Wlomɛnya 1:3 - Nouveau Testament bété de Gagnoa

³ 'Ɛ bhulɛ 'ɔ Yowli 'na weli, 'nyɔkpɔ sɛku, 'ɔ 'to 'ɔ 'to Davide 'na -gligbɛ "ku 'wa 'gwɛlelo -lɔ.

Wlomɛnya 1:3 Iomraidhean Croise

Matie 1:1

Zezu Kli 'na 'gwɛlenya 'na "kukoweli ne lɛ: Zezu Kli, Davide 'na yu 'na yu yɔ -lɔ "ne Davide, Ablame 'na yu 'na yu yɔ -lɔ.

Matie 1:16

"Ne Zakɔbo yi -lɔ Mali "luwli Zozɛfo gwɛle-, "ne Mali yi -lɔ Zezu -ye 'wa la Klise -wɛ gwɛle-.

Matie 1:6

"Ne Jese yi -lɔ -klɔgbɔnyɔ Davide gwɛle-. "Ne Davide yi -lɔ Salomɔ gwɛle-, Uli "nɔŋɔ "me.

Matie 12:23

-Wa -ko lɔbhɔ 'klekle -wɛ geji 'bhoa- "ku "ne 'wa no -lɔ nɛɛ: «-Ɔne "ne bhɔ Davide yowli yɔ?»

Matie 15:22

Cuu ne, Kana 'na 'ŋɔnɔ -ɔ 'glile "ɛ -glɔ -wɛ "me -wɛ -yi -lɔ Zezu 'sibhɔle- -ka, "ne 'ɔ 'kpa nɛ -lɔ "me nɛɛ: "Bhenyɔ, Davide Yowli, -yaya "pɔ 'na 'nyɛzedle! -Ame 'yɔŋɔ 'gbape, zuzu -nyɛnye liɔ 'yalɛ, "ne 'ɛ "ne me "bhle gou.

Matie 26:63

-Mɔ, Zezu -tli "ku. "Ne bɔbɔnyɔ "yitɔ yi -lɔ no- nɛɛ: «Anyinɛnyɔ Lagɔ, -ɔ -yɛ lɛ 'na 'tɔ "me 'ye 'e bhulɛle lɛ -eyi, plele- -anye weli kɔ! Klise, Lagɔ 'na Yu 'ye -e -noɔ bha?»

Matie 27:43

'Ɔ -kɛ Lagɔ 'dleku, zaa, Lagɔ yi -dɛme 'ɔ "kɔ -kɛ -wa -se 'ɔ "kɔ 'fuɔ, "naa- sɛne 'ye 'ɔ lɛ- -lɔ nɛɛ: «'Mɔɔ -noɔ -lɔ Lagɔ 'na yu yɔ!»

Matie 3:17

"Ne weli yi -lɔ "nɔgɔ "me 'bhale- nɛɛ: «-Ɔne 'neɛ -wawayu yɔ -lɔ, 'ɔyi 'ye 'e -sɛ -lɔ 'ŋwɛnɛsɛ "ku lɔbhɔ.»

Matie 9:27

-Sɔɔdɛku Zezu -ko nɛ me dɛku -wɛ, -kpelɔbhɔnya "sɔ -bhlu 'beku "ne 'wa 'kpa nɛ -lɔ "me nɛɛ: «Davide yowli, "pɔ -anyɛɛ 'nyɛzedle.»

Luke 1:35

"Ne "ɛ "nɔgɔzilɔ yi -lɔ Mali bhulɛle nɛɛ: «Zuzu Wlewle "kɛ -lɔ -eyi "ku 'kwlile-, "ne Lagɔ -ɔ zi "ku 'na 'bhɛloɛ "kɛ -lɔ -eyi "ku 'wale- sɛgbɛɛ zuzu: 'Ɛnɛɛ za, yu -ɔ "kɛ gwɛleɔ- -wɛ "kɛ 'ce -lɔ 'wlewle ko, "ne 'wa "kɔ 'ce -lɔ Lagɔ 'na Yu la.»

Luke 1:69

'Ɔ -gbɔ "ne 'wa gwɛle- 'anyɛɛ 'fuɔnyɔ, 'ɔnɛɛ "kulɔbhɔnya Davide 'na -gligbɛ "ku.

Zezu Kli 'na 'Denaade ‑ye Zaa kɛle‑ ne lɛ 1:14

"Ne "ɛ weli yi -lɔ 'nyɔkpɔ "me yili-, "ne 'ɔ -nyɔ "bhaa -a yi -lɔ "ku kole-, "ne -a yi -lɔ 'ɔnɛɛ 'ŋlu 'ylime 'ye. "Ɛ 'ŋlu -wɛ, To 'jo- -lɔ kɔ. Lagɔ Yowli -bholo -kpee, -ɔ yiɛ- -jɔlo "ku, "ne -ɔ bhulɛ gbɛklɛklɛ 'na 'ŋlu yɛ -lɔ.

