Zake 2:5 - Nouveau Testament bété de Gagnoa

⁵ 'A 'fo 'yukwli, -awale 'wanye, Lagɔ "ne bhɔ -glɔnya 'yliku "ɛ 'nyɛzenya -wɛ lɔbhɔ -sɛ 'a? 'Ɔ 'yɔbhɔ -gbɔ 'ɔ "koa -klɔgbɔnya "zoa- 'dlekukɛleɛ "me, -se 'wa "kɛ Lagɔ 'na 'Kamalezikpɛ -ye 'ɔ -sɛ lɔbhɔ -wa -kɛ 'ɔnɛɛ 'ŋwɛnɛ "me -wɛ za yle.

Zake 2:5 Iomraidhean Croise

Matie 11:5

-Kpelɔbhɔnya 'ye 'siɛ, "ne bhogbeyibhlinya 'nɔŋo, 'Zlɛlɔbhɔnya yamale "ne 'yukwligbɔgbɔnya 'no 'gbo, 'kwia 'wlo gluzɔ, 'nyɛzenya 'no Lagɔ 'na 'Denaade.

Matie 25:34

"Ne -klɔgbɔnyɔ "kɛ 'ce -lɔ -wa -ko lilikwlɛ "ku -wɛ bhulɛle- nɛɛ: 'Anye -ye -a To Lagɔ 'pɔ- 'ŋu -wɛ, 'a yi, 'e 'je 'anye 'Kamalezikpɛ -ye Lagɔ 'jijalea- 'wli zikpɛ 'na "kucidɛku 'anyɛɛ za -wɛ kɔ.

Matie 5:3

«'Ŋwɛnɛ "lɔbhɔ -ye 'dlezɔ -ko foo, "naa-, Lagɔ 'na 'Kamalezikpɛ 'wanɛɛ yɛ -lɔ.

Malke 7:14

"Ne Zezu yi 'lelee -lɔ, 'nyakpa 'na -zakpɛ la "ne 'ɔ yua -lɔ bhulɛle- nɛɛ: «'A 'fo -ame 'yukwli 'klekle -se 'a no -see 'e lɛ -wɛ "me.»

Luke 12:21

-Ɔ "zo -klɔgbɔ 'wli 'ɔyigɛsɛ za -wɛ, "ne 'ɔ "ne -tɛle Lagɔ 'na -gbudu 'siɛ -wɛ, -ɛ 'ylo, 'ɛɛ -wɛ -lɔ.»

Luke 12:32

Nyanɔ te 'anye 'lɔbhɔ, -zakpɛ 'tekeyi lɛ, "naa-, 'a To 'je- 'anye 'Kamalezikpɛ kɔ zɛ.»

Luke 16:22

"Ne "ɛ poɛnyɔ Laza yi -lɔ "ku "ne "nɔgɔzilia yu -lɔ Ablame yɔko kɔme-. "Ɛ -klɔgbɔnyɔ "ku -me "ne 'wa yu -lɔ zizi-.

Luke 16:25

"Ne Ablame yu -lɔ bhulɛle- nɛɛ: 'Na yu, -neɛ' 'dle sibhɔ 'se -klɔgbɔ -ye -e 'pɔ- -neɛ' zikpɛ "me -wɛ "ku, -sɔɔdɛku Laza 'ye nɛ 'kle. -Dɛmeda 'ɔyi 'ye 'ŋwɛnɛ lɔbhɔ -la -lɔ "ne -eyi, -e 'gbape -la -lɔ.

Luke 22:29

-See -ame To je- -ame 'Kamalezikpɛ kɔ -wɛ, sɔbhɔ 'ye 'e 'je -me -lɔ 'anye kɔ.

Luke 6:20

"Ne Zezu yi -lɔ 'ɔnɛɛ gɛlenya "ku wolo-, 'ɔ nɛɛ: 'Ŋwɛnɛ "lɔbhɔ 'anye 'nyɛzenya, "naa-, Lagɔ 'na 'Kamalezikpɛ 'anye nɛ yɛ -lɔ.

