Zake 1:5 - Nouveau Testament bété de Gagnoa

⁵ 'Anye 'glɛme 'na -ɔ "ne "nɛ- -wɛ, 'ɔ 'yɔbhɔle "ɛ "nanoɛ -wɛ Lagɔ -ɔ 'nyɛ 'nyakpa 'klekle, "ne 'ɔ "ne 'gbɔtɔle 'nyɔkpɔ "ku "ne 'ɔ 'nyɛle 'dle -wɔtɛ "me.

Zake 1:5 Iomraidhean Croise

Matie 11:20

"Ne "ɛ 'du -wɛ 'wɔ "me -mee Zezu 'pɔle- zɛzɛ -kwleyi -wɛ, "ne "bhle 'na konya "ne kɔ -bheliɔ -gbo 'ŋunu- -wɛ, 'wayi 'ye 'ɔ gbɔtɔle- -lɔ "ku nɛɛ:

Malke 16:14

'Ɔnɛɛ gɛlenya kogbɔ -bholo -ko lidɛ "ku "ne Zezu yi -lɔ 'yli "ku 'sibhɔ "ne 'ɔ yua -lɔ "ku 'gbɔtɔle- nɛɛ: «'Dlekukɛleɛ "ne 'anye "me -ko, "ne 'a "ne 'yɔbhɔ -gbɔ 'a "kɛ -bɛɛ' "me 'no, "ne -wa 'ye- -ame 'ylime -wɛ 'a "noa 'dleku -kɛle.»

Zezu Kli 'na 'Denaade ‑ye Zaa kɛle‑ ne lɛ 14:13

"Ne, -ye 'a "kɛ 'neɛ 'tɔ "me zlɛ- -wɛ, 'e 'yi 'anye kɔ 'je. "Naa-, Yu "me 'ye To "kɛ -lɔ 'ŋlu me -le zɛ.

Zezu Kli 'na 'Denaade ‑ye Zaa kɛle‑ ne lɛ 15:7

'A kɛ -ame "me -ko ne, "ne 'neɛ bhulɛweli kɛ 'anye "me -ko, 'a zlɛ- -ye 'a 'yɔbhɔ -wɛ. 'A 'yi yle.

Zezu Kli 'na 'Denaade ‑ye Zaa kɛle‑ ne lɛ 4:10

"Ne Zezu yu -lɔ bhulɛle- nɛɛ: «-E kɛ nɛ Lagɔ 'na -jɔlo -yi, "ne -e kɛ nɛ -ɔ zlɛ -eyi 'ŋu -wɛ -yi, -eyi -mɔɔ "kɔ nɛ -lɔ zɛlɛ-, "ne 'ɔ "kɛ nɛ -lɔ -eyi 'ŋu 'na -ɛ 'nyɛ zikpɛ -wɛ kɔ 'je.»

2 Kolɛtenya 2:16

-Bedia 'na dɛku, 'ŋɛnɛ -nyɛnye -ɛ kɔme 'kwiɛ 'na -gwe "ku yɛ -lɔ. -Wawɛ 'na dɛku, 'ŋoni -ɛ kɔme zikpɛ 'na -gwe "ku yɛ -lɔ. -Mɔ, -ɔ 'bhɛle- bhɔ -se 'ɔ "kɛ libhɔ 'na -ɛwɛ no 'a?

Zake 1:17

-Mɔ, -li 'na "namanɔ -ɛ yle 'anye -wɛ, "ne -bɛɛ' 'na "namanɔ -ye 'wa 'nyɛ 'anye "fu -wɛ, "nɔgɔ "me 'ye 'ɛ 'bhale -lɔ, Lagɔ -ɔ 'wlɛ- ylo "ne -zeli -wɛ 'je -lɔ 'anye kɔ. Lagɔ "ne bheliɔ- kɔ, 'ɔ "ne 'bha- bhulɛ "ku, 'ɔ "ne zuzu -kɛ.

Zake 3:17

"Nɛnoɛ 'na -ɛ 'bhale "nɔgɔ "me -wɛ 'ɛ -ko 'wlele, 'dlewɔtɛ 'ye 'ɛ 'nyɛ -lɔ, "ne 'ɛ -su -lɔ "kuwɛtɛ, "ne 'ɛ 'tɛle 'lelee -lɔ "kukoleɛ siɛ. -Ye 'ɛ no -wɛ "nɛne. "Ne 'ɛ "ne dlidlile- 'nyakpa "me. "Ne 'ɛ "ne wlɛ- yo.

Zake 5:16

Zaa, 'a sɛsɛle- 'anyɛɛ 'nyinyonoli 'na 'de. 'A bhubhɔ- 'alua za -se 'a "kɛ -kɛ yamale-. 'Nyɔkpɔ 'na -ɔ ŋwinɛle- "me -wɛ, na bhubhɔweli 'tɛ- "me.

1 Zaa 3:22

"ne -ye -a zlɔ -wɛ, 'ɔ 'je 'anye kɔ. 'Naa- -a "zo 'ɔnɛɛ gbagbɛ 'plome, "ne -a no -ye 'ɔ 'yɔbhɔ -wɛ.