Wlomɛnya 3:2 - Nouveau Testament bété de Gagnoa

² 'Diɛɛ, sɛ 'klekle "me, zufonyɔ 'na "zozoɛ 'nɛne. "Naa-, "kucidɛku, Zufonya 'ye Lagɔ -kulɛle -lɔ 'ɔnɛɛ weli "ku.

Wlomɛnya 3:2 Iomraidhean Croise

Zezu Kli 'na 'Denaade ‑ye Zaa kɛle‑ ne lɛ 5:39

'A 'vea Lagɔweli "me 'tee, "naa- 'a -kɛ 'dleku -gbɔ 'a 'yi zikpɛ 'na -ɛ -ka "kubhiɛ -wɛ "me ylele-. "Ne "ɛ Lagɔweli -bhele -wɛ, 'ɛɛ bhulɛ -lɔ 'neɛ "kukoweli.

Nonoli 7:38

"Naa-, -sɔɔdɛku Izlayɛleyua "zole- nɛ 'kɔsɛku 'wli -wɛ, Moyize 'ye "nɔgɔzilɔ bhulɛle nɛ -lɔ "ne 'ɔ sɛle nɛ -lɔ -a 'to 'wɔ Sinayi 'na tlo 'vli 'de. "Ɛ Moyize ne, 'ɔyi 'ye Lagɔ -bhulɛle -lɔ weli -ɛ 'nyɛ zikpɛ -wɛ, -se 'ɔ "kɛ -anye 'de -sɛle.

Wlomɛnya 1:2

'Ɛ 'Denaade ne, Lagɔ -ple 'ɛnɛɛ weli lɔbhɔ -gwlɛ "me, 'ɔnɛɛ "guɔkwɔmenya kɔ Lagɔbɔgo 'wɔ "me.

Wlomɛnya 2:18

-E -yi 'ɔnɛɛ -ye 'ɔ 'yɔbhɔ -wɛ, "ne -Lɔ 'na 'kwɛlekwɛleɛ "me -e 'bhɛle- -e "kɛ -ɛ 'nɛne -wɛ tɔ-.

Wlomɛnya 3:1

'Ɛ kɛ soɔ -ko ne, 'nɛne 'na -ye 'wa ylele bhɔ zufonyɔ 'na "zozoɛ "me 'a? "Kudiɛ -ye 'ɛ ko bhɔ "me 'a?

Wlomɛnya 3:3

Zaa, -see -a kɛ bhɔ lɛ, zufonya 'na -bedia "mɔ Lagɔ 'na weli 'plome "zo ne, 'ɛyi -wɛ "kɛ bhɔ gbɔ "ne Lagɔ "kɛ bhɔ 'ɔnɛɛ weli "ku 'bha- 'a?

Wlomɛnya 9:4

Izlayɛleyua 'waa -lɔ. Lagɔ "zoa- 'ɔnɛɛ yua. 'Ɔ -tua 'ɔnɛɛ 'ŋlumeɛ 'ylime. 'Wayi 'wɔ "bhaa 'wa -mɛnele. 'Ɔ 'nyoa- -Lɔ, bhubhɔsɛ, welipleɛ,

1 Kolɛtenya 9:17

'Mɔɔ kɛ nɛ -kɛ "ɛ libhɔ ne -tɔ, 'e yi nɛ no -gbɔ 'wa 'peɛle -ame. -Mɔ, -bɛɛ' 'na -ye 'e "kɛ no "kle yɛ -lɔ, zaa, 'e 'yi no.

2 Kolɛtenya 5:19

'Diɛɛ, Lagɔ -selia -lɔ -glɔnya 'nyɛ 'ɔyi 'wɔ "bhaa gbo Klise "me, "ne 'ɔ "ne wlo -la "nyɛnye -ye 'nyakpa -no -wɛ "klo. "Ne 'ɔ yi -lɔ -anye 'lebhe -gbɔ -a -sɛ 'gboseliɔweli -wɛ 'na 'de.

Galatenya 2:7

-Mɔ, -ye 'wa 'ye- 'ylime ne lɛ: Lagɔ 'yɔbhɔle- -ame lo -gbɔ 'e -sɛle 'Denaade -wa "ne Zufonya 'waa -wɛ, -se Piɛle -sɛle 'Denaade -wa -noɔ Zufonya 'waa -wɛ.

1 Timote 6:20

Timote, -ye Lagɔ 'je- -eyi kɔ -wɛ, slu 'tee. 'Tale "fu 'na 'kpɛlekpɛleɛ -ɛ "ne bhli 'dlekukɛleɛ 'na -gwɛ -wɛ 'yi. 'Tale sloasɛ -nyɛnye -ɛ gbɔ "ne -a -ka gbɛklɛklɛ yibhlele- -wɛ 'yi.

Eblenya 5:12

'Anye, 'anye "kɛ nɛ -la -lɔ -dɛme Lagɔweli 'na -sloanya "yitia "zo, -mɔ, -dee 'wa "kɛ 'anye Lagɔweli 'na "kuciledɛ "me -sloa 'ye 'a -ko -la -lɔ -doɔ. Nyeteŋu 'na -nɔmɔdɛ 'ye 'a -ylɛ -lɔ, 'a "ne -la "ku tamale -lilɛ 'na lili -noa 'waa.

1 Piɛle 4:11

-Ɔ bhulɛ -wɛ, 'ɔ bhulɛle- Lagɔ 'na 'tɔ "me. -Ɔ lɔbhɔ -wɛ, 'ɔ lɔbhɔle- Lagɔ 'na 'kwɛme-tamaleɛ -ye 'ɔ 'nyɔ -wɛ "me. -Se Zezu Kli "me Lagɔ "kɛ 'ŋlu me -li 'klekle "me. 'Ɔ 'bhe- -lɔ 'ŋlumeɛ, "ne 'bhɛloɛ -godogodo 'na dɛ! Amɛn.

'Ylikloylɛleweli 19:10

"Ne 'e yi -lɔ "nɔgɔzilɔ -kokomini 'yli "ku "pɔle, -se 'e "kɔ "zo. ''Ne 'ɔ yi -lɔ no nɛɛ: Te -kɛ 'soɔ no. "Kulɔbhɔnyɔ 'ye 'e -noɔ -me -lɔ -neɛ' sɛ, sɛgbɛɛ "nowlia -nyɛ -e "nɔyoa 'wɔ "bhaa -wa tɛle- Zezu Kli 'na bhulɛweli -ɛ -ko gbaa 'dle, "ne 'ɔ -tua 'nyakpa 'ylime -wɛ. Lagɔ 'ye -e "kɛ -lɔ "zo. Zezu 'na bhulɛweli -ye 'ɔ -tua 'nyakpa 'ylime -wɛ "me 'ye "guɔkwɔmenya 'na bhuleweli 'bhale -lɔ.

'Ylikloylɛleweli 22:6

-Ɛwɛ "kɛ 'ple "bhuɔ ne, "nɔgɔzilɔ -bhulɛle -ame nɛɛ: Bhulɛweli ne -kɛ 'dlekukɛlesɛ "ne 'ɛ -ko gbaa. Anyinɛnyɔ Lagɔ 'nyɛ- "guɔkwɔmenya Zuzu Wlewle. 'Ɔ -lebhe 'ɔnɛɛ "nɔgɔzilɔ -se 'ɔ "kɛ 'ɔnɛɛ "kulɔbhɔnya -ɛ "kɛ yi -wɛ 'ylime tua.