1 Phithar 2:25 - Iwo Surua Mua Wie Pha Bible

²⁵ Nathek ne awaithek lumuii è san dun pha shiishai duiine ro, jishii thuh shii nathek ro Brogpho nane luruakthek shii Gayiig pha ji shii lua yi pha iidoh noh ro.

1 Phithar 2:25 Iomraidhean Croise

Methiu 18:12

“Hanyie shii shiishai weing jia um pha bran ne shiishai jia san dun shii nyie rek phi phro inow ga?” Ai ne sadigey è digey jithek shii phiingduii shii saing chie yi pha thoh marui srane san dun pha shiishai jia shii sow pha wuii dun phro.

Methiu 9:36

Ai ibrog ji doh mage shii, ai lubu hà ithek shii bushun now dun, nyieliieshii, ithek ne samdiig nane nong-oi pha rey dun. Brogpho oi pha shiishai duiine rey dun.

Bliathek 20:28

Ji-è, nawaithek shii riigbthan ne rai iang bo, chiih-è, Ragung So è boh marui pha shiishai brog shii de wie riig ne rai iang bo. Hamangkhung-aphuii pha charch pha brogpho rek ne rai bo, ji ne awai ro ro, Ai è awai dufuii khlem ne iy yi pha è rab ne ruii ro.

Hebriuthek 13:20

Gethek Ithong Isu Masi shii Hamangkhung-aphuii è iy pha ji hòi din yi; ai è awai ifai phi muii pha chiang ai ne shiishai pha Bajobo Shiishaibrogpho rey, ji pha chiang è idang pha shiinyie nabjong. Yang ne liijiing Hamangkhung-aphuii è na shii airo yang pha ji shii rek yi pha zab wie mana ji shii phi yi pha, chiih-è Isu Masi chiang, gethek chai shii ai è sang pha ji shii rek yi bo. Chiih-è biisiie ne idang è idang pha Masi ro! Amen.

Hebriuthek 3:1

Hanyie shii Hamangkhung-aphuii è ho pha ji ro! Guro Masipho khuiinothek, hanyie shii gathek è yao pha migi pha kho phabi shii Hamangkhung-aphuii è thoh ge pha Isu shii now bo.

Hebriuthek 5:2

Ai awai ro bajo ichuathek shii zia ro, ai ne nyie de athieg pha branthek chiih-è asi pha rek pha bran ibi shii jum rek ro.

1 Phithar 3:20

Jithek ne hanyie è Hamangkhung-aphuii shii anuii pho ro ragungthek ro chiih-è Hamangkhung-aphuii ne ithek shii lubu phiang è khan pha ishak shii Noah ne awairo run rab ramuii ro. Run shii ne ìujia bran ro—zab ne mileo ro—ithek shii ne kho è ragia rey ge ro,

1 Phithar 5:4

Chiih-è boh Brogpho khia mage shii, nathek shii ne khuchungde asand pha ikhilieng biisiie rago ji mua ruii phro.