Zake 1:21 - Nouveau Testament bété de Gagnoa

²¹ Zaa, 'a 'tale- "nyɛnye "ne -li 'klekle -ɛ pla 'anye 'fe -wɛ 'yi, -se 'dlewɔtɛ "me, 'a 'sa weli -ye Lagɔ "zo- 'anye 'dlezɔ -wɛ kɔ, 'ɛ bhɛle -se 'ɛ "kɛ 'anyɛɛ zikpɛ 'fuɔ.

Zake 1:21 Iomraidhean Croise

Matie 5:5

-Wa 'nɛne- 'dleku -wɛ, 'ŋwɛnɛ "lɔbhoa, "naa-, 'wa yi 'ce dodo yle- Lagɔ 'na "nyɛnyɛ -bɛɛ' "ku.

Zezu Kli 'na 'Denaade ‑ye Zaa kɛle‑ ne lɛ 6:63

Zuzu Wlewle 'nyɛ -lɔ zikpɛ. 'Nyɔkpɔ 'ɔyikɔ "ne 'bhɛle- "ne 'ɔ "kɛ -bɛɛ' no. Weli -ye 'e -bhulɛle 'anye -wɛ -noɔ -lɔ Zuzu 'wlewle "ne zikpɛ "bhaa yɛ.

Zezu Kli 'na 'Denaade ‑ye Zaa kɛle‑ ne lɛ 6:68

Simɔ Piɛle nɛɛ: «Anyinɛnyɔ, zaa, -ye -a yle bhɔ "bhle 'a? -Mɔ, -eyi -mɔɔ -kɛ 'se zikpɛ 'na -ɛ -ka "kubhiɛ 'na weli ne.

Nonoli 10:33

'Ɛnɛɛ za, 'e 'lebhe- -lɔ 'nyakpa -gbɔ 'wa me -eyi 'yukwɔ, "ne -e "ne "me 'cece-, "ne -e yi -lɔ yi. -Dɛmeda, -anye ne lɛ -eyi 'yliku -se -a "kɛ -ye Anyinɛnyɔ no -gbɔ bhulɛle- -anye 'klekle -wɛ 'yukwli fo.»

Nonoli 13:26

"Nowlia 'wanye -lɛ, 'anye 'bhale Ablame 'na -gligbɛ "ku "ne 'anye -ko -dɛne "ne 'a 'gu Lagɔ -gɛ -wɛ, 'anye 'wa -nɛme -lɔ 'popoɛ ne 'na 'de.

Wlomɛnya 1:16

'E kɛ 'Denaade sɛ, -zu "ne lɔbhɔ -ame. 'Ɛɛ -noɔ -lɔ Lagɔ 'na 'bhɛloɛ -ɛ "kɛ -wa -kɛ 'dleku 'klekle fuɔ -wɛ yɛ, zufonya "bhuɔ, "ne -wa "ne zufonya 'waa -wɛ -ko -da -lɔ lɔbhɔ.

Wlomɛnya 11:17

Izlayɛle -ko sɛgbɛɛ 'gloglo su 'na "namanɔ -nyɔ 'na 'klɛ 'na -bedi 'wa 'di- "ku. -Eyi, -e -ko sɛgbɛɛ 'kwlɛ "me 'na -suklɛ, "ne 'wa yi -lɔ -eyi 'gloglosu yɔko glɛ-. -Dɛmeda, -e 'bhɛle- -se -e "kɛ 'ŋu -ɛ 'bhale 'ɛnɛɛ -kpulu "me -wɛ "ku 'libhi me "ɛ -suklɛ -wɛ 'wɔ 'nasɛ.

Wlomɛnya 6:17

-A bhɛle Lagɔ! Bhlɛme, 'nyinyonoli 'na 'juyua 'ye -a -noɔ 'awɔ -lɔ. -Dɛmeda, 'anyɛɛ 'dle 'klekle zɔ, 'a "zo -ye 'wa -sloa 'nyakpa 'klekle "ne 'a -yle -wɛ 'plome.