Zezu Kli 'na 'Denaade ‑ye Zaa kɛle‑ ne lɛ 7:48

'Dubhenya "ne Faliziɛnya 'glɛme 'na 'nyɔkpɔ -bholo -kɛlo bhɔ 'dleku -a?

Nonoli 7:2

"Ne Etiɛne yi -lɔ no nɛɛ: «"Nowlia 'wanye, "ne 'to 'wanye, 'a fo 'yukwli: 'Ŋlu me Lagɔ 'wlole- -a 'to Ablame 'yliku zɔ, -sɔɔdɛku 'ɔ -ko nɛ Mezopotami 'na -glɔ "me, "ne 'ɔ -na nɛ Alane -du "me 'glile- -ka me -wɛ.

Wlomɛnya 8:17

Zaa, -a "kɛ Lagɔ 'na yua 'waa ne, -a yi 'ce Lagɔ 'na -li -nyɔ za 'ɔ -plele 'ɔnɛɛ lokoyua weli kɔ -wɛ 'na 'dlidɛ -ko -me, "ɛ -li -wɛ Klise "bhaa -a 'yi 'gɔme -ylele. 'Diɛɛ, -a "kɛ 'ɔnɛɛ 'kplɛkplɛɛ 'na -didi "me ko -me ne, -a yi 'ce 'lelee 'ɔnɛɛ 'ŋlu 'na -didi "me -ko -me.

1 Kolɛtenya 2:9

"Naa-, sɛne 'ye 'ɛ -kɛle -lɔ Lagɔbɔgo "me nɛɛ: «-Li 'na -bedi -ko lɔbhɔ -ye 'yli "ne 'ye-. -Ye 'yukwli "ne 'no-, "ne -ye dodo ne "ku 'na 'nyakpa -na 'ce -zɛ "ku 'dlepɔ. Zaa, 'ɛ soɔ 'na -li -wɛ, Lagɔ -sɛ -lɔ lɔbhɔ -wa -kɛ 'ɔnɛɛ 'ŋwɛnɛ "me -wɛ za.»

2 Kolɛtenya 4:15

'Anyɛɛ za, -a 'ŋunu -lɔ -li 'klekle 'na gbo "ku. Lagɔ kɛ 'nyakpa -kwleyia 'na 'nyɛzedle 'pɔ -godogodo ne, 'wa "kɛ 'ɔnɛɛ "nɛnekoɛ yibhlele-, 'wa "kɔ bhɛle, -se 'wa "kɔ 'ŋlu kwa 'yiɛ.

2 Kolɛtenya 6:10

'wa 'gbɔ "ne -a -nyɛne "klo, -mɔ, 'ɛ -ko "ɛ -soɔ "ne 'dlezɔ 'nɛne -anye yiɛ. 'Wa -kɛ 'dleku -gbɔ 'poɛnya 'ye -a -noɔ, "ne -anye 'gbɔ -lɔ "ne 'nyakpa -kwleyia "zo -lɔ -klɔgbɔnya, 'wa -tɔle -gbɔ -a "ne -bɛɛ' -kɛ, "ne -anye -kɛ -lɔ -li 'klekle!

2 Kolɛtenya 8:9

"Naa-, 'a -yi Anyinɛnyɔ Zezu Kli 'na -jɔlo. 'Ɔyi, -klɔgbɔnyɔ, 'ɔ "zoa- 'ɔyi 'poɛnyɔ 'anyɛɛ za, -se 'ɔnɛɛ 'poɛ -wɛ "me, 'a "kɛ -klɔgbɔnya "zo.

Efɛzenya 1:18

'Ɔ vulu 'anyɛɛ 'dle "ku -se 'a "kɛ 'ɔnɛɛ zle 'ylime 'ye. 'Ɛ kɛ -soɔ -ko, 'a yi 'ce 'dletɛleɛ -ye 'ɔ 'je 'anye kɔ -sɔɔdɛku, 'ɔ la 'anye -wɛ yibhlele-. 'A yi 'ce -klɔgbɔ-li 'na "namanɔ -ye 'ɔ -sɛ lɔbhɔ -wa -noɔ 'ɔnoa 'waa -wɛ za yibhlele-.

