Zake 5:5 - Nouveau Testament bété de Gagnoa

⁵ 'A -gwlɛ -klɔgbɔpɛɛ "me dodo ne "ku, "ne 'a -no -ye 'a 'yɔbhɔ -wɛ. 'A -li 'tee -sɔɔdɛku 'alua ŋɔŋo 'lɔbhoa nɛ "kukusɛ "ku -wɛ.

Zake 5:5 Iomraidhean Croise

Luke 16:19

«-Klɔgbɔnyɔ -bholo -ko 'awɔ -lɔ lɔbhɔ. 'Ɔ -pla 'awɔ gblɛgblɛzɛ, "ne 'ɔ wuɔ 'awɔ gblɛgblɛzɛ. "Ne -se zle ze 'awɔ -wɛ, 'ɔ plɔkɔ 'awɔ -lɔ.

Luke 16:25

"Ne Ablame yu -lɔ bhulɛle- nɛɛ: 'Na yu, -neɛ' 'dle sibhɔ 'se -klɔgbɔ -ye -e 'pɔ- -neɛ' zikpɛ "me -wɛ "ku, -sɔɔdɛku Laza 'ye nɛ 'kle. -Dɛmeda 'ɔyi 'ye 'ŋwɛnɛ lɔbhɔ -la -lɔ "ne -eyi, -e 'gbape -la -lɔ.

Wlomɛnya 13:13

-A slu -anyɛɛ zikpɛ 'tee, sɛgbɛɛ zlegɛ: -A te li kpɛnyee, -se -a te "nɔmɔ kpɛnyee. -A -nyɛ "fu 'na 'nyɔ "bhaa -a te go, -a te -ayi -se -a 'yɔbhɔ -wɛ slu, -a te 'slɛ, -se -a te lɔbhɔzo no.

1 Timote 5:6

-Mɔ, "kwiziŋɔnɔ 'na -ɔ tɛle 'ɔnɛɛ zikpɛ 'na 'ŋwɛnɛ -lɛbhɛ 'ɛyi kɔ siɛ -wɛ, 'ɔyi -wɛ, 'ɔ "kɛ 'se -yɛ -ce, 'ɔ -ko sɛgbɛɛ -ɔ "ku- lɛ ne.

2 Timote 3:4

'Wa yi 'walua ylo no. 'Wa yi "kpokponya "zo. Bhabha -za, 'wa -ka 'nyɔkpɔ, 'nyɔkpɔ la. 'Wa yi zikpɛ ne "ku 'na -li mamale "ne 'wa -ka Lagɔ wamale.

2 Piɛle 2:13

'Kleyeɛ -ye 'wa "kɛ yle- 'wanɛɛ nonoli -nyɛnye za yɛ -lɔ. 'Wa -wa -se 'wa "kɛ 'wanɛɛ 'dlepɔsɛ -nyɛnye zlegɛ no. 'Wa -nyɔ 'wɔ "bhaa 'a "kɛ -jajo no ne, 'ɛyi 'wa ylɛle -lɔ "me "ne 'wa wlɛle -lɔ 'anye 'yo yɔko, "ne "ɛ 'wanɛɛ lɔbhɔ -koɛ -wɛ -le 'zu "ku.

Zude 1:12

'Wanɛɛ lɔbhɔkoɛ -nyimɔ 'anye 'klecɛnya 'na 'ŋwɛnɛsɛ 'na 'gɔme liliɛ. Lɔbhɔ -wɛ, 'wa li "ne 'wa -nɔmɔ "ne 'ɛ 'ple- lɔbhɔ, "ne 'ɛ "noa 'zu "ku -le, 'wayi kɔ 'wa 'pɔ -lɔ "ku 'dle. 'Wa -ko sɛgbɛɛ 'ŋu -kɔbhɔ 'ylime "ne 'ɛ "ne -lɔbhɔ "ne -pepe kɔme -lɔ "ɛ "nɔgɔjatlɛ -wɛ. 'Wa -ko sɛgbɛɛ su -ɛ "ne 'ɛnɛɛ 'tlo dɛku bhuɛ 'yli -ko, "ne 'ɛ -bhli lɛ "ne 'ɛ "ku- lɛ gou.

'Ylikloylɛleweli 18:7

'Ɔ -wamale 'ŋlu -nyɛ -klɔgbɔ "bhaa kpɛnyee. 'A 'gbapeɔ- sɔbhɔ, -see 'a ziɔ- 'nyɛze. "Naa-, sɛne 'ye 'ɔ lɛ -lɔ 'dlezɔ nɛɛ: 'E 'gli- sɛgbɛɛ -klɔgbɔŋɔnɔ "ne 'e "ne 'kwiziŋɔnɔ yɔ, 'e -ka 'ce -gbudu 'wuɔ.