Zake 1:1 - Nouveau Testament bété de Gagnoa

¹ -Ame Zake, 'mɔɔ -noɔ Lagɔ "ne Anyinɛnyɔ Zezu Kli 'na "kulɔbhɔnyɔ yɔ -wɛ, 'e bhɛle Lagɔ 'na -gligbɛnya -wa -ŋwɛne dodo -kpɛtɛ ne "ku 'klekle -wɛ.

Zake 1:1 Iomraidhean Croise

Matie 10:3

Filipo "ne Batelemi; Toma "ne -lɛposanyɔ Matie; Alefe yowli Zake "ne Tade;

Matie 13:55

'Ɔ "ne bhɔ sutɛlenyɔ 'na yu yɔ? 'Ɔ "nɔ "ne bhɔ Mali 'pa-, "ne 'ɔ "nowlia "ne bhɔ Zake, Zozɛfo, Simɔ "ne Zude 'waa?

Matie 19:28

"Ne Zezu yua -lɔ bhulɛle- nɛɛ: «Gbɛklɛklɛ 'ye 'e bhulɛle lɛ 'anye, -zle zikpɛ -lele kɛ 'ce -yi, lɔbhɔ 'Nyɔkpɔ Yowli "kɛ 'ce -lɔ 'ɔnɛɛ 'leyli -gbɔglo "ku 'gli. "Ne 'anye -wa -gɛle -ame -wɛ, 'a "kɛ 'ce -lɔ -gbɔglo kogbɔ "sɔ "ku 'gli, "ne 'a "kɛ 'ce -lɔ Izlayɛle 'na -gligbɛwli kogbɔ "sɔ 'gbobhlele-.

Malke 3:18

Adle, Filipo, Batelemi, Matie, Toma, Alefe yowli Zake, Tade, Simɔ -ɔ si 'du za "me.

Luke 22:30

'Ɛ kɛ soɔ -ko, 'anye 'wɔ "bhaa -a yi 'ce 'gɔme lile- "ne -a yi 'ce 'gɔme "nɔmɔle 'neɛ 'Kamalezikpɛ "me, "ne 'a yi 'ce leyli-gbɔglo "ku 'gli, -se 'a "kɛ Izlayɛle 'na -gligbɛwli kogbɔ "sɔ 'gbobhlele-.»

Luke 6:15

Matie, Toma, Zake, Alefe yowli, Simɔ -ye 'wa -ziɛle lɛ Osiduzame.

Zezu Kli 'na 'Denaade ‑ye Zaa kɛle‑ ne lɛ 12:26

'Nyɔkpɔ 'na -ɔ kɛ no -gbɔ 'ɔ yi -ame "ku lɔbhɔ- ne, 'ɔ gɛlele- -ame. "Naa-, -dee 'e -ko -wɛ, lɔbhɔ 'ye 'neɛ "kulɔbhɔnyɔ "kɛ -lɔ ko -me. "Ne, -ɔ lɔbhɔ -ame "ku -wɛ, -ame To -kɔ 'ce "ku dlu.

Zezu Kli 'na 'Denaade ‑ye Zaa kɛle‑ ne lɛ 7:35

"Ne "ɛ Zufonya yi -lɔ lo 'yɔbhɔyɔbhɔle- nɛɛ: «-Dee 'ɔ "kɛ bhɔ me "ne -a -kɔ 'ce bhɔ 'ylime 'ye 'a? Zaa, Zufonya -wa -ko Glɛkenya 'glɛme -wɛ 'ye 'ɔ "kɛ bhɔ yle -ka me 'a? Glɛkenya 'ye 'ɔ me bhɔ sloa -ka 'a?

Nonoli 1:13

'Wa "kɛ Zeluzalɛme ylɛ ne, "ne 'wa yi -lɔ "nɔgɔ "ku 'na -bhudu -cibhɛ -mee 'wa "zole 'wli "kle- -wɛ plɛ. Piɛle, Zaa, Zake "ne Adle, Filipo "ne Toma, Batelemi "ne Matie, Alefe yowli Zake, Simɔ -ɔsiduza "me, "ne Zake yowli Zude.

Nonoli 12:17

"Ne Piɛle yi -lɔ sɔ 'wli "ku 'libhi -gbɔ 'wa 'tli "ku. "Ne 'ɔ yua -lɔ -see Anyinɛnyɔ -sɔ -jiɛ "me -wɛ 'na 'de -sɛle. "Ne Piɛle yi -lɔ no nɛɛ: «'A me -se 'a sɛle- Zake -nyɛ 'ɔ "nowlia 'wɔ "bhaa 'de.» "Ne 'ɔ yi -lɔ zɔ 'wlo, "ne 'ɔ yi -lɔ -glɔ 'na -vidɛ me-.

