Zake 1:4 - Nouveau Testament bété de Gagnoa

⁴ Zaa, 'a "tamale- -kɛ 'kwɛme -kaa -se 'a 'cɛ -kɛ 'wli sɛ, "naa-, 'a 'cɛ sɔbhɔ 'sa ne, 'a -ka 'ce 'nuɔsɔbhɔledɛ yle- "ne -bɛɛ' -ka 'ce 'lelee 'anye kɔ bɔ.

Zake 1:4 Iomraidhean Croise

Matie 10:22

"Ne 'neɛ 'tɔ "me 'nyakpa 'klekle yi 'ce 'anye 'gble, -mɔ, -ɔ kɛ 'ce 'dleku "tamale- -kaa "ne 'ɛ kɛ 'ce -bhiɛ, Lagɔ yu 'ce 'fuɔ.

Matie 19:20

'Ɔ 'no- lɛ "ɛ weli -wɛ "me ne, "ne "ɛ 'teyigbɔ -wɛ yu -lɔ bhulɛle- nɛɛ: «-ɛwɛ 'klekle 'e -no, zaa, -ɛ -to -da "bhle 'a?»

Matie 5:48

Zaa, 'anye, 'a ko -kpee, -see 'a To -ɔ -ko "nɔgɔ "me -ko -kpee -wɛ.

Malke 10:21

Zezu -wolo "ku, "ne 'ɔ yu -lɔ 'wamale- "ne 'ɔ yu -lɔ bhulɛle- nɛɛ: «'Ɛ -to "bhle -bɛɛ' -bholo 'na -ye -e "ne lɛ -no ne. Me, -se -ye -e -kɛ -wɛ 'pɛ 'pɔlo "ku. -Se 'ɛnɛɛ 'dlasi -wɛ 'je "nyɛzenya kɔ, -se -e "kɛ "nɔgɔ -klɔgbɔ yle. Yi -se 'gɛle- -ame.»

Luke 18:22

"Ɛ 'nyɔkpɔ "kɛ bhulɛ "bhuɔ ne, "ne Zezu yu -lɔ no nɛɛ: «'Ɛ -to "bhle -bɛɛ' -bholo 'na -ye -e "ne lɛ -no ne. Me, -se -ye -e -kɛ -wɛ 'pɛ 'pɔlo "ku. -Se 'ɛnɛɛ 'dlasi -wɛ 'je "nyɛzenya kɔ -se -e "kɛ -kɛ "nɔgɔ "me 'na -klɔgbɔ yle. -E "kɛ 'ɛyi -wɛ kɔ -bhiɛ ne, yi -se 'gɛle- -ame.»

Luke 21:19

'A "mɔ 'gu-, "ne 'a "mɔ 'guɔ -yli, 'a yi 'ce zikpɛ 'na -ɛ -ka "kubhiɛ -wɛ yle.

Luke 8:15

'Ɛnɛɛ -ɛ -bhli dodo "namanɔ "ku -wɛ, 'naa -wa 'no- Lagɔ 'na weli "me 'dle "namanɔ kɔ "ne -wa -sule 'wayi "me -wɛ, 'waa- "kɛ -lɔ bhi tlo 'dlekutamaleɛ "me.

Zezu Kli 'na 'Denaade ‑ye Zaa kɛle‑ ne lɛ 17:23

-ame 'e -koa "me, "ne -eyi -e -ko -ame "me, 'ɛɛ "kɛ -lɔ -gbɔ "ne 'wa "kɛ -lɔ 'diɛ -bholo "zo, -se -glɔnya "kɛ sɛ yibhlele- -gbɔ -eyi -mɔɔ -lebhe -lɔ -ame, "ne -e -wamaloa, -see -e -wamale -ame -wɛ.

1 Kolɛtenya 2:6

"Naa-, 'ɛ soɔ 'na 'ylimeyamaleɛ -wɛ 'ye -a sloa -lɔ 'klecɛnya 'na -wa 'ya 'klecɛzoɛ "me 'gwlɛ 'dlekukɛleɛ "me -wɛ. -Mɔ, "ɛ 'ylimeyamaleɛ ne, 'ɛ "ne dodo ne "ku 'na 'ylimeyamaleɛ yɛ, "ne 'ɛ "ne dodo ne "ku 'na "yitia 'na 'ylimeyamaleɛ -ye 'wa "kɛ 'ce "ku 'bhia -wɛ yɛ.

