Zake 5:7 - Nouveau Testament bété de Gagnoa

⁷ -Nyɔsɔwanye, 'a 'piɛ "bhle 'dle. Anyinɛnyɔ yi! 'A wlo gloglonyɔ "ku. 'Ɔ 'piɛ- "bhle 'dle, "ne 'ɔ wolo -lɔ -ye 'ɔ -glo -wɛ "ku. 'Ɛ kɛ -zɛle, "ne 'ɔ 'di -lɔ -ka "ne 'ɛ bhiɛ -lɔ 'lɛɛ "me.

Zake 5:7 Iomraidhean Croise

Matie 16:27

"Naa-, 'Nyɔkpɔ Yowli yi 'ce 'ɔ To 'na 'ŋlu "me yi 'ɔnɛɛ "nɔgɔzilia 'wɔ "bhaa, "ne 'ɔ yi -ɔkɔkokɔko 'na -ye 'ɔ no -wɛ 'na 'peɔloɛ "nyɛ.

Matie 16:28

'E bhulɛle 'anye, 'diɛ yɛ -kɛ -lɔ, -wa -ko dɛne 'na -bedia "mɔ -na 'Nyɔkpɔ Yowli -ɔ "kɛ -klɔgbɔnyɔ 'nasɛ yi -wɛ 'ylime 'ye, 'wa -ka "ku.»

Matie 24:27

"Naa-, 'Nyɔkpɔ Yowli yi 'ce yi sɛgbɛɛ 'ŋu bhle 'yli "ne 'ɛ 'bhale -mee ylo 'wlole gluzɔ "ne -ɛ me -mee 'ɛ bhlile -wɛ.

Matie 24:44

-Ɛwɛza, 'anye ne, 'a luɔ-, "naa-, 'a "ne -sɔɔdɛku 'Nyɔkpɔ Yowli "kɛ yi -wɛ -yi zɛ.»

Luke 18:8

'E Bhulɛle 'anye nɛɛ: Lagɔ yua -ye 'wa 'yɔbhɔ -wɛ kɔ 'je bhobholo. -Mɔ, -zle 'Nyɔkpɔ Yowli "kɛ 'ce -yi ne, 'ɔ yi bhɔ 'dlekukɛleɛ dodo ne "ku ylele- 'a?»

Luke 21:27

Zaa, 'wa yi 'ce 'Nyɔkpɔ Yowli 'na yiyinɔ "nɔgɔjatlɛ "me 'ylime 'yele. 'Ɔnɛɛ 'bhɛloɛ 'klekle -nyɛ 'ɔnɛɛ 'ŋlu "bhaa.

Luke 8:15

'Ɛnɛɛ -ɛ -bhli dodo "namanɔ "ku -wɛ, 'naa -wa 'no- Lagɔ 'na weli "me 'dle "namanɔ kɔ "ne -wa -sule 'wayi "me -wɛ, 'waa- "kɛ -lɔ bhi tlo 'dlekutamaleɛ "me.

Zezu Kli 'na 'Denaade ‑ye Zaa kɛle‑ ne lɛ 21:22

Zezu -bhulɛlo nɛɛ: «'E kɛ 'yɔbhɔ -gbɔ -ɔ lele- -kaa -se 'neɛ yiyi dɛku "kɛ ylɛ ne, -neɛ' weli yɛ bha? -Eyi ne, gɛle- -ame!»

Zezu Kli 'na 'Denaade ‑ye Zaa kɛle‑ ne lɛ 21:23

'Ɛnɛɛ za, 'wa -sɛle 'awɔ 'nyakpa 'de -gbɔ "ɛ gɛlenyɔ -wɛ -ka 'ce "ku. -Mɔ, soɔ 'ye Zezu "ne nɛ lɛ-. Sɛne 'ye 'ɔ lɛ- 'awɔ -lɔ nɛɛ: «'E kɛ 'yɔbhɔ -gbɔ -ɔ lele- -kaa -se 'neɛ yiyi -dɛku "kɛ ylɛ ne, -neɛ' weli yɛ bha?»

Wlomɛnya 15:4

"Naa-, bhlɛme 'na Lagɔbɔgo 'klekle 'kɛleɔ- -se 'ɛ "kɛ -anye sloa-, -se 'ɛ "kɛ -anyɛɛ 'dle "bhle 'piɛ, -se 'ɛ "kɛ -anye 'kwɛme "tamalea-, -se -a "kɛ 'dletɛleɛ yle.

Wlomɛnya 2:7

-Wa 'tɛle -godogodo 'nɛne 'na nonoɛ 'siɛ -gbɔ 'wa "kɛ 'ŋlu me, 'wa "koa -bhlegbi "me "zo, -se 'wa "kɛ zikpɛ 'na -ɛ -ka "kubhiɛ -wɛ yle, "ɛ 'wayi -wɛ, Lagɔ "bhaa, 'wa yi 'ce "ku 'glile- -godogodo.

1 Kolɛtenya 1:7

-Dɛme 'na dɛku, Lagɔ 'na -bɛɛ' "kɛ 'anye kɔ 'bɔ, 'anye -wa -wo Anyinɛnyɔ Zezu Kli 'na yiyiɛ -wɛ.