1 Kolɛtenya 15:2

'Ɛ 'Denaade ne, 'ɛ 'fuɔ -lɔ 'anye, za, 'a 'cɛ kɛ -se 'e -sloa 'anye -wɛ kɔ -kɛ 'yiɛ ne, 'ɛ 'nɛne, -mɔ, 'ɛ "mɔ kɛ sɔbhɔ yɛ ne, 'anyɛɛ 'dlekukɛleɛ "ne -kɛ -bɛɛ' "me -ko.

2 Kolɛtenya 7:1

'Titoa -awale 'wanye, Lagɔ -plele 'se -anye weli kɔ, za, -a 'gwegwele kɔ -se -anyɛɛ ku -nyɛ 'dle "bhaa "kɛ 'wlele plɛ. -A -ya 'gu Lagɔ -gɛ, -se -a "kɛ -anyɛɛ 'wleleplɛɛ kɔ bhiɛ.

Efɛzenya 1:13

Klise "me, 'anye 'lelee, 'a no- -diɛnadiɛ 'na bhulɛweli "me, 'Denaade -ɛ 'fuɔ 'anye -wɛ. 'Ɛ 'ple- lɛ "bhuɔ ne, 'a 'kɛle- Klise 'dleku, "ne Lagɔ yi -lɔ 'anye 'be "klo "zo. 'Ɛ 'be -wɛ, Zuzu Wlewle -ye 'ɔ 'no -gbɔ 'ɔ yi yi -wɛ yɔ -lɔ.

Efɛzenya 4:22

Zaa, 'a yi 'anyɛɛ -watɔ 'na zikpɛ -ce 'yi 'tale-. -Watɔ -ce, 'a -wa nɛ 'dlepɔsɛ -nyɛnye -ɛ no ylo, "ne 'ɛ lɔbhɔ nɛ 'anye "ku -wɛ. Zaa, -se 'a -ko 'awɔ -watɔ -ce, 'a 'tale -sɔbhɔ 'yi sɛgbɛɛ "koti -gɔgɔ.

Efɛzenya 4:25

Zaa, 'a te -ka -la 'yo 'wlɛ. -Ɔ 'kɔkokɔko bhulɛle -kɛ -la 'ɔluyu gbɛklɛklɛ, sɛko -wɛ, ku -bholo -ye 'a -glɛ -lɔ 'glɛ 'klekle.

Efɛzenya 5:4

'Ɛ "ne 'nɛne -se 'a "kɛ weli 'na -ɛ -le 'zu "ku -wɛ bhulɛ, 'kpetekli 'na bhulɛbhulɛ, "ne weli -nyɛnye. -Mɔ, 'a "kɛ bhulɛ ne, 'ɛ "zo Lagɔ 'na 'bhɛlebhɛleɛ.

1 Tesalonikenya 1:5

"Naa-, 'Denaade -ye -a -sɛle 'anye -wɛ, bhulɛweli 'ɛyikɔ "me 'ye 'ɛ "ne 'anye "ku -ylɛ, -mɔ, Zuzu Wlewle 'na 'bhɛloɛ "ne 'ɔnɛɛ 'kwɛlekwɛleɛ "me yɛ -me -lɔ. "Naa-, -ye -a bhulɛ nɛ -wɛ, -a -cɛ nɛ 'dleku -gbɔ "ɛ 'Denaade -wɛ 'diɛɛ yɛ -lɔ. Sɛko -wɛ, 'a -yi -see -a -su nɛ -ayi "ku 'anye 'glɛme, 'a "kɛ nɛ -kɛ 'tee ko 'na 'ylime.

1 Tesalonikenya 2:13

'A -gɛ 'yli, sɔɔbɛɛza -a 'bhɛle Lagɔ -godogodo -wɛ, -noɔ -lɔ nɛɛ: -Sɔɔdɛku -a -sloa 'anye Lagɔweli -wɛ, 'a no- "me. 'A "ne -kɛ 'nyɔkpɔsɛ "ku "me no-, -mɔ, Lagɔweli 'nasɛ 'ye 'a no- -lɔ "me, "naa-, Lagɔweli yɛ -lɔ 'diɛɛ, 'ɛ nole -lɔ 'anye libhɔ "me.