Galatenya 6:9

-A no -li 'na -li, 'kwɛme te -kɛ -anye yɔle-. 'A 'cɛ no yiɛ ne, lɔbhɔ kɛ 'ce -ylɛ, -a yi 'ce -bɛɛ' 'na -bɛɛ' "me ylele-.

Kolɔsenya 4:12

Epaflase, -ɔ -noɔ 'anyɛɛ moɔ -nɔ yɔ -wɛ 'bhɛle 'anye. Zezu Kli 'na "kulɔbhɔnyɔ, -ɔ bhubhɔ 'anyɛɛ za, "ne 'ɔ "ne 'diɔle -wɛ yɔ -lɔ. 'Ɔ 'yɔbhɔ -gbɔ 'anyɛɛ Lagɔ zikpɛ me "klo "ku -se 'a "kɛ Lagɔ 'na -ye 'ɔ 'yɔbhɔ -wɛ yibhlele-, 'ɛɛ "kɛ -lɔ gbɔ "ne 'a "kɛ -lɔ "me "tamale-.

1 Tesalonikenya 5:23

"Kuwɔtɔ Lagɔ, 'ɔyigɛsɛ 'ɔ 'pla- 'anye 'wlele, -se 'anyɛɛ zuzu, 'anyɛɛ 'wugɔŋo, "ne 'anyɛɛ ku te -kɛ 'nuɔsɔbhɔledɛ kɛle-, Anyinɛnyɔ Zezu Kli 'na yizle.

2 Timote 3:17

Lagɔbɔgo gbɔ -lɔ "ne Lagɔnyɔ no -lɔ -li 'klekle -ɛ "ne 'nuɔsɔbhɔledɛ -kɛ -wɛ.

Eblenya 13:21

"Ɛ Lagɔ -wɛ, 'ɔ gbɔ -se -a "kɛ -godogodo -li 'na -li no, -see 'ɔ 'yɔbhɔ -wɛ! Lagɔ ylɛle- Zezu Kli "me, -se -a "kɛ -ye 'ɔ 'yɔbhɔ -wɛ no, Zezu 'bhe- -lɔ 'ŋlumeɛ -godogodo! Amɛn!

Zake 1:5

'Anye 'glɛme 'na -ɔ "ne "nɛ- -wɛ, 'ɔ 'yɔbhɔle "ɛ "nanoɛ -wɛ Lagɔ -ɔ 'nyɛ 'nyakpa 'klekle, "ne 'ɔ "ne 'gbɔtɔle 'nyɔkpɔ "ku "ne 'ɔ 'nyɛle 'dle -wɔtɛ "me.

Zake 3:2

-Anye 'klekle -a 'to 'gbi. 'Nyɔkpɔ 'na -ɔ bhulɛ "ne 'ɔ "ne 'to 'gbi -wɛ, 'ɔɔ -ko -lɔ 'tee. "Ne 'ɔ -yi 'lelee -lɔ 'ɔyi 'na slu sɛ.

1 Piɛle 5:10

'Anyɛɛ 'gbapeɛ -ka "me 'gwlɛ. -Mɔ, Lagɔ -ɔ -wa 'anye -wɛ, 'ɔ la- -lɔ 'anye -se 'a "kɛ 'ɔnɛɛ 'ŋlu -ɛ "ne "nenidɛ -kɛ -wɛ 'na dɛ 'ye, Zezu Kli "bhaa 'na "kukoleɛ "me. "Naa-, 'ɔ yi gbɔ "ne 'a -ka 'nuɔsɔbhɔledɛ kɛle-, "ne 'a yi "me "tamale-, "ne 'a yi 'kwɛme "tamale-, "ne 'wa -ka 'ce -la 'anye 'siɛ 'bhle.

2 Piɛle 1:9

-Mɔ, 'nyɔkpɔ "mɔ "ɛ -soɔ 'na kosɛ -namanɔ -wɛ -su ne, 'ɔ -ko -sɛgbɛɛ -kpelɔbhɔnyɔ. 'Ɔ 'dlu -gbɔ 'wa 'bhuduɔ- 'awɔ bhlɛme 'ɔnɛɛ 'nyinyonoli za.