Efɛzenya 3:8

-Ame Pɔle, 'mɔɔ -noɔ -lɔ 'klecɛnya 'klekle 'na 'glɛme 'na yu yɔ. -Mɔ 'ɛ -ko "ɛ -soɔ "ne 'e -yle lɛ -jɔlo ne: 'E "kɛ -wa "ne zufonya 'waa -wɛ Klise 'na -klɔgbɔ -ɛ "ne "nenidɛ -kɛ -wɛ 'na 'de -sɛle.

1 Tesalonikenya 2:12

'Ɛza, -a "zo- -lɔ 'anye 'de "me, "ne -a "tamalea- -lɔ 'anye 'kwɛme. "Ne -a yi -lɔ 'anye kɔ 'titli- -gbɔ 'a ko -see Lagɔ 'yɔbhɔ -wɛ, 'ɔyi 'ɔɔ la- -lɔ 'anye -gbɔ 'a "kɛ 'ɔnɛɛ 'Kamalezikpɛ "me plɛ, -se 'a "kɛ 'ɔnɛɛ 'ŋlumeɛ 'na 'didi "me ko -me.

2 Tesalonikenya 1:5

"Ɛ 'gbapegbapeɛ ne tua -lɔ 'anye Lagɔ 'na -see 'ɔ bhle "meŋwinɛlesɛ gbo -wɛ 'ylime. "Naa-, "ɛ 'gbapegbapeɛ -wɛ "kɛ -lɔ gbɔ "ne 'wa "kɛ -lɔ 'sɛ yibhlele- -gbɔ 'a 'bhɛle- -se 'a "kɛ Lagɔ 'na 'Kamalezikpɛ nyɔ za 'a 'ye "kle -wɛ "me plɛ -me.

1 Timote 6:18

'Nyoa 'de -gbɔ 'wa no -li 'na -li 'nyakpa 'wli -se 'wanɛɛ 'nɛnoɛ zimale-. 'Wa nyɛle 'walua 'dlewɛtɛ "me. 'Wa yibhlele- dli sɛ.

2 Timote 4:18

Anyinɛnyɔ yi 'ce 'na 'galu 'di. 'Ɔ yi 'ce -ame 'fuɔ, "ne 'ɔ yi 'ce -ame 'ɔnɛɛ 'Kamalezikpɛ "me pla- -me. Anyinɛnyɔ 'bhe- -lɔ 'ŋlumeɛ -dɛme "ne -godogodo 'yiɛ. Amɛn.

2 Timote 4:8

-Dɛmeda 'neɛ 'peɛleɛ -ye Anyinɛnyɔ "kɛ -ame kɔ 'je -wɛ 'ye 'e -wo -da -lɔ. "Ɛ -zle -wɛ, 'ɔyi gbobhlenyɔ -ɔ ŋwinɛle- "me, gbobhlezle kɛ -yi ne, 'ɔ yi -ame 'neɛ kɔ 'je. "Ɛ "ne -kɛ 'ayikɔ yɔ, -mɔ, 'nyakpa 'klekle -wa -wo -me 'ŋwɛnɛsɛ "ku 'ɔnɛɛ yi -zle -wɛ, 'ɔ yua 'ce "nyɛ me.

Eblenya 11:26

Ezipte 'na -klɔgbɔ 'kpɔ- 'awɔ. -Mɔ, Moyize 'na dɛku, 'wa "kɔ 'yli-, ŋwlɛŋwlɛyu 'na -see 'wa "kɔ 'yli- -wɛ, 'ɛ 'kpɔ "ne 'ɛ zi "ku. "Naa-, 'yuku 'ye 'ɔ wlo 'awɔ lɛ -ce, -me 'peɛleɛ -ɛ "kɛ yi -ko -wɛ.

