Zake 4:11 - Nouveau Testament bété de Gagnoa

¹¹ -Nyɔsɔwanye, 'a te 'alua 'na "ku 'na weli -nyɛnye bhulɛ-! -Eyi -mɔɔ bhulɛ -eluyu 'na "ku 'na weli -nyɛnye, "ne -e 'bhlelo gbo -wɛ, -Lɔ 'na "ku 'na weli -nyɛnye 'ye -e bhulɛ -lɔ, "ne -e bhlele me 'lelee -lɔ "ɛ -Lɔ -wɛ gbo. -Eyi -mɔɔ 'bhlele Lagɔ 'na -Lɔ gbo -wɛ, "ɛ -Lɔ -wɛ 'ye -e "ne "zo -lɔ 'plome, 'ɛnɛɛ gbobhlenyɔ 'ye -e noɔ- -lɔ.

Zake 4:11 Iomraidhean Croise

Luke 6:37

'A te 'alua gbobhlele- -se Lagɔ te -kɛ 'anye gbobhlele- -me zɛ. 'A te kɛ 'alua gbo 'wlime "gbli, -se Lagɔ te kɛ 'anye gbo 'wlime "gli me. 'A 'tale- kɛle 'yi -se Lagɔ "kɛ 'anye nɛ 'yitale- -me.

Wlomɛnya 2:1

-Eyi -mɔɔ 'bhlele -elua gbo -wɛ, -ɛ "kɛ -eyi gbo -sɛ -wɛ "ne -le, -see -e yi ko -ce, -e 'bhlele -elua gbo, "ne -e no -me 'wanɛɛ sɛ! Zaa, gbo -ye -e bhle -wɛ, -eyi 'nabhɛ -ye -e 'gbli -lɔ gbo 'wlime.

Wlomɛnya 2:13

-Wa 'fo "fu Moyize 'na -Lɔ 'yukwli -wɛ, 'wa "ne "meŋwinɛlenya 'waa Lagɔ 'yliku, -mɔ, Lagɔ yi 'ce -wa "zo -Lɔ 'plome -wɛ "meŋwinɛlenya "zoa-.

Wlomɛnya 7:7

Zaa, -se -a "kɛ bhɔ lɛ? -Lɔ, 'nyinyonoli yɛ bha? 'Bhɔ gou! -Mɔ, -Lɔ -gbɔ, "ne 'e yi -lɔ 'nyinyonoli yibhlele-. -Lɔ "mɔ nɛ kɛ no -gbɔ 'e 'luyu 'na -bɛɛ' te -eyi 'ylime 'kamale- ne, -e -ka nɛ kɛ 'sɛ yibhlele- -gbɔ -eluyu 'na -bɛɛ' 'na 'ylime 'kamaleɛ 'nyinyonoli yɛ.

1 Kolɛtenya 4:5

Anyinɛnyɔ -namlɛ yi, zaa 'a te -mlɛ 'se 'nyɔkpɔ 'gbobhlele. -Mɔ, 'ɔ kɛ -yi ne, 'ɔɔ "kɛ -lɔ -ɛ zizɔ- titiɛ "me -wɛ "ku 'lea-, "ne 'ɔɔ "kɛ -lɔ 'dlepɔsɛ zle "ku 'lea-, lɔbhɔ 'na dɛku, Lagɔ yi -ɔkɔkokɔko 'ŋlu 'kwa- -se 'ɔ 'yɔbhɔ -wɛ.

2 Kolɛtenya 12:20

-Ye 'e "gu -gɛ ne lɛ: 'E yi -kɛ 'anyɛɛ moɔ yi. 'E "kɛ 'anyɛɛ moɔ -yi -lalɛce, 'e -ka 'anye -see 'ɛ -ko -ame 'dleku -wɛ ylele-. "Ne -ame 'lelee, 'a -ka -lalɛce, -ame -see 'a 'yɔbhɔ -wɛ ylele-. 'E "gu -gbɔ 'e te 'anye -ɛne 'glɛme ylele-: Gbonoɛ, lɔbhɔzonoɛ, kɛle, 'nyakpa 'na 'keyiglɛglɛleɛ 'wɔ, 'alua 'na 'yliyliɛ, 'wanɛɛ -sɛsɛɛ -wɛ 'wɔ, 'ylisiɛtɛleɛ, 'bidiglagli 'na kosɛ. Li ne 'klekle 'na 'dlebhɛ lɔbhɔ nɛ -lɔ -ame 'anyɛɛ moɔ 'na yi dɛku.

