Wlomɛnya 8:3 - Nouveau Testament bété de Gagnoa

³ Moyize 'na -Lɔ "ne nɛ 'bhɛle- "ne 'ɛ "kɛ -ɛwɛ no, sɛko -wɛ, 'nyɔkpɔ 'na kosɛ "ne "me 'tɛ-, -mɔ, Lagɔ -no. 'Ɔ 'lebhe- 'ɔ Yowli, "ne 'ɔ yi -lɔ 'nyinyonolinonya 'na ku "ku 'libhi, -se 'ɔ "kɛ 'wanɛɛ 'nyinyonoli 'na 'galu 'di. Lɔbhɔ 'ye Lagɔ -luale -lɔ 'nyinyonoli -ɛ ko 'nyɔkpɔ "me -wɛ gbo.

Wlomɛnya 8:3 Iomraidhean Croise

Malke 15:27

"Ɛ "slojanya -kole -me 'awɔ "kpokponya "sɔ klowa "klo, Zezu yɔko. -Bholo -ko 'ɔnɛɛ lilikwlɛ -gbɔsɔ "ku, "ne "sɔnɔ -ko 'ɔnɛɛ kɔpɛ -gbɔsɔ "ku.

Zezu Kli 'na 'Denaade ‑ye Zaa kɛle‑ ne lɛ 1:14

"Ne "ɛ weli yi -lɔ 'nyɔkpɔ "me yili-, "ne 'ɔ -nyɔ "bhaa -a yi -lɔ "ku kole-, "ne -a yi -lɔ 'ɔnɛɛ 'ŋlu 'ylime 'ye. "Ɛ 'ŋlu -wɛ, To 'jo- -lɔ kɔ. Lagɔ Yowli -bholo -kpee, -ɔ yiɛ- -jɔlo "ku, "ne -ɔ bhulɛ gbɛklɛklɛ 'na 'ŋlu yɛ -lɔ.

Zezu Kli 'na 'Denaade ‑ye Zaa kɛle‑ ne lɛ 9:24

Faliziɛnya lale- "ɛ -kpelɔbhɔnyɔ "kusɔ "ne 'wa no -lɔ nɛɛ: «Bhulɛ- gbaa Lagɔ 'yliku! -Anye, -a -yi sɛ -gbɔ -ɔwɛ 'nyinyonolinonyɔ yɔ -lɔ.»

Nonoli 13:39

"Naa-, 'ɔyi, 'ɔɔ "kɛ -lɔ 'nyɔkpɔ 'na -ɔ -kɛle Zezu 'dleku -wɛ 'na 'nyinyonoli 'na 'galu 'di.

Wlomɛnya 3:20

-Ɛwɛza, Lagɔ 'yliku, -ɔ "kɛ 'ce "me ŋwinɛle- "ne -le, -Lɔ 'na 'kɔkɛleɛ "me. "Naa-, -Lɔ, 'ɛyi, 'nyakpa -ye 'ɛ 'luɔle -lɔ 'dle -gbɔ 'wa -no 'nyinyonoli.

Wlomɛnya 6:6

-A 'no 'ɛyi ne "me 'tee: -See -a -ko nɛ -watɔ -ce, 'ɛyi -wɛ -koleɔ klowa "klo Klise "bhaa, zaa, 'nyinyonoli -ɛ -ko nɛ -anye 'nabhɛ "me -wɛ -bhiɛ "ku. Zaa, -a "ne -kɛ -la 'nyinyonoli 'na 'juyua 'waa.

Wlomɛnya 7:18

'Diɛɛ, 'e -yi sɛ, "nɛne "ne -ame "me -ko, sɛne 'ye 'e no -lɔ -gbɔ 'e "kɛ lɛ nɛɛ -ame, 'mɔɔ "ne "me 'tɛ- ne. 'Neɛ -dɛku, -li 'na -li 'na 'yɛbhɛyɛbhɛɛ, 'e 'bhɛle-, -mɔ, 'e "kɛ -li 'na -li no -wɛ, 'e "ne 'bhɛle-.

Wlomɛnya 8:32

'Ɔ Yowli 'nabhɛ, Lagɔ "no -kɛ 'kplɛkplɛɛ 'na -gwe "ku -sɛ, -mɔ, 'ɔ -plo -anye 'klekle za. Zaa, sɔɔbɛɛza 'ɔ -ka bhɔ -li 'klekle -anye "fu kɔ 'je, 'ɔ Yowli "bhaa.

Wlomɛnya 9:3

'Diɛɛ, 'e 'yɔbhɔ nɛ -gbɔ Lagɔ "pɔ nɛ -ame 'kwlɛ "me, -se Klise "bhaa -a yliylile- nɛ guɔ, -ame "nowlia "ne -ame "nɔyoa zufonya 'na 'ylime, 'wayi 'wɔ "bhaa dɛ -bhele -a 'bhale -lɔ.