Zake 1:12

'Ŋwɛnɛ 'lɔbhɔ 'se 'nyɔkpɔ 'na -ɔ "ne bhlile- "mebeamɔ, "ne 'ɔ "tamalea 'ɔyi 'kwɛme -wɛ. "Naa-, 'ɔ kɛ 'ɔnɛɛ -kosɛ "namanɔ 'nyakpa 'ylime 'tua ne, 'ɔ yi 'ce zikpɛ yle. Lagɔ 'na 'peɛleɛ -ye 'ɔ no -gbɔ 'ɔ "kɛ -wa "zo- 'wanɛɛ 'ŋwɛnɛ "me kɔ 'je -wɛ yɛ -lɔ.

Zake 1:16

Zaa, -awale 'wanye -lɛ, 'a te -kɛ 'ayi ylo no.

Zake 1:19

-Awale 'wanye, -ye 'a "kɛ yibhlele- ne lɛ: -Ɔkɔkokɔko yi 'yukwli 'fo -ku "pulɔ, -mɔ, 'ɔ te -kɛ bhulɛ -ku "pulɔ, "ne 'ɔ te -kɛ kɛle pɔ -ku "pulɔ.

Zake 1:9

"Nɔwli 'na -ɔ "ne -bɛɛ' -kɛ -wɛ, zu 'to 'lɔbhɔ -mɔ, 'ŋwɛnɛ 'lɔbhɔ, sɛko -wɛ, Lagɔ 'na dɛku, "yitɔ yɔ -lɔ zɛ.

1 Piɛle 1:4

"ne -a -wo ŋwɛnɛ "me -li 'na -li 'na -ye Lagɔ -sɛ lɔbhɔ 'ɔnoa za -wɛ. 'Ɔ -woleɛ -anye 'nɔgɔ "me, -dee 'ɛ -ka lɛ nyimɔ, "ne 'ɛ -ka lɛ 'fe plɛ "ne 'ɛ -ka lɛ 'ɛnɛɛ nanoɛ 'siɛbhle.

2 Piɛle 1:11

'Diɛɛ, Lagɔ yi 'anyɛɛ za 'kamalezikpɛ -ɛ "ne lɛ "nenidɛ -kɛ 'na -gbanuɛgwe "ku vulu- gbɛklɛklɛ, Anyinɛnyɔ, "ne -anyɛɛ 'Fuɔnyɔ Zezu Kli 'na 'kamale zikpɛ.

'Ylikloylɛleweli 2:9

'E -yi -neɛ' 'gbapegbapeɛ "ne -neɛ' 'poɛkɛlesɛ, 'ɛ -ko sɔbhɔ "ne -e -noɔ lɛkɛlenyɔ yɔ! -Wa la 'wayi Zufonya "ne -wa "ne 'wayi 'waa -wɛ 'na -slowli -ye 'wa 'pɔ -eyi "ku -wɛ, 'e -yi. Sata 'na -zakpɛ 'waa -lɔ.

'Ylikloylɛleweli 21:7

'Wlikutonyɔ yi 'ce "ɛ 'gugbɛ ne yle -me, "ne 'e yi 'ce 'ɔnɛɛ Lagɔ "zo, "ne 'ɔ yi 'ce 'neɛ yu "zo

'Ylikloylɛleweli 3:18

-Ɛwɛɛ za, 'e "zo -eyi 'de "me -gbɔ 'pea- -ame -badlɛ kɔ -ye -kosu "zoa- 'wlele -wɛ, -se -e "kɛ -klɔgbɔnyɔ "zo. 'Pea- "koti 'fɛɛ -se -e 'cɛ "me 'pla-, 'wa te 'neɛ 'wludiɔnɔ 'ylime 'ye, -se zu te -kɛ -eyi 'lɔbhɔ. 'Pea- 'yli "me 'pɛle -nyakpo -se 'e "kɛ 'siɛ 'ye 'tee.