Zezu Kli 'na 'Denaade ‑ye Zaa kɛle‑ ne lɛ 1:34

-Ɛwɛ 'klekle 'e 'ye- 'ylime, "ne 'e 'ye- 'ɛ dɛ; 'Ɛza 'e no -lɔ nɛɛ: 'Nyɔkpɔ ne, Lagɔ 'na Yu yɔ -lɔ 'diɛɛ.»

Zezu Kli 'na 'Denaade ‑ye Zaa kɛle‑ ne lɛ 1:49

Lɔbhɔ 'ye Natanayɛle -bhulɛlo -lɔ nɛɛ: «"Bhenyɔ, Lagɔ Yowli 'ye -e -noɔ -lɔ, "ne -e -noɔ 'lelee -lɔ Izlayɛle 'na -klɔgbɔnyɔ yɔ.»

Zezu Kli 'na 'Denaade ‑ye Zaa kɛle‑ ne lɛ 10:30

-Ame -nyɛ -ame To "bhaa, -bholo 'ye -a -yle -lɔ.»

Zezu Kli 'na 'Denaade ‑ye Zaa kɛle‑ ne lɛ 10:36

-Mɔ, -ame, -ame To -sɛ -lɔ lɔbhɔ -ame, "ne 'ɔ yi -lɔ -ame dodo ne "ku lebhele-, "ne 'e yi -lɔ no nɛɛ: Lagɔ 'na Yu 'ye 'e -noɔ. -Mɔ, 'anye, 'a nɛɛ Lagɔ 'ye 'e 'yili. Sɔɔbɛɛza bhɔ?

Zezu Kli 'na 'Denaade ‑ye Zaa kɛle‑ ne lɛ 20:28

"Ne Toma yu -lɔ bhulɛle- nɛɛ: «Anyinɛnyɔ 'na Lagɔ!»

Zezu Kli 'na 'Denaade ‑ye Zaa kɛle‑ ne lɛ 20:31

'Ɛnɛɛ -ɛ kɛleɔ- ne, 'a 'cɛ 'dleku kɛle- -gbɔ Zezu -noɔ -lɔ Lagɔ Yowli yɔ, "ne 'ɔɔ -noɔ -lɔ 'Fuɔnyɔ yɔ. Zaa, 'a 'cɛ 'dleku -kɛ, 'a yi 'ce zikpɛ 'na -ɛ -ka "kubhiɛ -wɛ yle, 'ɔnɛɛ -tɔ "me.

Zezu Kli 'na 'Denaade ‑ye Zaa kɛle‑ ne lɛ 5:25

-Ɛɛ, gbɛklɛklɛ 'ye 'e bhulɛle -lɔ 'anye: Lɔbhɔ yi -kɛ ylɛ, "ne lɔbhɔ -ylɛ "bhuɔ 'nabhɛ, -dee -glukonya "kɛ Lagɔ Yowli 'na weli 'no, "ne -wa 'cɛ 'no -wɛ yi 'ce "po.

Zezu Kli 'na 'Denaade ‑ye Zaa kɛle‑ ne lɛ 7:42

Lagɔbɔgo "ne bhɔ -no -gbɔ Davide 'na ŋeyi "me, Beteleɛme, "du bhueyi -mee Davide 'bhale -wɛ 'ye Klise "kɛ 'bhale- 'a?»

Nonoli 2:30

-Mɔ, Davide, "guɔkwɔmenyɔ yɔ 'awɔ -lɔ, "ne 'ɔ -yi 'awɔ sɛ -gbɔ Lagɔ -plolo 'awɔ weli kɔ nɛɛ: 'E yi 'ce -neɛ' yu 'na yu -neɛ' 'leyli- -gbɔglo "ku 'jilɛ.

Nonoli 3:13

Ablame 'na Lagɔ, Izake 'na Lagɔ, Zakɔbo 'na Lagɔ, 'a To 'wɔ 'na Lagɔ -kwa 'ɔnɛɛ "kulɔbhɔnyɔ Zezu 'ŋlu. "Ɛ Zezu -wɛ 'a -plo 'awɔ, 'a -sɛ 'awɔ 'ɔnɛɛ lo Pilate 'yliku. "Ne Pilate 'yɔbhɔ nɛ -se 'ɔ "kɔ nɛ 'yi 'tale.

Nonoli 8:36

'Wa -le 'awɔ me dɛku, "ne 'wa yi -lɔ bɔɔ yɔko ylɛ, "ne "ɛ Etiopiɛyu ne yi -lɔ no nɛɛ: «'Ŋu ne lɛ; 'Ye -e -wo bhɔ -se -e "kɛ -ame batɛme "nyɛ cuu.» [

Nonoli 9:20

"Ɛ doɔ cuu ne, 'ɔ 'ci- Lagɔweli 'na -sloa -ku, "mebhubhɔlebhudu "me. -Sɛne 'ye 'ɔ no 'awɔ -lɔ nɛɛ: Zezu -noɔ -lɔ Lagɔ Yowli yɔ.

