Wlomɛnya 2:3 - Nouveau Testament bété de Gagnoa

³ -Eyi, -e 'bhlele -wa no "ɛ -soɔ 'na -li -wɛ 'wɔ gbo, "ne -e no -me -kɛ 'wanɛɛ sɛ! -Neɛ' dɛku, Lagɔ 'na gbobhleleɛ yi bhɔ -eyi yɔko "me 'ple bha?

Wlomɛnya 2:3 Iomraidhean Croise

Matie 23:33

'Tɛbhɛ 'dlekɛkɛlenya nye -lɛ, 'a yi -kosu "me me, "ne 'a -cɛ nu "po.

Matie 26:53

-E "ne bhɔ 'dleku -kɛ -gbɔ 'e kɛ -dɛme -a To la-, "nɔgɔzilia 'na 'togwe-zakpɛ -ye 'ɔ "kɛ -ame -gwe "ku "pɔ -wɛ yi -zakpɛ -kogbɔ "sɔ -wɛ yɔko "me 'ple?»

Luke 12:14

"Ne Zezu yu lɔ bhulɛle- nɛɛ: «-Ɔ -sɛ bhɔ lɔbhɔ -ame -se 'e "kɛ 'anyɛ gbobhlenyɔ "zo, -se 'e "kɛ -li dli- 'a?»

Luke 22:58

-Kpaa ne, -vinɔ 'wolo "ku, 'ɔ nɛɛ: «-Eyi, 'wanɛɛ 'glɛme 'na -bholo 'ye -e -noɔ -me -lɔ.» Piɛle nɛɛ: «'Ɛ "ne -kɛ -ame yɔ.»

Luke 22:60

Piɛle nɛɛ: «'E "ne -see -e lɛ -wɛ "me -nyini.» 'Ɛ -ko nu cuu, "ne nunu yi -lɔ 'weli "pɔ.

Wlomɛnya 1:32

'Ɛ -ko sɔbhɔ "ne 'wa -yi -see Lagɔ 'bhlele 'nyɔkpɔ gbo. -Wa no "ɛ soɔ -wɛ, 'kwiɛ -ŋwa -lɔ "ku. "Ɛ -li -ye 'wa no -wɛ, 'ɛyikɔ 'ye 'ɛ "ne -noɔ, -mɔ, 'wa 'ŋunule me 'ɛnɛɛ nonya!

Wlomɛnya 2:1

-Eyi -mɔɔ 'bhlele -elua gbo -wɛ, -ɛ "kɛ -eyi gbo -sɛ -wɛ "ne -le, -see -e yi ko -ce, -e 'bhlele -elua gbo, "ne -e no -me 'wanɛɛ sɛ! Zaa, gbo -ye -e bhle -wɛ, -eyi 'nabhɛ -ye -e 'gbli -lɔ gbo 'wlime.

Wlomɛnya 2:2

'Diɛɛ, -a -yi -sɛ, -see Lagɔ 'bhlele gbo gbɛklɛklɛ -wa "zo "ɛ -soɔ -wɛ za.

Wlomɛnya 9:20

-Mɔ, -eyi -ye -e -noɔ bhɔ -se Lagɔ "bhaa 'a "kɛ 'kpɛle- 'a? -Bɛɛ' 'na -ye 'wa -no -wɛ, yi bhɔ -ɔ -no -wɛ lo 'yɔbhɔ -gbɔ sɔɔbɛɛza -e -no -ame soɔ 'a?

1 Tesalonikenya 5:3

-Sɔɔdɛku 'nyakpa "kɛ 'ce no nɛɛ -a -yle -la "kuwɛtɛ, "ne gbo -ka -la -dɛme lele-, "ɛ 'doɔ cuu, 'ye "gbɛsɛto "koa -lɔ 'vule-, sɛgbɛɛ 'gwɛlelɔbhɔŋɔnɔ -ye gwɛle -bhlile "ku, 'ɛ -ka 'ce 'nyɔkpɔ 'tle-.

Eblenya 12:25

'A luɔ- -kɛ! -Ɔ bhulɛle 'anye -wɛ, 'a 'fo 'yukwli! Dodo ne "ku, Moyize -sɛ 'awɔ -kɛ Izlayɛleyua 'yukwli fete, -mɔ, 'wa "no 'awɔ -kɛ 'yukwli -fo "ne -ɛ "kɛ 'awɔ lɔbhɔ ylɛ -wɛ -ylɛle 'awɔ lɔbhɔ. -Anye, "nɔgɔ "me, Lagɔ -ɔ bhulɛle -anye -wɛ -ko -lɔ. -A kɔ keyi -glɛ ne, -a -cɛ nu "po, -a kɛle- 'dleku!

Eblenya 2:3

"Ne -anye "na? -See -a "kɛ bhɔ "zo "ne 'ɛ -ka -anye yle-, -a kɛ "ɛ 'popoweli "yitɛ -wɛ yɔko ylɛle? "Ɛ 'popoweli ne, Anyinɛnyɔ 'ci- -lɔ 'ɛnɛɛ -sɛ -ku. "Ne 'wa 'no- "ɛ 'popoweli ne "me -wɛ yi 'lelee -lɔ -anye bhulɛle- -se 'ɛ -noɔ 'diɛɛ yɛ.