Zake 1:3 - Nouveau Testament bété de Gagnoa

³ "Naa-, 'a -yi sɛ -gbɔ 'a kɛ 'kplɛkplɛɛ "me -ko, "ne 'anyɛɛ 'dlekukɛleɛ kɛ "me 'tɛ-, 'ɛɛ "kɛ -lɔ -gbɔ "ne 'a "kɛ -lɔ "me "tamale-.

Zake 1:3 Iomraidhean Croise

Luke 21:19

'A "mɔ 'gu-, "ne 'a "mɔ 'guɔ -yli, 'a yi 'ce zikpɛ 'na -ɛ -ka "kubhiɛ -wɛ yle.

Wlomɛnya 15:4

"Naa-, bhlɛme 'na Lagɔbɔgo 'klekle 'kɛleɔ- -se 'ɛ "kɛ -anye sloa-, -se 'ɛ "kɛ -anyɛɛ 'dle "bhle 'piɛ, -se 'ɛ "kɛ -anye 'kwɛme "tamalea-, -se -a "kɛ 'dletɛleɛ yle.

Wlomɛnya 2:7

-Wa 'tɛle -godogodo 'nɛne 'na nonoɛ 'siɛ -gbɔ 'wa "kɛ 'ŋlu me, 'wa "koa -bhlegbi "me "zo, -se 'wa "kɛ zikpɛ 'na -ɛ -ka "kubhiɛ -wɛ yle, "ɛ 'wayi -wɛ, Lagɔ "bhaa, 'wa yi 'ce "ku 'glile- -godogodo.

Wlomɛnya 8:25

-A kɛ -ye -a "ne 'yli -gɛ -wɛ 'dle tɛle- ne, 'wo 'ye -a 'wo -lɔ 'dle 'na "bhle 'piɛ- "me.

Wlomɛnya 8:28

-A -yi -sɛ -gbɔ -li 'klekle -ɛ -noɔ -wɛ, -wa -wa Lagɔ -wɛ "kɛ 'tee -ko za yɛ -lɔ. "Ɛ 'wayi -wɛ 'ye 'ɔ -la -lɔ -ye 'ɔ "kɛ no -wɛ za.

2 Kolɛtenya 4:17

-Ɛɛ, -anyɛɛ -dɛme 'na 'gbapeɛ "ne "me 'tɛ-, "ne 'ɛ "ne gwlɛ "me, -mɔ, 'ŋlu -ɛ 'ple 'ŋlu 'klekle yɔko "me -wɛ -wo -lɔ -anye. "Ɛ 'ŋlu -wɛ gwlɛ "me, "ne 'ɛ 'kpɔ- kpɛnyee, "ne 'ɛ -zi -anyɛɛ 'gbapeɛ "ku.

Kolɔsenya 1:11

Lagɔ 'na 'bhɛloɛ "yitɛ yi 'ce 'anye -li 'klekle za 'kwɛme "tamalea-. Lɔbhɔ 'na dɛku, 'a yi 'ce 'lelee "me "tamale-, "ne 'a yi 'ce 'dleku "tamaleɛ yle 'anye 'klekle -wɛ za. 'Ŋwɛnɛ sɛku,

2 Tesalonikenya 1:4

'Ɛnɛɛ 'ylime za, -a bhulɛle -lɔ Lagɔgligbɛ 'na -vinɛ -wɛ 'wɔ, -see 'anyɛɛ za -anyɛɛ "klo 'pe- 'gbɛklɛkle -wɛ za. "Naa-, 'anyɛɛ 'gbapegbapeɛ "me, "ne 'kplɛkplɛɛ "me, 'a tɛle- Lagɔ 'dle, "ne 'a -kɔ 'dleku zɛ.

2 Tesalonikenya 3:5

Anyinɛnyɔ gbɔ -se 'anyɛɛ 'dle "kɛ Lagɔ 'wamale-, 'a 'piɛ 'bhle 'dle -see Klise 'piɛ- 'bhle 'dle -wɛ.

Eblenya 10:36

'A "tamale- 'dleku, 'a no Lagɔ 'na -ye 'ɔ 'yɔbhɔ -wɛ, -see 'a "kɛ -nyɔ 'na weli -ye 'ɔ -plele 'anye kɔ -wɛ yle.

Eblenya 12:1

'Nyakpa 'na -zakpɛ "yitɛ -ye 'dlekukɛleɛ -ko "me -wɛ -bli -anye. Zaa, -anye -bhele ne, -a "pɔ -li 'klekle -ɛ gbɔ "ne -a "ne 'nyiɔ 'yuku -wɛ 'kwlɛ "me, -a "pɔ 'nyinyonoli -ɛ -bubɔ -anye -fa -wɛ 'kwlɛ "me. -A 'pa- 'sokwɛ -se -a "kɛ -dee 'wa ga -ce ylɛ-.

Eblenya 6:12

'A te -kɛ zɔklɔ "ku, -mɔ, 'a -ko sɛgbɛɛ 'nyakpa 'na -wa -kɛ 'dleku "ne -wa 'piɛ- "bhle 'dle -wɛ. 'Wayi -wɛ -yle -lɔ -li 'na -li 'na weli -ye Lagɔ -ple -wɛ.

1 Piɛle 1:7

"Ɛ 'kleyeɛ ne 'gbɔ -lɔ "ne 'wa "kɛ -lɔ 'anyɛɛ 'dlekukɛleɛ 'na kosɛ 'ylime 'ye. -Badlɛ 'bhɛle- 'ɛ "kɛ 'nyimɔ, -mɔ, -ɛ -ko sɔbhɔ "ne 'wa "zo -kosu "me, -se 'wa 'cɛ 'ylime 'ye, 'ɛ kɛ -kɛ 'wlele -ko. 'Ɛ sɛbhele -wɛ 'anyɛɛ 'dlekukɛleɛ -ko -me -lɔ. 'Ɛ -zi -badlɛ "ku, -mɔ, 'ɛyi 'lelee 'wa 'beɛ- "me. Zaa, Zezu Kli kɛ 'ce "kusɔ yi -zle, 'wa 'yi 'ce 'anye -bhlegbi "me "zo, 'wa yi 'ce 'anye 'tɔ zɛle- "ne 'wa yi 'anye 'ŋlu 'kwa- -see 'anyɛɛ 'dlekukɛleɛ 'tɛ- "me za.

2 Piɛle 1:6

"Ɛ Lagɔ 'na yibhleleɛ -wɛ 'a 'cɛ 'ayi 'na "kupiɛleɛ klo 'piɛ; 'Ayi 'na "kupiɛleɛ 'a 'cɛ 'dlekupiɛleɛ klo 'piɛ, "ɛ 'dlekupiɛleɛ 'a 'cɛ Lagɔ 'na 'dletɛleɛ klo 'piɛ