Zake 3:2 - Nouveau Testament bété de Gagnoa

² -Anye 'klekle -a 'to 'gbi. 'Nyɔkpɔ 'na -ɔ bhulɛ "ne 'ɔ "ne 'to 'gbi -wɛ, 'ɔɔ -ko -lɔ 'tee. "Ne 'ɔ -yi 'lelee -lɔ 'ɔyi 'na slu sɛ.

Zake 3:2 Iomraidhean Croise

Matie 12:34

'Tɛbhɛdlekɛkɛlenyanye lɛ! 'Anye "ne 'nɛne -wɛ, -see weli "namanɔ "kɛ bhɔ 'anye 'nu 'bhale- 'a? -Ɛ 'yiɛ 'dlezɔ -wɛ, 'ɛyi nuɛ bhulɛ -lɔ.

Matie 12:37

"Naa-, -neɛ' bhulɛweli kɔ 'wa "kɛ -lɔ -eyi 'gbobhlele-, 'ɛ yi -eyi gbo -sɛ "ne 'ɛ yi -eyi gbo 'je.»

Wlomɛnya 3:10

Lagɔbɔgo nɛɛ: 'Nyɔkpɔ -ɔ ŋwinɛle- "me "ne -le "ne 'ɔ "kɛ -bholo -kpee -yle!

Wlomɛnya 7:21

Soɔ 'ye 'e 'ye -lɔ "ɛ -Lɔ ne 'ylime. 'E kɛ no -gbɔ 'e "kɛ -li 'na -li no ne, "nyɛnye yi -lɔ -ame 'yliku.

1 Kolɛtenya 9:27

-Ame Pɔle, 'e -su 'ayi 'dlekutamalesɛ -se 'e 'te 'neɛ 'dle 'na -ye 'ɛ 'yɔbhɔ -wɛ gɛlele-. -Se -ame 'mɔɔ 'sɛle- 'Denaade 'nyakpa -wɛ, Lagɔ te -kɛ -ame 'kwlɛ "me 'pɔ.

Galatenya 3:22

"Naa-, Lagɔbɔgo nɛɛ -glɔnya 'klekle 'nyinyonoli 'gblua- -lɔ 'wlime. Lagɔ 'na weli -ye 'ɔ -ple -wɛ "kɛ nɛ -lɔ 'yli 'wlole 'dlekukɛlenya 'klekle za, 'wanɛɛ Zezu Kli 'na 'dlekukɛle -ylime.

Galatenya 5:17

"Naa-, 'nyɔkpɔ 'na 'dlepɔsɛ -nyɛnye -nyɛ Zuzu Wlewle "bhaa 'gwe 'wa 'gwe -lɔ, "ne Zuzu Wlewle -nyɛ 'nyɔkpɔ 'na 'dlepɔsɛ -nyɛnye "bhaa 'gwe 'wa 'gwe -lɔ, 'wayi 'glɛme to yɛ -kɛ -lɔ, 'ɛnɛɛ 'wlisɛledɛ -noɔ -lɔ -gbɔ, -ye 'a 'yɔbhɔ -gbɔ 'a "kɛ no -wɛ, 'a -cɛ no.

Kolɔsenya 1:28

"Ɛ Klise ne 'na 'de 'ye -a sɛ -lɔ. "Ne -a "zo -lɔ -ɔkɔkokɔko 'de "me, "ne -a 'sloɛ -lɔ "nane sɛku, -see 'wayi 'klekle "kɛ Klise "me "gɔbhɔle.

Kolɔsenya 4:12

Epaflase, -ɔ -noɔ 'anyɛɛ moɔ -nɔ yɔ -wɛ 'bhɛle 'anye. Zezu Kli 'na "kulɔbhɔnyɔ, -ɔ bhubhɔ 'anyɛɛ za, "ne 'ɔ "ne 'diɔle -wɛ yɔ -lɔ. 'Ɔ 'yɔbhɔ -gbɔ 'anyɛɛ Lagɔ zikpɛ me "klo "ku -se 'a "kɛ Lagɔ 'na -ye 'ɔ 'yɔbhɔ -wɛ yibhlele-, 'ɛɛ "kɛ -lɔ gbɔ "ne 'a "kɛ -lɔ "me "tamale-.

Eblenya 13:21

"Ɛ Lagɔ -wɛ, 'ɔ gbɔ -se -a "kɛ -godogodo -li 'na -li no, -see 'ɔ 'yɔbhɔ -wɛ! Lagɔ ylɛle- Zezu Kli "me, -se -a "kɛ -ye 'ɔ 'yɔbhɔ -wɛ no, Zezu 'bhe- -lɔ 'ŋlumeɛ -godogodo! Amɛn!

Zake 1:26

Zaa, 'nyɔkpɔ kɛ no -gbɔ 'ɔ -noɔ 'klecɛnyɔ 'na "namanɔ yɔ, "ne 'ɔ kɛ bhulɛ -ku "pulɔ, 'ɔyi 'nabhɛ 'ye 'ɔ no -lɔ ylo, "ne 'ɔnɛɛ -see 'ɔ 'nɔŋo- Lagɔ 'yliku 'tee -wɛ "ne -la -bɛɛ' "me -ko.

Zake 1:4

Zaa, 'a "tamale- -kɛ 'kwɛme -kaa -se 'a 'cɛ -kɛ 'wli sɛ, "naa-, 'a 'cɛ sɔbhɔ 'sa ne, 'a -ka 'ce 'nuɔsɔbhɔledɛ yle- "ne -bɛɛ' -ka 'ce 'lelee 'anye kɔ bɔ.

Zake 2:10

'Nyɔkpɔ -ɔ -gɛle -Lɔ -wɛ kɛ 'ɛnɛɛ 'glɛme 'na -bholo 'plome -sɛ ne, -Lɔ 'klekle 'ye 'ɔ -sɛ -lɔ 'plome.

1 Piɛle 3:10

Sɛne Lagɔbɔgo gbɔ -lɔ nɛɛ: «'Nyɔkpɔ kɛ no -gbɔ 'ɔnɛɛ zikpɛ "kɛ 'tee ko, -se 'yli 'klekle "me 'ŋwɛnɛ "kɔ 'lɔbhɔ ne, 'ɔnɛɛ 'nuɛgwe te -kɛ "nyɛnye bhulɛ -se 'ɔnɛɛ 'nuɛgwe te -kɛ yo wlɛ-,

1 Piɛle 5:10

'Anyɛɛ 'gbapeɛ -ka "me 'gwlɛ. -Mɔ, Lagɔ -ɔ -wa 'anye -wɛ, 'ɔ la- -lɔ 'anye -se 'a "kɛ 'ɔnɛɛ 'ŋlu -ɛ "ne "nenidɛ -kɛ -wɛ 'na dɛ 'ye, Zezu Kli "bhaa 'na "kukoleɛ "me. "Naa-, 'ɔ yi gbɔ "ne 'a -ka 'nuɔsɔbhɔledɛ kɛle-, "ne 'a yi "me "tamale-, "ne 'a yi 'kwɛme "tamale-, "ne 'wa -ka 'ce -la 'anye 'siɛ 'bhle.