1 Phithar 1:20 - Iwo Surua Mua Wie Pha Bible

²⁰ Aishii ne Hamangkhung-aphuii è sohjambling azen ba pha ibi gua chiih-è iidohè pha inai shii nathek chiang shii khia phi ro.

1 Phithar 1:20 Iomraidhean Croise

Methiu 25:34

Chiihphado Saja è awairo phazoi pha bran shii yao ruii phro, thawuii bo, nathek shii ne gu Aphuii è khirzey phi ro! Thawuii ne nyie yi soh rab pha ji è nathek shii saro phi pha Sajathua ji shii ong bo.

Bliathek 2:23

Hamangkhung-aphuii pha munow duiine Isu shii ne nathek shii phi srane layog pha branthek pha muyung ji nuii ne zun ne ua maphi ro.

Romanthek 3:25

Hamangkhung-aphuii aishii ne phi, ji è phi ne iy pha ji ne branthek migi è ithek layog ne khung ge ro. Hamangkhung-aphuii ne giang chak rone doh yi pha ji rek phi. Igobi è ai ne jum nane branthek layog shii sasab arek ro; jishii thuh pha ishak shii giang chak rone doh yi pha ai è ithek layogthek rog shii rai. Ji duiine Hamangkhung-aphuii è awai shii giang rone doh yi chiih-è hanyie Isu shii migi rek pho izai chak rone yao.

Romanthek 8:29

Hanyie shii Hamangkhung-aphuii è gua jong aishii ne awai Dufuii duiine rey yi, ji è ai ne bajo boh haliing shii zab boh abam rey yi phro.

Galathithek 4:4

Idohhè pha rangsua ishak thok mage shii, Hamangkhunng-aphuii è awairo Dufuii shii thoh ge. Ai yi bran amuii è wuii srane Jewthek ro Iphey iliing shii rai,

Iphisithek 1:10

Hì pha phak ne Hamangkhung-aphuii è zab rek pha khriig ishak thok mage shii, zab hamangkhung pha nane zab sohnyiak pha rab pha ji shii ò jia shii yie pha, ai rog shii ne Masi ne khrug ro.

Iphisithek 1:4

Sohjambling rab pha ibi è rang de, gethek ro Masi rog shii ò pha ji è Hamangkhung-aphuii è gethek shii guajong ro, ji-è gethek ne ai ibi shii ichiig arek pha gang rek chid. Nyieliieshii airo miie

Iphisithek 3:11

Hamangkhung-aphuii è ji duiine rek pha ji ne awairo idang pha blia shii rek, nyie jine ai è gethek ro Ithong Masi Isu è rek ge.

Iphisithek 3:9

Chiih-è Hamangkhung-aphuii ro ug pha phak ne nyie khi-èrek ne branthek shii blia rek rone doh yi ro, Hamangkhung-aphuii hanyie ne zab pha manathek Rabpho è awairo ug pha phak jine buyo pho è ug ne ruii ne,

Kholosithek 1:26

Nyie yi buyo è zab pha bran è ug ne ruii pha ji ne jishii thuh ne awai bran shii dong phi.

1 Thimothi 3:16

Khama Bajobo pha ug nane gethek ro giang shii ne hanyie jia de asnai mua phro: ai ne tharohthamang rey ne dong khlei, Ragung re-è rangsua rone doh yie, chiih-è khliiethek è aishii doh. Ai chiang shii ne soh duchoi shii yua, Zab pha sohjambling è aishii migi rek, chiih-è aishii ne hamangkhung hà noh dun.

Hebriuthek 1:2

jishii thuh pha iidohè pha inai shii ne awai dufuii ji è gethek shii yao ro. Ai jia chiang è Hamangkhung-aphuii è hamangnyiak shii rab ro, chiih-è iidohè shii zab pha manathek shii muspho rey pha Hamangkhung-aphuii è gua ro.

Hebriuthek 2:14

Ai è ithek shii aniphiing rone ho phane, ibey nane ifai bran ro, Isu awai de ithek duiine rey dun ne ithek tharohthamang ziig ji shii thang. Ai è ji rek pha jine nyieliieshii airo iy pha ji è hanyie shii iy pha blu um pha ibuii shii ai ne srobro rek mua pha ji rek,

Hebriuthek 9:26

chiihphado sohjambling nyarab dang è yie ne thuh thog pha bame diig rek iwa. Ji pha chiang shii, thuh iidohè pha ishak moe è yie ne zab idam shii, awai shii zid pha ji è zab layogthek shii sud phi pha, ai ne luang jia idang pha khia ro.

1 Phithar 1:2

Hamangkhung-aphuii pha Aphuii chiang è nathek shii ne gua ro. Ragung re-è nathek shii ne so branthek rab ro, nathek ne Isu Masi shii nuii chid, chiih-è airo ifai è nathek shii sud phi ro. Bushun nane liijiing nathek shii ley um bo.

1 Jon 1:2

Ji pha chai shii doh muii pha rey magey shii, gethek riigjong ro, ji è gethek yao ruii chiih-è nathek shii idang pha chai chiang ji yao ruii nyie ji yi Aphuii rog um chiih-è gethek ìd yi ro.

1 Jon 3:5

Nathek ne ìd Masi ne layogthek shii khia rone yiedun pha thog, chiih-è aishii ne nyie de layog oi ro.

1 Jon 3:8

Hanyie magunde athohdang pha layog rek pho ne ai ne Sakhathong re-è ro, nyieliieshii bajo igobi è Sakhathong ne layogthek rek ro. Hì pha chiang è Hamangkhung-aphuii ro Dufuii khia pha ji ne, Sakhathong è rek pha ji shii srobro rek yi pha khia ro.

Dong 13:8

Hanyie ro ibeng yi isieng jigigam shii sohjambling azen ba pha ibi shii zey ne, ua muii pha shiishaiduii ro rey pho asi bie pha zab sohnyiak shii rai pha branthek ne aishii misiasia.