Biblia Todo Logo
Bìoball air-loidhne

- Sanasan -




Zake 1:16 - Nouveau Testament bété de Gagnoa

16 Zaa, -awale 'wanye -lɛ, 'a te -kɛ 'ayi ylo no.

Faic an caibideil Dèan lethbhreac




Zake 1:16
22 Iomraidhean Croise  

"Ne Zezu yua -lɔ bhulɛle- nɛɛ: 'Kwlɛ 'ye 'a bhli -kɛ -lɔ, sɛko -wɛ, 'a "ne Lagɔbɔgo "me 'na -ɛ kɛleɔ- "bhle -wɛ "ne Lagɔ 'na 'bhɛloɛ -yi.


"Ne Zezu yua -lɔ bhulɛle- nɛɛ: «'Kwlɛ 'ye 'a bhli -kɛ -lɔ, sɛko -wɛ, 'a "ne Lagɔbɔgo "me 'na -ɛ kɛleɔ- "bhle -wɛ "ne Lagɔ 'na 'bhɛloɛ -yi.


Lagɔ "ne 'kwia 'na Lagɔ yɔ. -Mɔ, -yɛyɛnya 'na Lagɔ yɔ -lɔ. -Ye 'a bhulɛ doɔ -wɛ 'gbi 'ye 'a 'to -lɔ.»


'Yli -bholo "me, Zezu 'na 'dlekukɛlenya 'na -zakpɛ "zo- 'awɔ 'wli, 'wa yi 'awɔ glo 'gbeplo yle. "Ne Piɛle yua -lɔ 'glɛme "ku -sɔ, "ne 'ɔ yi -lɔ no nɛɛ:


'Nyakpa -wa no "nyɛnye -wɛ -ka 'ce 'glidɛ yle Lagɔ 'na 'kamale zikpɛ "me. 'A "ne bhɔ sɔbhɔ za 'sɛ -yi 'a? 'A 'no -kɛ welicibhɛ ne "me 'tee: 'Nyakpa 'na -wa -nyɛ 'kpeteklinya "bhaa 'wa go -wɛ, 'nyakpa 'na -wa "zo "fu 'na Lagɔ -wɛ, 'nyakpa 'na -wa zlɛ gbo, "ne 'nyakpa -wa -nyɛ 'walua "bhaa 'wa go -wɛ,


'A te -kɛ 'ayi ylo no: Lagɔ "ne 'ŋunu "ku -se 'wa "kɔ sile-. -Ɔkɔkokɔko 'na -ye 'ɔ -glo -wɛ 'ɛyi 'ye 'ɔ "kɛ 'ce -lɔ 'di.


Zaa, -Awale 'wanye, -ye 'e -ko nɛ 'anye 'glɛme -wɛ, 'a "zo nɛ -ame 'plome, "ne 'a "zo "me nɛ Lagɔ 'plome. 'A "zo 'ce 'plome 'yiɛ. -Dɛme 'na -ye 'e "ne lɔbhɔ -ko ne, 'anyɛɛ 'plomezoɛ 'ɛ "ple lɔbhɔ. Lagɔ 'fuɔ- 'anye, zaa, 'ɔnɛɛ libhɔ, 'a nole 'ɔnɛɛ -gɛguɛ "me, "ne 'ɔnɛɛ 'plomezoɛ "me.


-Awale 'wanye, 'anyɛɛ to 'lɔbhɔ -ame kpɛnyee za 'e 'yɔbhɔ -gbɔ 'e "kɛ 'anye "kusɔ 'ylime 'ye ka yi. "Naa-, 'anye -noɔ -lɔ 'neɛ 'ŋwɛnɛ 'waa, "ne 'anye -noɔ 'lelee -lɔ 'neɛ -bhlegbimezonya 'waa. 'Ɛnɛɛ za, 'titoa 'wanye, 'a "tɛle Anyinɛnyɔ 'dle gbigbi "ɛ sɛbhele -wɛ.


'E bhulɛle 'anye "ɛ -soɔ, -se 'nyakpa te "kɛ 'anye bhulɛweli "namanɔ "me ylo nole- zɛ.


'A 'luɔ- -kɛ! 'Nyɔkpɔ te -kɛ 'anye bhulɛweli 'na -ɛ "ne -bɛɛ' "me -ko, "ne 'ɛ -noɔ 'nyakpasɛ "ku 'na "nanoɛ yɛ -wɛ 'na -gbotu 'anye cile-, -Lɔ -ye 'wa 'wlɛ- 'wayigɛsɛ -wɛ yo yɛ -lɔ, 'nyakpa 'na -Lɔ "me 'ye 'ɛ 'bhale -lɔ, -mɔ, Klise "me 'ye 'ɛ -na 'bhale-.