Nonoli 15:13

'Wa "kɛ kɔ 'bhiɛ "bhuɔ ne, Zake 'libhi -la -lɔ weli "ku, "ne 'ɔ yi -lɔ no nɛɛ: «"Nowlia 'wanye, -a 'fo -ame 'yukwli.

Nonoli 15:21

-See 'ɛ 'bhale- 'awɔ "bhle tɛtɛ -nyakpa "ku -ce, Moyize -sɛle 'awɔ 'ce dukuduku 'na 'nyakpa 'de, "ne bhubhɔbhudu "me 'wa zɛle -me 'lelee "me -gbajɛzle 'klekle "me.

Nonoli 15:23

'Wayi, 'wa 'je- -lɔ "ɛ "bɔgo -wɛ kɔ. -Ye 'wa bhulɛ "ɛ "bɔgo "me ne lɛ: "Kɔlepɔnya, -gligbɛyitia, "ne "nowlia 'wɔ 'bhɛle 'dlekukɛlenya -wa "ne Zifonya 'waa, "ne 'wa -ko Atiɔse Sili "ne Silisi -wɛ.

Nonoli 2:5

"Ɛ "tɛnye -wɛ "me, Zufonya 'na -wa tɛle- Lagɔ 'dle -wɛ 'bha- 'awɔ -glɔ 'klekle "ku, "ne 'wa yi 'awɔ -lɔ Zeluzalɛme yi.

Nonoli 21:18

Zle "kɛ 'ze ne, "ne Pɔle "bhaa -a yi -lɔ 'gɔme Zake 'na dɛce me, -dee "yitia 'klekle "zole 'awɔ 'wli -wɛ.

Nonoli 23:26

«Klode Liziase, 'e bhɛle -kɛ -a 'to 'Kamalenyɔ "yitɔ Felise.

Nonoli 26:7

'Ɛyi -wɛ -ye -gligbɛ 'wli -kogbɔ "sɔ -wɛ -kɛle -me 'awɔ -lɔ 'dleku -gbɔ Lagɔ 'na bhulɛweli yi 'awɔ 'ce 'yli 'wlole, 'ɛza, 'wa lɔbhɔ -lɔ Lagɔ "ku zle 'oo -zle. -Klɔgbɔnyɔ Aglipa, -ame 'lelee, 'e -cɛ -me 'dleku. 'Ɛza -ame "nowlia zufonya 'gbli -lɔ -ame gbo 'wlime

Nonoli 8:1

Sɔle 'ŋunule- nɛ Etiɛne 'na 'lɔbhɔnya. "Ɛ zle -bhele -wɛ "me, -ye 'wa 'lɔbhɔ- nɛ Etiɛne "ne 'ɔ yi "ku- -wɛ, 'ye Zeluzalɛme 'na Lagɔ-gligbɛnya 'na 'gbapegbapeɛ 'ci- -lɔ "ku. 'Ɛ "tamale- 'awɔ "me kpɛnyee. "Ne 'wa yi -lɔ fɔtɔ- 'klekle. "Ne 'wa yi -lɔ Zude -nyɛ Samali -glɔ "bhaa "me "gule -ka me. -Mɔ "Kɔlepɔnya "ne 'awɔ -fɔtɔ -me.

Wlomɛnya 1:1

-Ame, Pɔle, Zezu Kli 'na "kulɔbhɔnyɔ, 'e 'kɛle 'anye "ku, Lagɔ la- -lɔ -ame -se 'e "kɛ Zezu 'na "kɔlepɔnyɔ "zo, "ne 'ɔ "zo- -ame 'neɛ -tiaa 'dɛ, -se 'e "kɛ 'Denaade -sɛ.

Galatenya 1:19

'E "ne Zezu 'na "kɔlepɔnyɔ 'na -vinɔ 'ylime 'ye-, 'ɛ "mɔ Zake, Anyinɛnyɔ 'ɔ "nɔwli -wɛ 'ɔyikɔ yɛ.

