Zake 5:10 - Nouveau Testament bété de Gagnoa

¹⁰ "Nyɔsɔwanye, "guɔkwɔmenya -wa -bhulɛle Anyinɛnyɔ 'na 'tɔ "me -wɛ 'ye- 'kle kpɛnyee, -mɔ, 'wa 'piɛ- nɛ "bhle 'dle. 'A didaloa- 'se.

Zake 5:10 Iomraidhean Croise

Luke 13:34

Zeluzalɛme 'na 'nyakpa, Zeluzalɛme 'na 'nyakpa, 'anye -wa lɔbhɔ "guɔkwɔmenya "ne 'nyakpa 'na -ye Lagɔ -lebhe 'anye "ku -wɛ 'a lɔbhɔa 'tiyi nu, "ne 'wa "ku, 'e 'yɔbhɔ 'ce -godogodo -gbɔ 'e "kɛ 'anye -ame yɔko 'wli 'yabha- sɛgbɛɛ 'gwaŋɔnɔnunu -nyɛ 'ɔnɛɛ yua "bhaa, -mɔ, 'a "ne "ku 'ŋunu-.

Luke 6:23

'Ɛnɛɛ zle -wɛ 'a 'vluvlule- "me, 'a "kpa "me, 'a zigbɔ- 'ŋwɛnɛ za, "naa-, 'peɛleɛ "yitɛ -wole 'anye "nɔgɔ "me. Soɔ -ye 'wa 'to 'wɔ 'sa- 'awɔ -lɔ "guɔkwɔmenya.

Nonoli 3:21

Zezu yi -na "nɔgɔ "me -ko -kaa -se -li 'klekle "kɛ 'lele "zo "bhuɔ. -Sɔbhɔ 'ye 'ɔ -gbɔ 'awɔ -lɔ, 'ɔnɛɛ -watɔ 'na "guɔkwɔmenya 'wlewle 'na nuɛ "me.

Nonoli 7:52

"Guɔkwɔmenya 'glɛme 'na -bholo 'na -ye 'a 'to 'wɔ "ne 'ce bhɔ 'nyɛze -sɛ -no 'a? -Mɔ, "meŋwinɛlenyɔ -ɔ "kɛ nɛ yi -wɛ 'na 'de, 'na -wa -yi nɛ -sɛ -ka -wɛ, 'wa 'lɔbhoa- "ne 'wa "ku- 'se ne. "Ɛ "meŋwinɛlenyɔ -wɛ, 'ɔyi 'nabhɛ 'ye 'a -no -lɔ -dɛme ylo "ne 'a yu -lɔ 'lɔbhɔ, "ne 'ɔ yi -lɔ "ku.

Eblenya 13:7

'Anyɛɛ 'dle 'sibhɔ 'se 'anyɛɛ "yitia -gɔgɔa -wa -sɛle 'anye Lagɔ 'na 'Denaade -wɛ "ku. 'A wolo- -see 'wanɛɛ zikpɛ -bhiɛ 'wlizɔ -wɛ "ku, -se 'a 'didale- 'wanɛɛ -see 'wa -kɛle Lagɔ 'dleku -wɛ.

Zake 4:11

-Nyɔsɔwanye, 'a te 'alua 'na "ku 'na weli -nyɛnye bhulɛ-! -Eyi -mɔɔ bhulɛ -eluyu 'na "ku 'na weli -nyɛnye, "ne -e 'bhlelo gbo -wɛ, -Lɔ 'na "ku 'na weli -nyɛnye 'ye -e bhulɛ -lɔ, "ne -e bhlele me 'lelee -lɔ "ɛ -Lɔ -wɛ gbo. -Eyi -mɔɔ 'bhlele Lagɔ 'na -Lɔ gbo -wɛ, "ɛ -Lɔ -wɛ 'ye -e "ne "zo -lɔ 'plome, 'ɛnɛɛ gbobhlenyɔ 'ye -e noɔ- -lɔ.

Zake 5:13

'Anye 'glɛme, 'nyɔkpɔ "mɔ -yɛ, 'ɔ bhubhɔ- Lagɔ. 'Ŋwɛnɛ kɔ 'lɔbhɔ ne, 'ɔ 'dile Lagɔ lo keyi.

Zake 5:7

-Nyɔsɔwanye, 'a 'piɛ "bhle 'dle. Anyinɛnyɔ yi! 'A wlo gloglonyɔ "ku. 'Ɔ 'piɛ- "bhle 'dle, "ne 'ɔ wolo -lɔ -ye 'ɔ -glo -wɛ "ku. 'Ɛ kɛ -zɛle, "ne 'ɔ 'di -lɔ -ka "ne 'ɛ bhiɛ -lɔ 'lɛɛ "me.

Zake 5:9

-Nyɔsɔwanye, 'a te 'alua "me klu, -se Lagɔ te kɛ 'anye gbobhlele-. "Ɛ gbobhlenyɔ -wɛ ne lɛ, 'ɔ -ko 'anye gbanuɛ "me!