Zake 3:6 - Nouveau Testament bété de Gagnoa

⁶ Miɛ, -kosu yɛ -me -lɔ. Miɛ, 'ɛyi 'ye "nyɛnye -ko -lɔ zɔ. -Anyɛɛ ku 'na -cibhɛ -ɛ pla ku 'klekle fe yɛ -lɔ. Miɛ, 'ɛɛ "zo -lɔ -kosu -anyɛɛ zikpɛ "me. 'Ɛ 'bhale -anyɛɛ gwɛledɛ "ne 'ɛ sɛle -lɔ 'kwiɛ "me 'wli. "Ɛ -kosu -wɛ 'gbapeledɛ "yitɛ "me 'ɛ "bhale -lɔ.

Zake 3:6 Iomraidhean Croise

Matie 12:24

Faliziɛnya 'no- lɛ "ɛ weli -wɛ "me ne, bhulɛ 'wa -bhulɛ -lɔ nɛɛ: -Ɔwɛ, Bɛlzebule, Zuzu -nyɛnyea 'na "cifi gbɔ -lɔ za 'ɔ 'kpeti -lɔ Zuzu -nyɛnyea 'nyakpa keyi.

Matie 5:22

-Mɔ -ame, 'e bhulɛle 'anye nɛɛ: 'Nyɔkpɔ 'na -ɔ kɛ 'ɔ "nɔwli kɛle yɔko 'pɔle-, 'wa yu gbobhlele-, -ɔ kɛ 'ɔ "nɔwli 'yli- nɛɛ: -E "ne "nɛ-, 'wa yu 'ce zufonya 'na gbobhle-zejilɛ "ku kɔme-; -Ɔ kɛ 'ɔluyu no nɛɛ: "Kukwɛ sa bhɔ -eyi 'a, sɔbhɔ 'na nyɔ -wɛ yi 'ce -kosu "me me.

Malke 7:15

Lilɛ 'na -ɛ 'bhale zikpoku "ne 'ɛ plɛ "mene -wɛ, 'ɛɛ -na 'nyɔkpɔ 'fe pla-. -Mɔ, -ɛ 'bhale 'nyɔkpɔ 'dlezɔ -wɛ, 'ɛɛ pla- -lɔ 'nyɔkpɔ 'fe.

Luke 16:24

"Ne 'ɔ yi -lɔ "me 'kpa "yitɛ "ku nɛɛ: -Ame 'to Ablame, 'pɔ 'na nyɛzedle! 'Lebhe- Laza -se 'ɔ "ŋwa 'ɔnɛɛ 'sɔwleyɛ 'ŋu "me -se 'ɔ 'cɛ -ame miɛ "ku tolia-, "naa-, 'e 'gbape kpɛnyee "ɛ -kosu ne "me.

Nonoli 20:30

"Ne 'anye 'glɛme 'na -bedia yi 'ce yowlɛ. "Ne gɛlenya 'na -bedia yua 'ce 'beku bhli.

Nonoli 5:3

Lɔbhɔ 'ye Piɛle -no -lɔ nɛɛ: «Ananiaase, sɔɔbɛɛza Sata -plɛ bhɔ soɔ -eyi 'dlezɔ 'a? -E -wlɛle Zuzu Wlewle yo yɔko. Dodo -ye -e 'pɔ- 'pɔlo "ku -wɛ 'na 'dlasi, -e zizi- 'ɛ 'cibhɛ.

Nonoli 6:13

Lɔbhɔ 'ye 'wa -nɛme 'lelee -lɔ yowlɛnya "ne 'wa yi -lɔ no nɛɛ: «'Nyɔkpɔ -ye 'a 'wolo -dɛne "ku ne, 'ɔ bhulɛ weli -nyɛnye -anyɛɛ "Mebɔbɔlebhudu 'wlewle 'na dɛku, "ne 'ɔ bhulɛ 'lelee Moyize 'na -Lɔ 'na weli -nyɛnye!

Tite 1:11

Zaa, 'a "gba 'se 'wanɛɛ nuɛ "ku. "Naa-, -gligbɛnya 'wa sɛ -lɔ 'dlekukɛleɛ 'na -gwe "ku, "ne 'wa sloa -lɔ -ye 'wa -ka no -wɛ, -se 'wa "kɛ -kɛ -vi "me 'dlasi "ku libhile.

