Wlomɛnya 2:1 - Nouveau Testament bété de Gagnoa

¹ -Eyi -mɔɔ 'bhlele -elua gbo -wɛ, -ɛ "kɛ -eyi gbo -sɛ -wɛ "ne -le, -see -e yi ko -ce, -e 'bhlele -elua gbo, "ne -e no -me 'wanɛɛ sɛ! Zaa, gbo -ye -e bhle -wɛ, -eyi 'nabhɛ -ye -e 'gbli -lɔ gbo 'wlime.

Wlomɛnya 2:1 Iomraidhean Croise

Luke 12:14

"Ne Zezu yu lɔ bhulɛle- nɛɛ: «-Ɔ -sɛ bhɔ lɔbhɔ -ame -se 'e "kɛ 'anyɛ gbobhlenyɔ "zo, -se 'e "kɛ -li dli- 'a?»

Luke 19:22

"Ne "ɛ -klɔgbɔnyɔ yu -lɔ bhulɛle- nɛɛ: -Neɛ' bhulɛweli kɔ 'ye 'e "kɛ -kɛ -lɔ -eyi 'gbobhlele-, libhɔnonyɔ -gbeyi -lɛ. -E -yi sɛ gbɔ 'nyɔkpɔ 'na -ɔ -gbɔtɔ 'ye 'e -noɔ, "ne 'e libhi -ye 'e "ne 'bhe- -wɛ "ku, "ne 'e 'dile -dee 'e "ne -glole -wɛ.

Luke 6:37

'A te 'alua gbobhlele- -se Lagɔ te -kɛ 'anye gbobhlele- -me zɛ. 'A te kɛ 'alua gbo 'wlime "gbli, -se Lagɔ te kɛ 'anye gbo 'wlime "gli me. 'A 'tale- kɛle 'yi -se Lagɔ "kɛ 'anye nɛ 'yitale- -me.

Wlomɛnya 14:22

-Bɛɛ' 'na 'ye -e -kɛ 'dleku Lagɔ 'yliku -wɛ, 'nyegbe "ku. -E 'cɛ 'dleku -kɛ -gbɔ -ye -e -no -wɛ 'ɛ "ne 'tetelia -neɛ' 'dle "me ne, 'ŋwɛnɛ 'lɔbhɔ -eyi.

Wlomɛnya 2:2

'Diɛɛ, -a -yi -sɛ, -see Lagɔ 'bhlele gbo gbɛklɛklɛ -wa "zo "ɛ -soɔ -wɛ za.

Wlomɛnya 2:3

-Eyi, -e 'bhlele -wa no "ɛ -soɔ 'na -li -wɛ 'wɔ gbo, "ne -e no -me -kɛ 'wanɛɛ sɛ! -Neɛ' dɛku, Lagɔ 'na gbobhleleɛ yi bhɔ -eyi yɔko "me 'ple bha?

Wlomɛnya 3:9

-Mɔ, -se 'a "kɛ -da lɛ? -Anye, zufonya, -anye zi bhɔ -wawɛ 'wɔ "ku 'a? 'Ɛ "ne sɔbhɔ yɛ! 'E -tua nɛ -bɛɛ' -bholo 'anye 'ylime: Zufonya ko, -wa "ne zufonya 'waa -wɛ ko, 'wayi 'klekle 'nyinyonoli 'na 'wawe 'gbhlua- -lɔ 'wlime.

Wlomɛnya 9:20

-Mɔ, -eyi -ye -e -noɔ bhɔ -se Lagɔ "bhaa 'a "kɛ 'kpɛle- 'a? -Bɛɛ' 'na -ye 'wa -no -wɛ, yi bhɔ -ɔ -no -wɛ lo 'yɔbhɔ -gbɔ sɔɔbɛɛza -e -no -ame soɔ 'a?

1 Kolɛtenya 4:5

Anyinɛnyɔ -namlɛ yi, zaa 'a te -mlɛ 'se 'nyɔkpɔ 'gbobhlele. -Mɔ, 'ɔ kɛ -yi ne, 'ɔɔ "kɛ -lɔ -ɛ zizɔ- titiɛ "me -wɛ "ku 'lea-, "ne 'ɔɔ "kɛ -lɔ 'dlepɔsɛ zle "ku 'lea-, lɔbhɔ 'na dɛku, Lagɔ yi -ɔkɔkokɔko 'ŋlu 'kwa- -se 'ɔ 'yɔbhɔ -wɛ.

1 Kolɛtenya 7:16

-Eyi -mɔɔ -noɔ 'klecɛŋɔnɔ yɔ -wɛ, -e "ne bhɔ 'sɛ -yi -gbɔ -e yi -e "luwli 'fuɔ? "Ne -eyi -mɔɔ -noɔ 'klecɛnyɔ yɔ -wɛ, -e "ne bhɔ 'sɛ -yi -gbɔ -e yi -e "nɔŋɔ 'fuɔ?

Zake 2:20

-Ɔ "ne "nɛ- lɛ, -e 'yɔbhɔ bhɔ -gbɔ 'wa tua -eyi -see 'dlekukɛleɛ -ɛ "ne nonoli glɛgle- "ne -bɛɛ' "me -ko 'a?

Zake 4:11

-Nyɔsɔwanye, 'a te 'alua 'na "ku 'na weli -nyɛnye bhulɛ-! -Eyi -mɔɔ bhulɛ -eluyu 'na "ku 'na weli -nyɛnye, "ne -e 'bhlelo gbo -wɛ, -Lɔ 'na "ku 'na weli -nyɛnye 'ye -e bhulɛ -lɔ, "ne -e bhlele me 'lelee -lɔ "ɛ -Lɔ -wɛ gbo. -Eyi -mɔɔ 'bhlele Lagɔ 'na -Lɔ gbo -wɛ, "ɛ -Lɔ -wɛ 'ye -e "ne "zo -lɔ 'plome, 'ɛnɛɛ gbobhlenyɔ 'ye -e noɔ- -lɔ.