Zake 2:1 - Nouveau Testament bété de Gagnoa

¹ -Nyɔsɔwanye, 'a -kɛ 'ŋlumenyɔ Anyinɛnyɔ Zezu Kli 'dleku za, 'a te 'nyakpa "me dlidlile-.

Zake 2:1 Iomraidhean Croise

Matie 22:16

"Ne 'wa yi -lɔ 'wanɛɛ gɛlenya 'na yɛ "ne Elode 'na keyikonya 'na yɛ Zezu "ku 'lebhele- -gbɔ 'wa yi -se 'wa "kɔ bhulɛle- nɛɛ: «Slonyɔ, -a -yi sɛ -gbɔ -e bhulɛ gbaa, "ne -ye Lagɔ no -gbɔ -a no -wɛ, -e sloa -anye gbɛklɛklɛ "me, "ne -e "ne 'gu 'nyɔkpɔ -gɛ gou, "naa-, -e "ne 'wolo- 'nyɔkpɔ 'na kosɛ "ku.

Nonoli 10:34

"Ne Piɛle yi -lɔ no- nɛɛ: «'E -yi -la -dɛme sɛ -gbɔ Lagɔ "ne 'gbezi 'nyakpa "me.

Nonoli 20:21

"Ne -la Zufonya -nyɛ glɛkenya "bhaa "ne bhulɛloa -gbɔ 'wa 'bheliɔ kɔ, -se 'wa mele Lagɔ lo, -se 'wa -kɛle Anyinɛnyɔ Zezu 'dleku.

Nonoli 24:24

'Yli yɛ "ple lɛ "bhuɔ ne, "ne Felise -nyɛ 'ɔ "nɔŋɔ Dlusile -ɔ -noɔ Zufoŋɔnɔ yɔ -wɛ "bhaa yi -lɔ 'du ylɛ, "ne Felise yi -lɔ Pɔle 'nyakpa "ku 'lebhele -gbɔ 'ɔ -yi. "Ne 'ɔ yu -lɔ 'yukwli 'fo. "Ne Pɔle yi -lɔ Zezu Kli 'na 'dlekukɛle weli bhulɛ.

Nonoli 7:2

"Ne Etiɛne yi -lɔ no nɛɛ: «"Nowlia 'wanye, "ne 'to 'wanye, 'a fo 'yukwli: 'Ŋlu me Lagɔ 'wlole- -a 'to Ablame 'yliku zɔ, -sɔɔdɛku 'ɔ -ko nɛ Mezopotami 'na -glɔ "me, "ne 'ɔ -na nɛ Alane -du "me 'glile- -ka me -wɛ.

Wlomɛnya 1:11

'Diɛɛ, 'anyɛɛ -to lɔbhɔ -ame kpɛnyee, 'e 'yɔbhɔ -gbɔ 'e "kɛ 'anye 'ylime 'ye, -se Zuzu Wlewle 'na -jɔlo -ye 'ɔ 'nyɛ -ame -wɛ, 'e 'cɛ 'anye 'dlile, -se 'ɛ "kɛ 'anye 'kwɛme "tamalea-.

1 Kolɛtenya 2:8

Dodo ne "ku 'na "yitia 'na 'glɛme 'na -bholo "ne "ɛ 'ylimeyamaleɛ ne -yibhlele, 'wa 'cɛ nɛ -yibhlele ne, 'wa kɛ 'awɔ Anyinɛnyɔ, 'Ŋlumenyɔ klowa "klo kole-.

Kolɔsenya 1:4

-Ye -a 'no- 'anyɛɛ dɛku ne lɛ: 'A -kɛ Zezu Kli 'dleku, "ne 'a -wa -wa -noɔ Lagɔ -noa 'waa 'klekle -wɛ.

1 Timote 1:19

'Dlekukɛleɛ "me, "ne 'dlepɔsɛ -namanɔ "me, -bedia "ne 'wanɛɛ 'dlepɔsɛ 'na 'yukwli fo gbo 'ŋunu-, sɔbhɔ za, 'wa "ne -la 'dleku -kɛ.

1 Timote 5:21

'Wlo "ku -ye 'e 'yɔbhɔle 'ɛyi -tiaa 'noɔ -lɔ -gbɔ Lagɔ 'yliku, Zezu Kli 'yliku "ne "nɔgɔzilia 'yliku, te vi li -se "zo -ɛwɛ 'klekle 'plome. -Se te 'nyakpa "me dlidlile-.

Tite 1:1

-Ame Pɔle, Lagɔ 'na "kulɔbhɔnyɔ "ne Zezu Kli 'na "kɔlepɔnyɔ 'ye 'e -noɔ -lɔ. 'Ɔ -sɛ -lɔ -ame lɔbhɔ -se 'e "kɛ Lagɔ 'na 'nyakpa -ye 'ɔ -tɔ -wɛ 'dlekukɛleɛ kɔme- -se 'wa "kɛ gbɛklɛklɛ yibhlele-, -se 'wa "kɛ Lagɔ 'dle 'tɛle.