Zake 2:7

"Ɛ -klɔgbɔnya -wɛ 'waa- ziɛ -lɔ 'anyɛɛ 'tɔ "namanɔ -ye Lagɔ -ziɛle 'anye 'dii.

Zake 3:7

'Nyakpa 'bhɛle- -se 'wa "kɛ 'kwlɛ 'nɛmea -ye 'wa -wa -wɛ 'wli no, -se 'wa "koa 'plome "zo: 'Ɛ "zo 'zea, 'tɛbhea "ne zibhia.

2 Piɛle 3:3

-Mɔ, -tiaa sɛ, -ye 'a "kɛ yibhlele- ne lɛ: 'Bebhiɛle -yli "me, 'nyakpa yi 'ce -yi. 'Wa yi 'wanɛɛ 'ye 'wa "pɔ "ku 'dle "ne 'ɛ "ne 'nɛne -wɛ 'ɛyikɔ gɛlele-.

3 Zaa 1:10

'Ɛnɛɛ za, -zle 'e kɛ -yi, 'e yi nyɛnye 'klekle -ye 'ɔ -no -anye 'wli -wɛ 'na weli bhulɛ: 'Ɔ -wlɛle -anye yo yɔko, 'ɛ "ne -ɛwɛ 'ɛyikɔ yɛ. 'Ɔ sɛ 'klecɛnya 'na -vinoa 'na 'tee sa -lo. "Ne -bedia kɛ no -gbɔ 'wa "koa 'tee 'sa, 'ɔ 'titua 'yliku, "ne 'ɔ 'kpetua -lɔ lagɔgligbɛ "me.

'Ylikloylɛleweli 12:9

"Ne 'wa yi -lɔ "ɛ -gbogbomɛnɛgɔ -gwli -wɛ zikpoku 'pɔ. "Ɛ -gbogbomɛnɛgɔ ne, bhlɛgɔgɔtɛbhɛ yɛ -lɔ. 'Ɔyi 'wa la me -lɔ zuzu-nyɛnyea 'na "cifi "ne Sata. 'Ɔɔ no -lɔ -glɔ ne zɔ 'na 'nyakpa 'klekle ylo. 'Wa 'pɔ- dodo "ku 'ɔnɛɛ -zilia 'wɔ "bhaa.

'Ylikloylɛleweli 13:14

Soɔ 'ye 'ɔ bhlia nɛ -lɔ dodo ne "ku 'na 'nyakpa 'kwlɛ. "Naa-, 'ɔ -yle nɛ 'bhɛloɛ -se 'ɔ "kɛ tɛtɛnɛmɛ 'yli "ku zɛzɛ "yiti 'pɔle. 'Ɔ bhulɛle zikpɛkonya -gbɔ 'wa no jinyɛ "me 'na nɛmɛ -ye 'lɔbhɔ- nɛ "kukusɛ -jijigbɛlɛ nu "ne 'ɔ -yamale nɛ -wɛ 'na yuslokponɔ.

'Ylikloylɛleweli 18:23

'Napɛ "ne zle -ka 'ce -la -neɛ' moɔ le. 'Wa -ka 'ce -la -neɛ' moɔ 'sueplɛnya 'na weli 'nole gou. Sɛko -wɛ, -neɛ' 'pɔlopɔnya -noɔ -lɔ dodo ne "ku 'na "yitia 'waa, -neɛ' "guloyeɛ -bhlia dodo 'klekle 'kwlɛ.

'Ylikloylɛleweli 19:20

'Wa 'sa- "ɛ nɛmɛ -wɛ -nyɛ "guɔkwɔmenyɔ -gbeyi "bhaa, "ɛ "guɔkwɔmenyɔ -gbeyi ne 'pɔle nɛ "ɛ nɛmɛ -wɛ 'yli "ku zɛzɛ. -Se 'ɔ "kɛ 'wa -yle "ɛ nɛmɛ -wɛ 'na 'be, "ne -wa "zo- nɛ 'ɔnɛɛ 'yuslokpo -wɛ ylo no. 'Wa 'pɔ- "ɛ nɛmɛ -wɛ "ne "guɔkwɔmenyɔ -gbeyi -kosu -gbagbo -dee -biŋu 'siɛle yɔko -wɛ "me.