Zake 4:12 - Nouveau Testament bété de Gagnoa

¹² Lagɔ -bholo -kpee -ɔ 'nyɛ -Lɔ, "ne -ɔ -noɔ gbobhlenyɔ yɔ, 'ɔyi -bholo -kpee 'bhɛle- -lɔ "ne 'ɔ "kɛ 'nyɔkpɔ fuɔ "ne 'ɔ "kɔ 'kwiɛ "me 'piɛ. -Mɔ, -eyi -mɔɔ bhlele -eluyu gbo -wɛ, -se -e libhi bhɔ -eyi "ku 'a?

Zake 4:12 Iomraidhean Croise

Matie 10:28

'A te 'nyakpa -wa 'lɔbhɔ ku -mɔ, 'wa "ne 'bhɛle- "ne 'wa "kɛ 'wugɔŋo 'lɔbhɔ -wɛ -gɛ 'gu. -Ye 'a "kɛ -gɛ 'gu -noɔ -lɔ Lagɔ yɔ, "naa-, 'ɔ -kɛ 'bhɛloɛ -se 'ɔ kɛ 'wugɔŋo -nyɛ ku "bhaa 'lɔbhɔ -se 'ɔ 'cɛ -kosu "me 'pɔ.

Luke 12:5

-Ye 'a "kɛ -gɛ 'gu -wɛ 'e "kɔ 'anye 'sloa-, 'a 'gu, -ɔ kɛ 'lɔbhɔ- "bhuɔ, "ne 'ɔ "kɛ "wugɔŋo -kosu "me 'pɔ -wɛ -gɛ. -Ɛɛ 'ɔyi -wɛ, 'a 'gu -gɛ. Soɔ 'ye 'e lɛ -lɔ.

Wlomɛnya 14:13

-A te 'se gbo bhlebhlele-. -Mɔ, -ye 'a "kɛ nɛ no ne lɛ: 'A te 'a "nɔwli -bɛɛ' 'na -ɛ kɔ zɔ "pɔ "ne 'ɛ kɔ "nyɛnye -noa -wɛ 'yliku 'piɛ.

Wlomɛnya 14:4

-Eyi -ye -e -noɔ bhɔ, "ne -e -kɛ bhɔ -eluyu 'na "kulɔbhɔnyɔ 'gbobhlele? 'Ya 'ye 'ɔ "kɛ 'nyegblele- "ne zɔ 'ye 'ɔ "kɛ -bhli, 'ɔnɛɛ -ye 'ɔ lɔbhɔ "ku -wɛ 'na gbo yɛ -lɔ. "Ne 'ɔ yi 'ce 'ya 'nyegblele, -sɛko -wɛ Anyinɛnyɔ 'bhɛle- -se 'ɔ "kɔ 'kwɛme "tamalea-.

Wlomɛnya 2:1

-Eyi -mɔɔ 'bhlele -elua gbo -wɛ, -ɛ "kɛ -eyi gbo -sɛ -wɛ "ne -le, -see -e yi ko -ce, -e 'bhlele -elua gbo, "ne -e no -me 'wanɛɛ sɛ! Zaa, gbo -ye -e bhle -wɛ, -eyi 'nabhɛ -ye -e 'gbli -lɔ gbo 'wlime.

Wlomɛnya 9:20

-Mɔ, -eyi -ye -e -noɔ bhɔ -se Lagɔ "bhaa 'a "kɛ 'kpɛle- 'a? -Bɛɛ' 'na -ye 'wa -no -wɛ, yi bhɔ -ɔ -no -wɛ lo 'yɔbhɔ -gbɔ sɔɔbɛɛza -e -no -ame soɔ 'a?

Eblenya 7:25

-Ɛwɛza, 'ɔ "kɛ -lɔ -wa 'nyiɔ Lagɔ yɔko -wɛ 'fuɔ -godogodo 'ɔnɛɛ 'kwɛle-kwɛleɛ "me. "Naa-, Zezu -yɛ 'gbligbli -godogodo, 'ɔ yi 'wanɛɛ za Lagɔ bhubhɔ -godogodo.

Zake 5:9

-Nyɔsɔwanye, 'a te 'alua "me klu, -se Lagɔ te kɛ 'anye gbobhlele-. "Ɛ gbobhlenyɔ -wɛ ne lɛ, 'ɔ -ko 'anye gbanuɛ "me!