1 Phithar 5:12 - Iwo Surua Mua Wie Pha Bible

¹² Gu è hìpha jigigam dum nathek shii zey pha jine Silas è nongphi, hanyie shii gu è isiie Masipho duiine gu è ilab rek pha ji ro. Gune nathek shii lububo rek phi chiih-è hìne Hamangkhung-aphuii ro izai bushun rone khagi rek phi pha yang muii ro. Ji shii chuh è riu bo.

1 Phithar 5:12 Iomraidhean Croise

JON ro Muawie 21:21

Phithar è aishii riig srane, ai è Isu shii sai, “Ithong hì pha bran shii nyie khi-èrek pha lei?”

Bliathek 11:23

Ai è thiisa thog ne Hamangkhung-aphuii è ithek shii khinyama khirzey phi ne ruii pha ji riig srane bajo sang ne ithek shii yao, Ithong shii nawaithek è isiie nane izai now ne rai bo.

Bliathek 15:22

Ji-è, guaphasamoy nane dukhothek è charch pho rog dog srane giak bran shii gua srane Anthioch hà Phaul nane Barnabas rog shii thoh ge pha nung rai. Ithek è hanyie shii migipho è bajo ilab phi pha bran nyi, Judas Barsabas beng pha nane Silas shii gua

Bliathek 20:24

Jishii, gune gui sieng pha chai ne boh anow; gune Ithong Isu è phi ne rek yi pha blia ji rek ched bi pha noh ro, ji pha blia ne Hamangkhung-aphuii pha bushun pha Mua Wie ji yao pha ji ro.

Romanthek 5:2

Ai è gethek ro migi ji è thuh gethek rai muii pha Hamangkhung-aphuii ro liijiing shii nohjong ro. Ji è gethek ne Hamangkhung-aphuii pha biisiie thang pha ji shii luthong ne nyigodog rek phro!

1 Khorinthek 15:1

Chiih-è thuh shii, gu ijakthek, gu è nathek shii nyie yua pha Mua Wie ji, nyie ithek è mua pha ji, chiih-è nathek migi chuh riu muii pha ji shii gu nathek shii now yi.

2 Khorinthek 1:19

Isu Masi, Hamangkhung-aphuii ro Dufuii, chiang shii Silas, Thimothi, chiih-è gu hì pha duchoi shii yua muii pha gathek de “Oh” nane “asi” rone asi ro. Ai ne Hamangkhung-aphuii ro “Oh” ro;

2 Khorinthek 1:24

Gathek ne nathek è nyie migi rek pha ji shii bangchiie rek pha abidiang ro; gathek ne thieg nathek ne migi shii chuh è riu, ji phachiang shii nawaithek shii sang yi pha gathek ne nathek rog shii blia rek.

Iphisithek 3:3

Hamangkhung-aphuii è awairo ug pha phak ne gu shii thieg yi ro. (Gune hì pha chiang shii dum zeyjong bie ro,

Iphisithek 6:21

Thaichikhus, Ithong pha blia shii gathek ro bushun khuiino nane isiie khiao è gu chiang pha mua zab phi pha ji yao ruii phro, Ji-è gu rog ne khi-èrek pha ji nathek ne thieg ruii phro.

Kholosithek 1:7

Nathek ne Hamangkhung-aphuii ro bushun ne, hanyie yi gathek duchoi pha Masi ro isiie bliapho Ephaphras, gathek ro ijak khiao ji è thieg ro.

Kholosithek 4:7

Gathek ro wie ijak Thychikhus, hanyie yi Ithong blia shii nane migi shii bliapho è, nathek shii gu chiang zab mua phi ruii phro.

Kholosithek 4:9

Ai rog shii Onesimus de wuii dun, ji ne bushun nane isiie ijak ro, hanyie yi nathek ibrog è ro. Ichiih shii nyie re ramuii pha ji ne ithek è nathek shii yao ruii phro.

1 Thesalonithek 1:1

Phaul, Silas, nane Thimothi è, Thesalonikha charch pha bran shii, hanyie yi Aphuii Hamangkhung-aphuii nane Ithong Isu masi ro: Khirzey nane liijiing ne nathek ro ro.

2 Thesalonithek 1:1

Phaul, Silas, nane Thimothi re-è, Hanyie yi Hamangkhung-aphuii gethek ro Aphuii nane Ithong Isu Masi ro Thesalonikha charch pha branthek shii:

Hebriuthek 13:22

Gu nathek shii khung, gu iijiiakthek hìpha lububo rek pha mua shii wie è nui bo; gu è nathek shii zey pha jigi hìne phiang asi ro.

1 Phithar 1:13

Ji-è chiihphado, nathek khani ne blia rek pha saro bo. Isu Masi khia mage shii nathek shii phiramuii pha khirzey shii nowbthan ne nawaithek ro luthong shii zab khriig rek ne ruii bo.

1 Phithar 4:10

Zab jia ne, Hamangkhung-aphuii ro yoyo lasenthek shii wie gayiig rai bo, ai ne Hamangkhung-aphuii è mua pha lasen wie jine gaithek shii wie rek pha kho bo.

2 Phithar 1:12

Chiih-è hìpha miyao ne gu idang nathek shii now yi pha ro, nathek ne ithek shii thiegjong chiih-è nathek è mua pha izai ji shii ne chuh reyjong ro.

2 Phithar 2:15

Ithek ne miang lumuii shii thoh srane ithek ro lumuii ne san dun ro; ithek ne Beor ro dufuii Balam è yie muii pha lumuii shii luagieng ro, hanyie ne awie pha blia rek pha ji è mua pha bang shii miie srane

3 Jon 1:12

Zab jia è Demethrius shii wie rone yao; zai de awai shii wie rone yao. Gathek de aishii wie rone yao, chiih-è na ne ìd gathek nyie yao pha jine zai ro.

JUD ro Jigigam 1:3

Gu iijiiakthek wo, gu nathek shii hì zey pha ne gethek shii um pha giawo pha miyao chiang ji shii zey chid pha now shii, jishii Hamangkhung-aphuii è awai bran shii luang jia shii idang pha migi phi pha chiang shii mak rek bone lububo rek pha zey phro.