Wlomɛnya 7:3 - Nouveau Testament bété de Gagnoa

³ 'Ɔ kɛ 'nyɔkpɔ 'na -vinɔ 'na 'ŋɔnɔ "zo- -dee 'ɔ "luwli -yɛ -na -wɛ, ŋwɛnɛɛ gbo 'ye 'ɔ zlɛ -lɔ. -Mɔ, 'ɔ "luwli -kɛ "ku-, -Lɔ 'na lu bhɔ -la 'wlime. 'Ɔ yi -la 'nyɔkpɔ 'na -vinɔ 'na 'ŋɔnɔ "zo, 'ɔ "ne -la gbozlɛŋɔnɔ yɔ.

Wlomɛnya 7:3 Iomraidhean Croise

Matie 5:32

-Mɔ, -ame, 'e bhulɛle 'anye nɛɛ: 'Nyɔkpɔ te -kɛ 'ɔnɛɛ 'ŋɔnɔ 'na lo -sɛ. 'E -na -kɛ -wa "ne kwɔkwɔlesɛ -kɛ -wɛ ga. -Mɔ, 'nyɔkpɔ 'na -ɔ -sɛ 'ɔnɛɛ 'ŋɔnɔ 'na lo -wɛ, gbozlɛɛ 'ye 'ɔ 'peliɔ -lɔ 'yli. Sɛko -wɛ 'widi 'na -vinɔ 'ye 'ɔ "kɛ -lɔ kwɔ zɛ. "Ne 'nyɔkpɔ kɛ -kɛ 'ŋɔnɔ 'na -nyɔ 'na lo 'wa -sɛ -wɛ -kwɔ, gbo 'ye 'ɔ zlɛ -lɔ.

Wlomɛnya 7:2

Sɔbhɔ 'ŋɔnɔ 'na -ɔ -kwɔ 'widi -wɛ, -Lɔ gbɔ -lɔ "ne 'ɔ "luwli "bhaa 'wa -kole -lɔ "ku -sɔɔdɛku 'ɔ -yɛ -na -wɛ. -Mɔ, 'widi kɛ -la "ku-, "ɛ 'ŋɔnɔ ne, -Lɔ -ɛ gbɔ nɛ "ne "ɛ 'widi "bhaa 'wa -kole nɛ "ku -wɛ 'bhɔ- -la -lɔ 'wlime.

Wlomɛnya 7:4

-Nyɔsɔwanye, 'anyɛɛ -dɛku "ɛ -bhele -wɛ yɛ -lɔ. 'Ɛ kɛ -Lɔ 'na weli yɛ ne, 'a -ko sɛgbɛɛ 'nyakpa 'na -wa "ku-, "naa-, Klise -ɔ "ku- -wɛ "bhaa -bholo 'ye 'a -yle -lɔ. -Dɛmeda, 'a "ne -da -Lɔ -noa 'waa. 'Nyɔkpɔ 'na -vinɔ -noa 'ye 'a -noɔ -lɔ, "ɛ -vinɔ ne, -ɔ -glɔ 'kwiɛ "me -wɛ yɔ -lɔ. Zaa, -a no -ɛ "kɛ Lagɔ -gɛ 'namale- -wɛ.