Efɛzenya 4:31

'A te "nyɛnye -ye 'wa -no 'anye -wɛ 'dlezɔ kulɛle-, "klo nyɛneɛ, 'kɛle, "mekpɛɛ, 'yliyliɛ. "Nyɛnye 'na -se 'ɛ "mɔ -le "ne -se 'ɛ "kɛ -le, 'a 'ylialea- 'ayi "guɔ 'klekle.

1 Timote 3:11

"Ɛ sɛbhele -wɛ, 'ŋwenea -wa -noɔ -me dlinya 'waa -wɛ yi kɛ 'lelee, -see 'wa "koa 'plome "zo -wɛ 'na -li no -me. 'Wa te -kɛ 'walua 'na weli -nyɛnye bhulɛ. 'Wa yibhlele- -kɛ 'wayi 'na "ku piɛle sɛ. -Se 'wa no 'dlekukɛle -li, -li 'klekle "me.

2 Timote 3:3

'Wa "ne -kɛ 'dlepɔledɛ -kɛ, 'wa "ne -kɛ 'nyɛzedle -kɛ. 'Wa yi 'walua 'na weli "nyɛnye bhulɛ. 'Wanɛɛ zikpɛ yi bidibidi ko. 'Wa yi -konyinɛ "me ko kpɛnyee. 'Wa yi -wa no "nɛne -wɛ 'gble.

Tite 2:3

'Ɛ ko me "ɛ sɛbhele -wɛ, 'ŋwenea 'na 'wa gɔ- -wɛ 'na dɛku, 'wa slu 'wanɛɛ zikpɛ 'tee -see 'ɛ "kɛ Lagɔ -gɛ 'namale -wɛ, 'wa te 'walua 'na weli -nyɛnye bhulɛ, 'wa te no 'na 'juyua "zo, 'wa sloa -ɛ 'nɛne -wɛ.

Zake 1:16

Zaa, -awale 'wanye -lɛ, 'a te -kɛ 'ayi ylo no.

Zake 1:19

-Awale 'wanye, -ye 'a "kɛ yibhlele- ne lɛ: -Ɔkɔkokɔko yi 'yukwli 'fo -ku "pulɔ, -mɔ, 'ɔ te -kɛ bhulɛ -ku "pulɔ, "ne 'ɔ te -kɛ kɛle pɔ -ku "pulɔ.

Zake 1:25

-Mɔ, 'nyɔkpɔ 'na -ɔ ciɛ -Lɔ "namanɔ -ɛ yelea kɔ 'tee -wɛ ne lɛ. 'Ɔ -kɛ "ɛ -Lɔ -wɛ kɔ, 'ɔ fo Lagɔ 'na weli 'yukwli, "ne 'ɔ "ne 'dlu- "ku, "ne 'ɔ 'plɛ "ku. Sɔbhɔ 'na 'nyɔkpɔ -wɛ, -ye 'ɔ kɛ 'se no -ce yu 'ce 'ŋwana "ku -lele.

Zake 2:8

Lagɔbɔgo nɛɛ: «-Wamale -eluyu, -see -e -wa -eyi -wɛ» 'a kɛ sɔbhɔ "zo ne, sɔbhɔ 'nɛne. "Ɛwɛ -noɔ -lɔ Lagɔ 'na 'kamale zikpɛ "me 'na -Lɔ yɛ.

Zake 5:10

"Nyɔsɔwanye, "guɔkwɔmenya -wa -bhulɛle Anyinɛnyɔ 'na 'tɔ "me -wɛ 'ye- 'kle kpɛnyee, -mɔ, 'wa 'piɛ- nɛ "bhle 'dle. 'A didaloa- 'se.

Zake 5:7

-Nyɔsɔwanye, 'a 'piɛ "bhle 'dle. Anyinɛnyɔ yi! 'A wlo gloglonyɔ "ku. 'Ɔ 'piɛ- "bhle 'dle, "ne 'ɔ wolo -lɔ -ye 'ɔ -glo -wɛ "ku. 'Ɛ kɛ -zɛle, "ne 'ɔ 'di -lɔ -ka "ne 'ɛ bhiɛ -lɔ 'lɛɛ "me.

Zake 5:9

-Nyɔsɔwanye, 'a te 'alua "me klu, -se Lagɔ te kɛ 'anye gbobhlele-. "Ɛ gbobhlenyɔ -wɛ ne lɛ, 'ɔ -ko 'anye gbanuɛ "me!

1 Piɛle 2:1

'A 'tale -ɛ -noɔ -konyinɛ yɛ 'klekle -wɛ 'yi, 'a te 'nyɔkpɔ ylo no, 'a te -jijigbɛlɛ "zo, -se 'a te lɔbhɔzo no, -se 'a te 'alua 'na weli -nyɛnye bhulɛ.