Tite 2:13

'A -ya no "ɛ -li -wɛ 'wɔ -kaa -se zle "namanɔ -ye -a tɛle- 'dle -wɛ "kɛ 'ce yi. "Ɛ -zle -wɛ, Lagɔ "yitɔ, "ne "Bhenyɔ Zezu Kli 'wa "kɛ 'ce -lɔ 'wayi -klɔgbɔsɛ 'nyakpa 'ylime 'tua.

Eblenya 1:3

Lagɔ 'na 'ŋlu lelo "ku. "Ɛ yu ne -noɔ -lɔ -diɛnadiɛ -ye Lagɔ -noɔ yɔ, "ne 'ɔnɛɛ bhulɛweli 'na 'bhɛloɛ -su -lɔ zikpɛ. 'Ɔ bhudua- lɛ 'nyakpa 'wanɛɛ 'nyinyonoli za "bhuɔ ne, "ne ɔ yi -lɔ "nɔgɔ "me Lagɔ -ɔ -kɛ 'bhɛloɛ 'na lilikwlɛ -gbɔsɔ "me 'gli.

Eblenya 12:2

-A wolo- Zezu "ku 'yiɛ. 'Ɔɔ gbɔ "ne -a kɛle -lɔ 'dleku, 'ɔɔ "kɛ -lɔ gbɔ "ne -anyɛɛ 'dlekukɛleɛ "kɛ -lɔ "me "tamale-. Zezu 'ŋunu- "ku -gbɔ 'ɔ yi klowa "klo kule, zu "no lɔbhɔ-. "Naa-, 'ɔ -gɛ nɛ "kle 'ŋwɛnɛ -ɛ "kɔ 'lɔbhɔ -wɛ 'yli, "ne -dɛmeda, 'ɔ gli- Lagɔ 'na lilikwlɛ -gbɔsɔ "ku.

Zake 1:16

Zaa, -awale 'wanye -lɛ, 'a te -kɛ 'ayi ylo no.

Zake 1:19

-Awale 'wanye, -ye 'a "kɛ yibhlele- ne lɛ: -Ɔkɔkokɔko yi 'yukwli 'fo -ku "pulɔ, -mɔ, 'ɔ te -kɛ bhulɛ -ku "pulɔ, "ne 'ɔ te -kɛ kɛle pɔ -ku "pulɔ.

Zake 2:3

'A "zo -ɔ -pla -klɔgbɔsɛ "me -wɛ 'plome "ne 'a bhulɛlo -lɔ nɛɛ: «-Eyi, gli kpiɛ 'na -kpiɛ ne "ku» "ne 'a bhulɛle 'lelee -lɔ "ɛ "nyɛzenyɔ -wɛ nɛɛ: «"Nyegbele 'ya! -E kɛ 'yɔbhɔ» "ne «gli dodo ne "ku -ame yɔko.»

Zake 2:9

'Ɛza, 'a kɛ 'nyakpa "me dlidlile- ne, 'nyinyonoli 'ye 'a no -lɔ. 'A 'cɛ sɔbhɔ 'sa ne, Moyize 'na -Lɔ yi 'anye gbo lua-, "naa-, 'a "ne "zo 'plome zɛ.

Zake 3:17

"Nɛnoɛ 'na -ɛ 'bhale "nɔgɔ "me -wɛ 'ɛ -ko 'wlele, 'dlewɔtɛ 'ye 'ɛ 'nyɛ -lɔ, "ne 'ɛ -su -lɔ "kuwɛtɛ, "ne 'ɛ 'tɛle 'lelee -lɔ "kukoleɛ siɛ. -Ye 'ɛ no -wɛ "nɛne. "Ne 'ɛ "ne dlidlile- 'nyakpa "me. "Ne 'ɛ "ne wlɛ- yo.

2 Piɛle 1:1

-Ame, Simɔ Piɛle, Zezu Kli 'na "kulɔbhɔnyɔ "ne 'ɔnɛɛ "kɔlepɔnyɔ, 'e kɛle -wa -yle -me 'dlekukɛleɛ -ɛ 'tɛ- 'kpɛ "ku sɛgbɛɛ -anye nɛ ne, Zezu Kli, -anyɛɛ Lagɔ "ne -anyɛɛ Fuɔnyɔ 'na 'dlewɔtɛ "me.

Zude 1:16

"Ɛ 'nyakpa -wɛ 'ŋwɛnɛ "ne 'lɔbhoa me 'ce. 'Wanɛɛ "meŋwuŋwaleɛ "ne "nenidɛ -kɛ, "ne 'wa -gɛlele -lɔ 'dlepɔsɛ -nyɛnye. "Ne -ɛ 'bhaloa "me -wɛ "ne 'nɛne, "ne 'wa 'kwa -lɔ -ye 'wa "kɛ "ku li -wɛ 'ŋlu.

'Ylikloylɛleweli 14:12

'Wanɛɛ -wa -noa Lagɔ -noa 'waa, "ne -wa "zo- 'ɔnɛɛ gbagbɛ 'plome "ne -wa -kɛ Zezu Kli 'dleku -wɛ, 'wanɛɛ 'dle 'na "bhle 'piɛdɛ -ylɛ -lɔ.