Galatenya 5:5

-Anye -wa -kɛ Lagɔ 'dleku -wɛ, -a -kɛle 'dleku -gbɔ, Lagɔ yi 'ce -anye "me ŋwinɛlenya "zoa-, Zuzu Wlewle -gbɔ -lɔ "ne -a -wo -lɔ, "ne -a 'piɛ- -lɔ "bhle 'dle, "ne -a "tɛlo- -lɔ 'dle.

Galatenya 6:9

-A no -li 'na -li, 'kwɛme te -kɛ -anye yɔle-. 'A 'cɛ no yiɛ ne, lɔbhɔ kɛ 'ce -ylɛ, -a yi 'ce -bɛɛ' 'na -bɛɛ' "me ylele-.

Kolɔsenya 1:11

Lagɔ 'na 'bhɛloɛ "yitɛ yi 'ce 'anye -li 'klekle za 'kwɛme "tamalea-. Lɔbhɔ 'na dɛku, 'a yi 'ce 'lelee "me "tamale-, "ne 'a yi 'ce 'dleku "tamaleɛ yle 'anye 'klekle -wɛ za. 'Ŋwɛnɛ sɛku,

1 Tesalonikenya 1:3

-A To Lagɔ 'yliku, -anyɛɛ 'dle sibhɔ 'ce 'anye "ku 'yiɛ. -Ɛɛ, 'anyɛɛ 'dletɛleɛ 'tɛ- "me, 'anyɛɛ -waleɛ gbɔ -lɔ "ne 'a no -lɔ -ɛwɛ 'wɔ, "naa-, Anyinɛnyɔ Zezu Kli 'na -see 'a -kɔ 'dleku -wɛ 'tɛ- "me kpɛnyee.

1 Tesalonikenya 2:19

-Ɛɛ, -anyɛɛ 'dletɛleɛ, -anyɛɛ 'ŋwɛnɛ, "ne -anyɛɛ 'peɛleɛ, 'anye 'waa -lɔ. -Sɔɔdɛku -anyɛɛ "Bhenyɔ Zezu "kɛ 'ce yi -wɛ, 'anyɛɛ za, -anyɛɛ "klo "kɛ -lɔ gbɛklɛklɛ 'pe 'ɔyi 'yliku.

1 Tesalonikenya 3:13

Sɔbhɔ 'ye 'ɛ "kɛ -ko, "ne Anyinɛnyɔ "kɛ 'ce -lɔ 'anye 'dleku 'tamalea. -Sɔɔdɛku Anyinɛnyɔ Zezu -nyɛ 'ɔnɛɛ 'nyakpa -wa -noɔ 'ɔnoa 'waa -wɛ "bhaa kɛ 'ce -yi, 'a yi 'ce 'wlewle ko -a To Lagɔ 'yliku, "ne -a -ka 'ce 'nuɔsɔbhɔledɛ -yle.

Eblenya 6:15

Ablame 'piɛ- "bhle 'dle, "ne -nyɔ 'na weli Lagɔ -plelo kɔ -wɛ 'ɔ 'ye- 'ylime.

Zake 4:11

-Nyɔsɔwanye, 'a te 'alua 'na "ku 'na weli -nyɛnye bhulɛ-! -Eyi -mɔɔ bhulɛ -eluyu 'na "ku 'na weli -nyɛnye, "ne -e 'bhlelo gbo -wɛ, -Lɔ 'na "ku 'na weli -nyɛnye 'ye -e bhulɛ -lɔ, "ne -e bhlele me 'lelee -lɔ "ɛ -Lɔ -wɛ gbo. -Eyi -mɔɔ 'bhlele Lagɔ 'na -Lɔ gbo -wɛ, "ɛ -Lɔ -wɛ 'ye -e "ne "zo -lɔ 'plome, 'ɛnɛɛ gbobhlenyɔ 'ye -e noɔ- -lɔ.

Zake 5:10

"Nyɔsɔwanye, "guɔkwɔmenya -wa -bhulɛle Anyinɛnyɔ 'na 'tɔ "me -wɛ 'ye- 'kle kpɛnyee, -mɔ, 'wa 'piɛ- nɛ "bhle 'dle. 'A didaloa- 'se.

Zake 5:3

'Anyɛɛ -badlɛ, "ne 'anyɛɛ 'dlasi 'ɛ -plɛ tititi. 'Ɛnɛɛ tiletileɛ -wɛ yi 'anye gbobhlele-, "ne 'ɛ yi 'lelee 'anye siɛ- sɛgbɛɛ -kosu. Zikpɛ 'na "kubhiɛ -dɛku "ne -la dɛtlo-, "ne 'a gugwɔle- -lɔ 'ayi 'dle "me.

2 Piɛle 3:4

'Wa yi 'anye sile nɛɛ: «Zezu -ple 'awɔ weli -gbɔ 'ɔ yi 'awɔ yi, 'ɛ "ne bhɔ 'diɛɛ yɛ? Zaa, -dee 'ɔ -ko bhɔ? "Naa-, -a 'to 'wɔ "ku-, "ne "ɛ -li -ko -nazɛ "ɛ sɛbhele 'yiɛ, -se Lagɔ "mɔ 'awɔ zikpɛ 'wlɛ-!»