10 'Nyɔkpɔ -ɔ -gɛle -Lɔ -wɛ kɛ 'ɛnɛɛ 'glɛme 'na -bholo 'plome -sɛ ne, -Lɔ 'klekle 'ye 'ɔ -sɛ -lɔ 'plome.
"Naa-, -wa zɛle -Lɔ 'na 'plomezoɛ "ku -wɛ, -wa -bhleɔ "ku, "naa-, sɛne 'ye 'ɛ 'kɛleɔ- -lɔ Lagɔbɔgo "me -gbɔ: «'Nyɔkpɔ 'na -ɔ "ne -ɛ 'kɛleɔ -Lɔ 'na "bɔgo "me -wɛ 'klekle kɔ kɛ -godogodo, 'ɔ yi 'ce "ku bhleɔ-.»
"Kusɔ 'ye 'e bhulɛle "kɛ -lɔ, 'nyɔkpɔ 'na -ɔ 'di- 'ɔyi "ku -wɛ, -Lɔ 'klekle 'ye 'ɔ -na "zo -kɛ 'plome "klepaa.
-Anye 'klekle -a 'to 'gbi. 'Nyɔkpɔ 'na -ɔ bhulɛ "ne 'ɔ "ne 'to 'gbi -wɛ, 'ɔɔ -ko -lɔ 'tee. "Ne 'ɔ -yi 'lelee -lɔ 'ɔyi 'na slu sɛ.
Zaa, -nyɔsɔwanye, 'a 'gwele 'se 'ayi kɔ -se 'a "kɛ Lagɔ 'na 'laweli "ne 'ɔnɛɛ -se 'ɔ -tɔ 'anye -wɛ 'dle "tɛle. 'A kɛ -soɔ 'ayi -su, 'a -ka 'ce 'nyinyonoli "me 'bhlile-.
-A -kwa Lagɔ -bholo -kpee 'ŋlu, -ɔ 'fuɔ -anye Zezu Kli Anyinɛnyɔ "me! 'Ɔ yi -gbɔ "ne 'a -ka 'nyinyonoli "me 'bhlile-, 'ɔ yi -gbɔ "ne 'a -ka 'nuɔsɔbhɔledɛ kɛle-, 'ŋwɛnɛ -lɛbhɛ "me, 'ɔyi 'yliku, 'ɔnɛɛ 'ŋlu "me. 'Ɔ 'bhe- -lɔ 'ŋlumeɛ, "kuziɛ, 'bhɛloɛ "ne -kamaleɛ, -dɛme "ne -godogodo! Amɛn!