaithek chung miie rai pha ji ne boh rey din ramuii ro.

2 Thesalonithek 2:1

Ithong Isu Masi wuii ruii pha miyao nane ai rog shii gethek ro ò khrab pha chiang shii: gu khuiinothek nane bumuiithek gu nathek shii khung,

2 Thesalonithek 3:1

Idohhè, gathek ro khuiinothek nane bumuiithek, gathek shii sia phi bo, hì ne nathek duchoi shii um pha duiine Ithong ro mua ne athodang pha dinne shiie ne ilab rog shii choi yi bo.

2 Thesalonithek 3:13

Jishii nathek, khuiinothek nane bumuiithek, wie rek pha ji shii ajid rabo.

1 Thimothi 5:21

Hamangkhung-aphuii chiih-è Masi Isu nane so hamangkhliiethek moe shii, nathek è nyie rek pha ji shii ne giak shii haro rek giak shii haro arek pha ji arek yi hì yao pha ji nuii yi pha gu nathek shii surua rek ne yao ro.

2 Thimothi 4:1

Hamangkhung-aphuii nane Masi Isu um pha moe shii ne, hanyie è isieng nane iy pha ji shii chua ne, chiih-è nyieliieshii ai ne Saja duiine, khoh pha wuii ruii phro ne

Hebriuthek 11:6

Hanyie jia de migi arek pha Hamangkhung-aphuii shii sang arek mua phro, hanyie magun Hamangkhung-aphuii shii wuiipho ne Hamangkhung-aphuii idang um rone chiih-è hanyie aishii sowpho ne lasen phi rone migi um chid.

Hebriuthek 13:16

Wie shii rek pha abia rabo chiih-è nawaithek chung nong rai bo, nyieliieshii hìpha zid jine Hamangkhung-aphuii shii sang yi ro.

Hebriuthek 13:22

Gu nathek shii khung, gu iijiiakthek hìpha lububo rek pha mua shii wie è nui bo; gu è nathek shii zey pha jigi hìne phiang asi ro.

2 Phithar 3:18

Jishii gethek ro Ithong nane Ragia Isu Masi ro bushun nane khani shii idang sey bo. Biisiie ne, thuh chiih-è idang airo ro! Amen.

1 Jon 3:22

Gethek ne ai re è nyie lia pha ji zab mua ro, nyieliieshii gethek ne ai muyung shii nuii chiih-è ai nyie sang pha ji shii rek.