Galatenya 2:12

"Naa-, -sɔɔdɛku Zake 'na 'nyakpa -ye 'ɔ 'lebhe- -na nɛ yi -wɛ, Sefase -nyɛ 'ɔ "nowlia -wa "ne Zufonya 'waa -wɛ "bhaa 'wa lile nɛ 'gɔme. -Mɔ, 'ɛ -wa -wɛ -yi -la lɛ ne, 'ɔ -yliloa "guɔ, 'ɔ "ne -la -wa "ne Zufonya 'waa -wɛ -gɛlele. "Naa-, 'ɔ "gua -da 'nyakpa 'wa no -gbɔ 'wa 'di 'wayi "ku -wɛ -gɛ.

Galatenya 2:9

Zake, Sefase "ne Zaa, 'wayi 'wa zɛle -lɔ Lagɔgligbɛ 'na "cifia "ku. 'Ɛ 'wayi -wɛ 'wa -yibhlele -lɔ Lagɔ 'na -jɔlo -ye 'ɔ 'nyɛ- -ame -wɛ, 'wa -tuɔ -lɔ -anye 'kwlɛ, -ame "ne Banabase, -se -a "kɛ 'sɛ yibhlele- -gbɔ 'wayi 'wɔ "bhaa -a -kole "ku. -Anye, -a "kɛ nɛ -lɔ -wa "ne Zufonya 'waa -wɛ lo mele- "ne 'wayi, 'wa "kɛ nɛ -lɔ -wa -noɔ Zufonya 'waa -wɛ lo mele- -me.

Filiponya 1:1

-Ame, Pɔle -nyɛ Timote "bhaa, Zezu Kli 'na "kulɔbhɔnya 'ye -a -noɔ -lɔ. Lagɔ 'na yua 'klekle -wa -ko Filipo -du "me -wɛ, 'wa -nyɛ "ɛ Lagɔgligbɛ 'na 'yukugɛlenya -nyɛ 'wanɛɛ 'kwɛlekwɛlenya -wɛ 'wɔ "bhaa 'wayi 'ye -a kɛle lɛ "ku.

2 Timote 4:21

'Tɔtɔle -eyi kɔ -sɔɔdɛku wɔtlɔ -namlɛ yi -wɛ. Ebuluse, Pudɛse, Linuse, Klodia "ne 'klecɛnya 'klekle "nowlia -nyɛ "nɔyoa 'wɔ "bhaa bhɛle -eyi.

Tite 1:1

-Ame Pɔle, Lagɔ 'na "kulɔbhɔnyɔ "ne Zezu Kli 'na "kɔlepɔnyɔ 'ye 'e -noɔ -lɔ. 'Ɔ -sɛ -lɔ -ame lɔbhɔ -se 'e "kɛ Lagɔ 'na 'nyakpa -ye 'ɔ -tɔ -wɛ 'dlekukɛleɛ kɔme- -se 'wa "kɛ gbɛklɛklɛ yibhlele-, -se 'wa "kɛ Lagɔ 'dle 'tɛle.

1 Piɛle 1:1

-Ame, Piɛle, Zezu Kli 'na "kɔlepɔnyɔ, 'mɔɔ 'kɛle lɛ Lagɔ 'na 'nyakpa -ye 'ɔ -sɛ lɔbhɔ "ne 'wa 'glile- 'lowlime "ne 'wa -ŋwɛne Pɔɔ, Galasi, Kapadɔse, Azi "ne Bitini -glɔ "me.

2 Piɛle 1:1

-Ame, Simɔ Piɛle, Zezu Kli 'na "kulɔbhɔnyɔ "ne 'ɔnɛɛ "kɔlepɔnyɔ, 'e kɛle -wa -yle -me 'dlekukɛleɛ -ɛ 'tɛ- 'kpɛ "ku sɛgbɛɛ -anye nɛ ne, Zezu Kli, -anyɛɛ Lagɔ "ne -anyɛɛ Fuɔnyɔ 'na 'dlewɔtɛ "me.

Zude 1:1

-Ame, Zude, Zezu Kli 'na "kulɔbhɔnyɔ "ne Zake -ɔ "nɔwli, 'e 'kɛle -ye -a To Lagɔ la- -wɛ "ku. 'Ɔ -woa "ne 'ɔ -suloa Zezu Kli "me.

'Ylikloylɛleweli 7:4

"Ne 'e yi -lɔ -ye -wa "zo- Lagɔ 'na 'be "klo -wɛ 'na "kudimasɛ "me 'no. 'Wa -yle -gɛmɛnɛ -wlulu -glo 'umgbu 'wlulu -glo "sɔ 'wlulu -mɔɔnɔ (144.000), Izlayɛle 'na -gligbɛ 'klekle "ku 'na 'nyakpa 'waa -lɔ: