1 Jon 2:3 - Iwo Surua Mua Wie Pha Bible

³ Gethek ne Hamangkhung-aphuii muyung nuii arone, chiihphado gethek ne aishii ìd pha ji zai ro.

1 Jon 2:3 Iomraidhean Croise

LUG ro Muawie 6:46

“Gu è nyie yao pha ji ne thuh de arek ba pha rek srane, nathek gu shii ‘Ithong’ Ithong ro è yao ne nyie rek pha ho phlei?

JON ro Muawie 14:15

“Nathek gu shii miie arone, nathek guro muyung ji nuii phro.”

JON ro Muawie 15:10

Gu è Aphuii muyungthek ji nuii srane airo miie shii ò ne rai pha duiine, nathek de gu muyung ji nuii srane, gu ne airo miie shii rai ro.

JON ro Muawie 15:14

Chiih-è nathek ne gu ijak ro nathek ne gu è zen pha ji nuii arone,

JON ro Muawie 17:3

Chiih-è idang pha chai hi ro na izai Hamangkhung-aphuii nane na è hanyie shii thoh ge pha Isu Masi shii ìd pha ji ro, chiih-è hanyie è aishii thoh ge pha Isu Masi shii thieg ro.

2 Khorinthek 4:6

Hamangkhung-aphuii hanyie è yao, “Igiia ne isang chuang ruii phro!” jine ò Hamangkhung-aphuii hanyie è awairo isang gethek lubu shii chuang phi, hì pha blia ne Masi mizia shii Hamangkhung-aphuii ro biisiie chuang pha khani ji gathek shii noh pha rek.

Hebriuthek 5:9

Ai ne khriig rab magey shii ai ne hanyie è aishii nuiipho ro idang pha giawo pha ithua rey,

1 Jon 2:13

Gu ne nathek shii zey, gu aphuiiphiing, nyieliieshii nathek ne aishii ìd igobi è um rone ìd. Gu ne nathek shii zey, filiao-miliao branthek, nyieliieshii nathek ne sakhathong è yang ge ro.

1 Jon 3:14

Gethek ne ìd gethek ne iy pha ji è hiìa ne chiih-è chai hà thogjong; gethek ne hì ìd nyieliieshii gethek ne khuiino nane bumuii shii de miie ro. Hanyie è amiiepho ne thuh de iy pha blu hà ro.

1 Jon 3:19

Chiihphado, hì duiine gethek ne zai è rone ìd ruii; hì duiine Hamangkhung-aphuii moe shii gethek bujuii um.

1 Jon 3:6

Ji-è hanyie magun Masi rog shii ò rai layog shii ne arek; jishii hanyie è layog shii athodang pha rekpho ne khuchung de aishii adoh chiih-è a-ìd ro.

1 Jon 4:13

Gethek ne izai Hamangkhung-aphuii rog ò shii chiih-è ai ne gethek rog ò shii, nyieliieshii ai è awai ro Ragung shii gethek shii phi ro.

1 Jon 4:7

Bushun pha iijiiakthek, cho gethek chung miie rai haro, nyieliieshii miie ne Hamangkhung-aphuii è ro. Hanyie è miie ithek ne Hamangkhung-aphuii aniphiing ro chiih-è Hamangkhung-aphuii shii ìd ro.

1 Jon 5:19

Gethek ne ìd zab sohjambling yi Awiepha Jia ro bokho shii magunde gethek ne Hamangkhung-aphuii ro bran ro.

1 Jon 5:2

Gethek ne Hamangkhung-aphuii shii miie chiih-è ai muyungthek shii nuii pha ji è gethek ne Hamangkhung-aphuii ro aniphiing shii miie rone ìd ruii.

1 Jon 5:3

Nyieliieshii gethek Hamangkhung-aphuii shii miie pha miyaosiu jine gethek airo muyung shii nuii ro. Chiih-è gethek shii ai muyung ne diig asi ro,

Dong 12:17

Hakhliingmuii yi hò-amuii rog shii lijieg srane airo gai riingthek zab hanyie yi Hamangkhung-aphuii ro muyung shii nuii pho nane Isu è dong yi pha izai shii migi rekpho shii suang mak rek pha wuii dun.

Dong 14:12

Jine hanyie è Hamangkhung-aphuii muyungthek nuii ne chiih-è Isu shii isiie rek pho, Hamangkhung-aphuii bran ro zud pha ichua ji chid ro.

Dong 22:14

Ai ne sang ro hanyie è awairo yungthek shii sang sud ji è chai pha hingmuii re-è iwoi chie pha rangsua um ruii phro chiih-è gathek re-è rajan hà wuii ruii phro.