'Wa -ylile gbɛklɛklɛ 'na -gwe 'guɔ. 'Wa nɛɛ Lagɔ -sɛ -anye -glukonya 'glɛme "bhuɔ, "ne 'wa yi -lɔ 'nyakpa -kwleyia 'na 'dlekukɛleɛ "klo 'siɛ gbli-.


'A wale- 'yiɛ 'nayuasɛ.


-Awale 'wanye, -ye 'a "kɛ yibhlele- ne lɛ: -Ɔkɔkokɔko yi 'yukwli 'fo -ku "pulɔ, -mɔ, 'ɔ te -kɛ bhulɛ -ku "pulɔ, "ne 'ɔ te -kɛ kɛle pɔ -ku "pulɔ.


-Nyɔsɔwanye, 'a kɛ 'kplɛkplɛɛ "me -ko ne 'ŋwɛnɛ 'lɔbhɔ 'anye.


-Nyɔsɔwanye, 'a -kɛ 'ŋlumenyɔ Anyinɛnyɔ Zezu Kli 'dleku za, 'a te 'nyakpa "me dlidlile-.


-Nyɔsɔwanye, 'nyɔkpɔ kɛ no nɛɛ: «'E -kɛ Lagɔ 'dleku.» "Ne 'ɔ "mɔ 'ɔnɛɛ 'dlekukɛlesɛ tua ne, -ye 'ɛ -ko bhɔ "me 'a? 'Ɔnɛɛ 'dlekukɛleɛ -wɛ yu bhɔ 'fuɔ 'a?


'A 'fo 'yukwli, -awale 'wanye, Lagɔ "ne bhɔ -glɔnya 'yliku "ɛ 'nyɛzenya -wɛ lɔbhɔ -sɛ 'a? 'Ɔ 'yɔbhɔ -gbɔ 'ɔ "koa -klɔgbɔnya "zoa- 'dlekukɛleɛ "me, -se 'wa "kɛ Lagɔ 'na 'Kamalezikpɛ -ye 'ɔ -sɛ lɔbhɔ -wa -kɛ 'ɔnɛɛ 'ŋwɛnɛ "me -wɛ za yle.


-Nyɔsɔwanye, 'anye 'klekle, 'a te sloanya "zo! 'A -yi sɛ -gbɔ -anye -wa sloa ne, -anyɛɛ gbobhleleɛ yi 'ce "me "tamale- "ne 'ɛ yi -alua nɛ "ku zi.


'Ŋupɛɛ -nyɛ "kubleɛ "bhaa nuɛgwe -bhele -wɛ "me 'ye 'ɛ 'bhale -lɔ! -Nyɔsɔwanye, 'ɛ "ne sɔbhɔ -ŋwa.


-Nyɔsɔwanye, 'a te 'alua 'na "ku 'na weli -nyɛnye bhulɛ-! -Eyi -mɔɔ bhulɛ -eluyu 'na "ku 'na weli -nyɛnye, "ne -e 'bhlelo gbo -wɛ, -Lɔ 'na "ku 'na weli -nyɛnye 'ye -e bhulɛ -lɔ, "ne -e bhlele me 'lelee -lɔ "ɛ -Lɔ -wɛ gbo. -Eyi -mɔɔ 'bhlele Lagɔ 'na -Lɔ gbo -wɛ, "ɛ -Lɔ -wɛ 'ye -e "ne "zo -lɔ 'plome, 'ɛnɛɛ gbobhlenyɔ 'ye -e noɔ- -lɔ.


-Tia, -nyɔsɔwanye, 'a te zligbɔ. 'Ɛ yi dodo "zo, 'ɛ yi "nɔgo "zo, -ye 'ɛ -kɛ 'se -noɔ "ne -ye 'ɛ "mɔ 'se -noɔ, 'a 'te "ku zligbɔle-. 'Anyɛɛ "kuŋunuɛ "zo "kuŋunuɛ -se 'anyɛɛ losɛɛ "zo losɛɛ, -se Lagɔ te -kɛ 'anye gbobhlele-.


-Nyɔsɔwanye, 'anye 'glɛme, 'na -bholo kɛ 'kwlɛ bhli-, 'nyɔkpɔ 'bhɛle- 'ɔ "kɔ -gwe 'na -gwe "ku sibha-.


Lean sinn:

Sanasan


Sanasan