Zake 1:12 - Nouveau Testament bété de Gagnoa

¹² 'Ŋwɛnɛ 'lɔbhɔ 'se 'nyɔkpɔ 'na -ɔ "ne bhlile- "mebeamɔ, "ne 'ɔ "tamalea 'ɔyi 'kwɛme -wɛ. "Naa-, 'ɔ kɛ 'ɔnɛɛ -kosɛ "namanɔ 'nyakpa 'ylime 'tua ne, 'ɔ yi 'ce zikpɛ yle. Lagɔ 'na 'peɛleɛ -ye 'ɔ no -gbɔ 'ɔ "kɛ -wa "zo- 'wanɛɛ 'ŋwɛnɛ "me kɔ 'je -wɛ yɛ -lɔ.

Zake 1:12 Iomraidhean Croise

Matie 10:22

"Ne 'neɛ 'tɔ "me 'nyakpa 'klekle yi 'ce 'anye 'gble, -mɔ, -ɔ kɛ 'ce 'dleku "tamale- -kaa "ne 'ɛ kɛ 'ce -bhiɛ, Lagɔ yu 'ce 'fuɔ.

Matie 25:34

"Ne -klɔgbɔnyɔ "kɛ 'ce -lɔ -wa -ko lilikwlɛ "ku -wɛ bhulɛle- nɛɛ: 'Anye -ye -a To Lagɔ 'pɔ- 'ŋu -wɛ, 'a yi, 'e 'je 'anye 'Kamalezikpɛ -ye Lagɔ 'jijalea- 'wli zikpɛ 'na "kucidɛku 'anyɛɛ za -wɛ kɔ.

Luke 6:22

'Ŋwɛnɛ "lɔbhɔ 'anye -sɔɔdɛku 'wa -gble 'anye, 'wa 'pɔ 'anye 'kwlɛ "me, 'wa 'yli 'anye, 'wa 'kpeti 'anye, "ne 'wa 'gbli 'anye gbagba -gbo 'wlime 'Nyɔkpɔ Yowli za -wɛ.

Wlomɛnya 5:4

"ne 'dle 'na 'bhle 'piɛ 'nɛme -lɔ 'dlekutamaleɛ, "ne 'dlekutamaleɛ 'nɛme -lɔ 'dletɛleɛ "ne

Wlomɛnya 8:28

-A -yi -sɛ -gbɔ -li 'klekle -ɛ -noɔ -wɛ, -wa -wa Lagɔ -wɛ "kɛ 'tee -ko za yɛ -lɔ. "Ɛ 'wayi -wɛ 'ye 'ɔ -la -lɔ -ye 'ɔ "kɛ no -wɛ za.

1 Kolɛtenya 2:9

"Naa-, sɛne 'ye 'ɛ -kɛle -lɔ Lagɔbɔgo "me nɛɛ: «-Li 'na -bedi -ko lɔbhɔ -ye 'yli "ne 'ye-. -Ye 'yukwli "ne 'no-, "ne -ye dodo ne "ku 'na 'nyakpa -na 'ce -zɛ "ku 'dlepɔ. Zaa, 'ɛ soɔ 'na -li -wɛ, Lagɔ -sɛ -lɔ lɔbhɔ -wa -kɛ 'ɔnɛɛ 'ŋwɛnɛ "me -wɛ za.»

1 Kolɛtenya 8:3

-Mɔ, 'nyɔkpɔ kɛ Lagɔ -wa, Lagɔ -yu.

1 Kolɛtenya 9:25

'Sokwɛpanya 'klekle kɛ "ciɛ ne, 'wayi 'wa 'tea -lɔ -li 'na 'gbagbo. 'Wa no -see 'wa 'cɛ -bɛɛ' 'na -ɛɛ 'bhiɛ "ku -wɛ "me ylele- zɛ. -Mɔ, -anye, -ye -a 'cɛ "me ylele -wɛ 'ɛ 'bhiɛ "ku -godogodo.