Tite 2:11

"Naa-, Lagɔ tua 'ɔnɛɛ -waleɛ -ɛ "kɛ 'nyakpa 'klekle 'fuɔ -wɛ 'ylime.

Eblenya 12:1

'Nyakpa 'na -zakpɛ "yitɛ -ye 'dlekukɛleɛ -ko "me -wɛ -bli -anye. Zaa, -anye -bhele ne, -a "pɔ -li 'klekle -ɛ gbɔ "ne -a "ne 'nyiɔ 'yuku -wɛ 'kwlɛ "me, -a "pɔ 'nyinyonoli -ɛ -bubɔ -anye -fa -wɛ 'kwlɛ "me. -A 'pa- 'sokwɛ -se -a "kɛ -dee 'wa ga -ce ylɛ-.

Eblenya 2:3

"Ne -anye "na? -See -a "kɛ bhɔ "zo "ne 'ɛ -ka -anye yle-, -a kɛ "ɛ 'popoweli "yitɛ -wɛ yɔko ylɛle? "Ɛ 'popoweli ne, Anyinɛnyɔ 'ci- -lɔ 'ɛnɛɛ -sɛ -ku. "Ne 'wa 'no- "ɛ 'popoweli ne "me -wɛ yi 'lelee -lɔ -anye bhulɛle- -se 'ɛ -noɔ 'diɛɛ yɛ.

Eblenya 4:2

'Wa -sɛle -anye 'Denaade -see 'wa -sɛle -me -a 'to 'wa 'to 'wɔ, -mɔ, weli -ye 'wa 'no- -wɛ "noa 'awɔ -bɛɛ' -no. -Sɔɔdɛku 'wa 'no- -wɛ, 'wa "ne 'dleku -kɛle.

Zake 4:8

'A 'nyiɔ- Lagɔ yɔko, -se 'ɔ "kɛ 'anye yɔko 'nyiɔ- -me. 'A "zoa- 'ayi 'wlele, 'anye -wa -noɔ 'nyinyonolinonya 'waa -wɛ! 'A 'wɛle- 'anyɛɛ 'dlezɔ, 'anye -wa -noɔ -fɔfɔlemɔ -kolemɔ 'waa -wɛ

Zake 5:20

Weli -cibhɛ ne ko 'anye 'dleku: 'Nyɔkpɔ kɛ 'ɔluyu "nyɛnyenoɛ 'na -gwe -ye 'ɔ bhli -wɛ "ku -sɛ, 'kwiɛ 'yli 'ye 'ɔ -sɔ -lɔ. -Ye 'ɔ -no -doɔ -wɛ za, Lagɔ yi 'ce 'nyinyonoli 'kwleyi 'na gbo 'yi 'tale-.

1 Piɛle 1:22

Gbɛklɛklɛ 'plome -zo za, 'a "zo- 'wlele, -se 'a "kɛ 'a "nowlia -wa -noɔ 'klecɛ 'waa -wɛ 'wamale-. 'A wama- -wamale kpɛnyee 'dle 'na 'dle kɔ.

1 Piɛle 1:9

'Ɛ 'ŋwɛnɛ ne 'a -cɛ, "naa- 'a -po zɛ. 'Anyɛɛ 'peɛleɛ -ye 'a ylele Zezu Kli 'na 'dlekukɛleɛ "me -wɛ -lɔ.

1 Piɛle 2:1

'A 'tale -ɛ -noɔ -konyinɛ yɛ 'klekle -wɛ 'yi, 'a te 'nyɔkpɔ ylo no, 'a te -jijigbɛlɛ "zo, -se 'a te lɔbhɔzo no, -se 'a te 'alua 'na weli -nyɛnye bhulɛ.

1 Piɛle 2:11

-A 'titoa 'wanye, 'pleplenya -nyɛ 'lowlinya "bhaa 'ye 'a -noɔ -lɔ -dodo ne "ku, zaa, 'e 'yɔbhɔ 'anye lo nɛɛ: 'A te 'dlepɔsɛ -nyɛnye 'ɛ 'gwele 'anye "me -wɛ -gɛlele.