2 Kolɛtenya 5:21

Klise "ne 'awɔ 'nyinyonoli 'wlime -kɛ, "ne Lagɔ yu -lɔ -anyɛɛ 'nyinyonoli 'na gbo 'wlime 'gbli-. Zaa, -dɛme'nadɛne "ku, Klise "me, Lagɔ "zoa- -anye "meŋwinɛlenya.

Galatenya 3:13

"Ne "kubhleɛ -ye -Lɔ 'nɛme -anye "ku -wɛ, Klise 'di- 'ɛnɛɛ 'galu "yitɛ "ku. -Anyɛɛ za 'wa -bholo -lɔ "ku. "Naa-, Lagɔbɔgo "me sɛne 'ye 'ɛ 'kɛleɔ- -lɔ: «'Nyɔkpɔ -ye 'wa -gbɛtele su 'vli -wɛ, 'ɔyi 'ye- "kubhleɛ 'sa -lɔ kɔ.»

Galatenya 3:21

Zaa, -se 'ɛ sɛ bhɔ zɔ 'a? -Lɔ -nyɛ Lagɔ 'na weli -ye 'ɔ -ple -wɛ "bhaa keyi 'ye 'ɛ -glɛglɛle bha? 'Bhɔ gou! -Lɔ kɛ nɛ kɛ 'bhɛle -se 'ɛ "kɛ zikpɛ "nyɛ, "ne 'nyakpa kɛ nɛ -kɛ 'ɛ -Lɔ -wɛ kɔ sa- ne, ɛɛ -diɛɛ, -Lɔ yua nɛ "meŋwinɛlea.

Filiponya 2:7

-Mɔ, 'ɔ 'bhale- 'ɔyi "me, "ne 'ɔ yi -lɔ 'ɔyi "kulɔbhɔnyɔ "zoa- "ne 'ɔ yi -lɔ 'ɔyi 'nyɔkpɔ 'nasɛ slu-. "Ne 'nyakpa yu -lɔ 'ylime 'ye -gbɔ 'ɔ -ko 'diɛɛ 'nyɔkpɔ 'nasɛ.

Eblenya 10:12

-Mɔ Klise 'ɔyi, 'ɔ -sɛ bɔbɔli -bholo -anyɛɛ 'nyinyonoli za "bhuɔ ne, 'ɔ yi -lɔ Lagɔ 'na lilikwlɛ -gbɔsɔ "ku 'gli -godogodo 'na dɛ.

Eblenya 10:14

"Ku -bholo 'na 'ye 'ɔ -bɔbɔ -wɛ -gbɔ "ne -wa -plɛ 'wlele -wɛ "ne 'nuɔsɔbhɔledɛ -kɛ -godogodo 'na dɛ.

Eblenya 2:14

"Ɛ yua ne -kɛ -bɛɛ' -ye 'wa -gbale "ku, nyakpa 'waa -lɔ. Zuzu -nyɛnye -kɛ nɛ 'bhɛloɛ se 'ɔ "koa 'kwiɛ "me 'piɛ. 'Ɛza, Zezu "zo- me 'lelee -lɔ 'nyɔkpɔ 'wanɛɛ -sɛ -se 'ɔ "kɛ Zuzu -nyɛnye -gla -sɛ 'kwiɛ "me ylɛleɛ -me.

Eblenya 2:17

-Ɛwɛza, 'ɔ "kɛ nɛ -lɔ 'ɔ "nowlia 'wlole -li 'klekle "me -se 'ɔ "kɛ bɔbɔnyɔ "yitɔ 'na -ɔ -ko 'nɛne "ne -ɔ tɛle- lagɔlibhɔ 'dle, -se 'ɔ "kɛ 'nyakpa 'na 'nyinyonoli 'na gbo "ku 'titli.

Eblenya 4:15

Sɛko -wɛ -a -kɛ bɔbɔnyɔ "yitɔ, -ɔ 'bhɛle- "ne 'ɔ "kɛ -anyɛɛ sɛ 'gbape -me -anyɛɛ 'kwɛme-yɔleɛ 'na za. "Naa- -anyɛɛ sɛ, 'wa 'beɔ- -li 'klekle za "me, -mɔ 'ɔyi, 'ɔ "ne 'nyinyonoli -no.

1 Piɛle 2:24

Klowa "klo, 'ɔnɛɛ ku "me 'ɔ 'libhi- 'ɔyigɛsɛ -anyɛɛ 'nyinyonoli "ku. 'Ɛza, -a "kɛ -lɔ 'nyinyonoli 'na nonoku 'nyɔkɔ-. "Ne -a "kɛ -lɔ zikpɛ 'na -ɛ 'nɛne Lagɔ -gɛ -wɛ "ku -ko. "Naa-, 'ɔnɛɛ 'gbapegbapeɛ "me 'ye -a -yamale -lɔ zɛ.