2 Timote 2:15

Zaa, "tamale 'kwɛme -se sibhɔ Lagɔ 'yliku; Sɛgbɛɛ 'ɔnɛɛ libhɔnonyɔ 'na "namanɔ -nyɔ 'na libhɔ 'nɛno -gɛ -wɛ. "Ne sɛgbɛɛ 'nyɔkpɔ 'na -ye 'ŋwɛnɛ lɔbhɔle 'ɔnɛɛ libhɔ 'ylime -wɛ, "ne 'ɔ sɛle 'tee Lagɔ 'na 'Denaade -glɔnya -wɛ.

2 Timote 4:8

-Dɛmeda 'neɛ 'peɛleɛ -ye Anyinɛnyɔ "kɛ -ame kɔ 'je -wɛ 'ye 'e -wo -da -lɔ. "Ɛ -zle -wɛ, 'ɔyi gbobhlenyɔ -ɔ ŋwinɛle- "me, gbobhlezle kɛ -yi ne, 'ɔ yi -ame 'neɛ kɔ 'je. "Ɛ "ne -kɛ 'ayikɔ yɔ, -mɔ, 'nyakpa 'klekle -wa -wo -me 'ŋwɛnɛsɛ "ku 'ɔnɛɛ yi -zle -wɛ, 'ɔ yua 'ce "nyɛ me.

Eblenya 10:32

'Anyɛɛ 'dle 'sibhɔ- -watɔ 'na -ɛ 'ple -wɛ "ku. -Sɔɔdɛku, 'anyɛɛ 'yli -vuluɔ "ku "ne 'a 'no- Lagɔ 'na weli "me -wɛ, 'a "tamale- "me "yitɛ "ku, 'a 'gbape- 'kpenyee, -mɔ, 'a 'gwele- 'ayi kɔ.

Eblenya 11:17

Ablame -kɛle Lagɔ 'dleku. -Mɔ, Lagɔ 'yɔbhɔ 'awɔ -gbɔ 'ɔ "kɛ 'awɔ -ye Ablame "kɛ 'awɔ no -wɛ 'ylime 'ye, "ne 'ɔ yi 'awɔ -lɔ no -gbɔ 'ɔ bɔbɔlo- 'ɔ Yowli Izake. "Ne Ablame yu -lɔ 'ɔnɛɛ yu -bholo -kpee -wɛ bɔbɔle-, "ne Lagɔ yɔ 'awɔ -kɛ weli kɔ 'plele- "bhuɔ.

Eblenya 12:5

'De -ye Lagɔ "zo- 'anye "me sɛgbɛɛ 'ɔnɛɛ yua -wɛ ne, "ku 'ye 'a -dlu bha? «'Na yu, Anyinɛnyɔ kɛ -eyi "ku 'gbɔtɔle- ne, -ɛ te -eyi 'kɛle "ku lele-! 'Ɔ kɛ -eyi nuɔ sɔbhɔ, 'kwɛme te -eyi yɔle-!

Eblenya 6:15

Ablame 'piɛ- "bhle 'dle, "ne -nyɔ 'na weli Lagɔ -plelo kɔ -wɛ 'ɔ 'ye- 'ylime.

Zake 2:5

'A 'fo 'yukwli, -awale 'wanye, Lagɔ "ne bhɔ -glɔnya 'yliku "ɛ 'nyɛzenya -wɛ lɔbhɔ -sɛ 'a? 'Ɔ 'yɔbhɔ -gbɔ 'ɔ "koa -klɔgbɔnya "zoa- 'dlekukɛleɛ "me, -se 'wa "kɛ Lagɔ 'na 'Kamalezikpɛ -ye 'ɔ -sɛ lɔbhɔ -wa -kɛ 'ɔnɛɛ 'ŋwɛnɛ "me -wɛ za yle.

Zake 5:11

'A wolo- 'se, 'nyakpa 'na -wa 'ye 'kle -wɛ "ku, -a 'kwoa- 'ŋlu. 'A 'no- Zɔbo, -ɔ -kɛ -zigbadle, 'na 'de. 'A -yi -me 'lelee -ye Anyinɛnyɔ 'jo- kɔ 'ɛnɛɛ 'wlisɛledɛme. -Ɛɛ, Anyinɛnyɔ -wɔtɔ 'dle "ne 'ɔ -kɛ 'nyɛzedle.

1 Piɛle 3:14

"Ne -zlewɛ, 'a kɛ 'gbape, -li 'na -li -ye 'a no -wɛ za ne, -ɛ -noɔ bhɔ "ɛ -jɔlo yɛ! 'A te 'nyakpa -gɛ "gu -se 'dle te 'anye 'nuɔ 'yiɛ!

1 Piɛle 4:13

-Mɔ, 'a kɛ -diɛnadiɛ Klise 'nasɛ 'gbape ne, 'ŋwɛnɛ 'lɔbhɔ 'anye. 'Naa-, 'ɔnɛɛ 'ŋlu kɛ zɔ 'wlo-, 'ŋwɛnɛ yi 'ce 'anye 'lɔbhɔ, "ne "ɛ 'ŋwɛnɛ -wɛ yi 'ce 'anye "ku yiɛ -blɛblɛ.

1 Piɛle 4:14

'Wa kɛ 'anye 'yli- Klise 'na gɛle -gbo "me, -ɛ -le bhɔ "ɛ 'ŋwana "ku! Lagɔ Zuzu, 'ŋlume Zuzu -ko 'anye "ku!

1 Piɛle 5:10

'Anyɛɛ 'gbapeɛ -ka "me 'gwlɛ. -Mɔ, Lagɔ -ɔ -wa 'anye -wɛ, 'ɔ la- -lɔ 'anye -se 'a "kɛ 'ɔnɛɛ 'ŋlu -ɛ "ne "nenidɛ -kɛ -wɛ 'na dɛ 'ye, Zezu Kli "bhaa 'na "kukoleɛ "me. "Naa-, 'ɔ yi gbɔ "ne 'a -ka 'nuɔsɔbhɔledɛ kɛle-, "ne 'a yi "me "tamale-, "ne 'a yi 'kwɛme "tamale-, "ne 'wa -ka 'ce -la 'anye 'siɛ 'bhle.

1 Piɛle 5:4

Lɔbhɔ 'na dɛku -zle wliagɛlenyɔ 'na "cifi -kɛ 'ce -yi, 'a yi 'ce 'peɛleɛ 'na -ɛ me 'ŋlu -godogodo yle-.

1 Zaa 4:19

-Mɔ, -anye -a -wa "naa- Lagɔ -wamale -lɔ -anye tɛɛ zɛ.

'Ylikloylɛleweli 2:10

Te -kɛ 'gbapegbapeɛ -ɛ 'ylile -eyi lo -wɛ -gɛ 'gu, fo 'yukwli, Sata yi 'anyɛɛ 'glɛme 'na -bedia -jiɛ "me 'pɔ, -se 'wa "kɛ 'anye "me 'bea. 'A yi 'ce 'gbape 'yli kogbɔ 'na dɛ, -kɛle 'dletɛleɛ -kaa -neɛ' 'kwiɛ. -E 'cɛ -no, 'e yi 'ce -eyi zikpɛ 'na -ɛ -ka "kubhiɛ "nyɛ sɛgbɛɛ -klɔgbɔ-dagbulɛ.

'Ylikloylɛleweli 3:19

'Nyakpa 'klekle -ye 'e -wa -wɛ, 'e 'gbɔtɔloa "ku "ne 'e 'joa "me. Zaa, "tamale 'yli "ku -se 'bheliɔ kɔ!

'Ylikloylɛleweli 3:21

-See -ame, 'e 'to- 'wli "ku "ne 'e yi -a To yɔko 'gli -ka me 'ɔnɛɛ -klɔgbɔ-gbɔglo "ku -wɛ, sɔbhɔ 'ye -ɔ -to 'wli "ku -wɛ, 'e "kɔ 'ce 'lelee -lɔ -ayi yɔko 'jilɛ 'neɛ -klɔgbɔ-gbɔglo "ku.