Wlomɛnya 1:9

-Sɔɔdɛku, 'e -sɛ Lagɔ Yowli 'na 'Denaade -wɛ, 'e lɔbhɔ Lagɔ "ku 'neɛ 'dle 'klekle zɔ. "Ne 'ɔyi, 'ɔ -yi sɛ nɛɛ gbɛklɛklɛ -ye 'e bhulɛ -lɔ nɛɛ: 'E kɛ bhubhɔ ne, 'e 'sɔbhɔle 'ce 'anyɛɛ 'tɔ 'yiɛ,

Wlomɛnya 4:1

-Dɛmeda, -se -a "kɛ bhɔ -a 'to 'wa 'to Ablame za lɛ 'a? -Ye 'ɔ -yle bhɔ 'ɔyigɛsɛ za?

Wlomɛnya 9:3

'Diɛɛ, 'e 'yɔbhɔ nɛ -gbɔ Lagɔ "pɔ nɛ -ame 'kwlɛ "me, -se Klise "bhaa -a yliylile- nɛ guɔ, -ame "nowlia "ne -ame "nɔyoa zufonya 'na 'ylime, 'wayi 'wɔ "bhaa dɛ -bhele -a 'bhale -lɔ.

Wlomɛnya 9:5

'wa 'to 'wa 'to 'wɔ 'ŋlumenya "yitia 'waa -lɔ. 'Wanɛɛ -gligbɛ "ku 'wa -gwɛlele -lɔ Klise 'nyɔkpɔ sɛku, 'ɔyi, -ɔ -noɔ Lagɔ yɔ "ne -ɔ zi "ku 'klekle. 'Ɔ me 'ŋlu -godogodo! Amɛn.

1 Kolɛtenya 1:9

Lagɔ -ɔ la- 'anye -gbɔ 'ɔ Yowli, Anyinɛnyɔ Zezu Kli "bhaa 'a "kɛ "ku kole -wɛ, 'ɔ "ne 'bhelia- weli kɔ.

1 Kolɛtenya 10:18

'A 'wolo- 'se izlayɛleyua "ku. -Wa -li bɔbɔledɛ "me 'na nɛmɛ -ye 'wa -bɔbɔle -wɛ, 'wa -nyɛ Lagɔ "bhaa 'wa -kole "ku.

Galatenya 4:4

-Sɔɔdɛku, "tɛnye -ylɛ lɛ ne, Lagɔ -lebhe 'ɔ Yowli. 'Ŋɔnɔ -gwɛlo -lɔ "ne 'ɔ "zo me nɛ Moyize 'na -Lɔ 'plome.

1 Tesalonikenya 1:10

-se 'a "kɛ wo-, -se 'ɔ yowli "kɛ "nɔgɔ "me 'bhale-. "Ɛ yu -wɛ, Zezu -ye Lagɔ -sɛ -glukonya 'glɛme, "ne -ɔ "kɛ -anye Lagɔ 'na gbobhleleɛ, -ɛ "ne dɛtlo -wɛ 'wlime -sɛ yɔ -lɔ.

1 Timote 2:5

"Naa-, Lagɔ -yle bholo -kpee, "ne -ɔ gbɔ 'nyakpa 'na dɛ Lagɔ yɔko -yle me 'lelee bholo, 'ɔ pa- -lɔ Zezu Kli, -ɔ yli 'nyɔkpɔ "me,

1 Timote 3:16

-Ɛɛ, -diɛɛ yɛ -lɔ. Lagɔ 'na -diɛweli -ɛ zizɔ- 'Denaade "me "ne -a yibhlele- 'dlekukɛleɛ "me -wɛ 'kpɔ kpɛnyee. Klise tua- -anye 'ɔyi 'ylime 'nyɔkpɔ sɛ; 'Ɔ ŋwinɛle- "me, Zuzu Wlewle 'ŋunu -me "ku, "nɔgɔzilia 'yo- 'ylime, "Ne 'wa -tuɔ -glɔ 'klekle 'ylime, 'Wa -kɛlo 'dleku dodo ne "ku, "Ne "nɔgɔ "me, 'ɔ -me 'ŋlu.

2 Timote 2:8

-Neɛ' 'dle sibhɔ Zezu Kli "ku: 'Ɔ 'wlo- gluzɔ. -Klɔgbɔnyɔ Davide 'na -gligbɛ "ku 'wa -gwɛlelo -lɔ. 'Ɛ -noɔ -lɔ 'Denaade -ye 'e sɛ ne yɛ.

1 Zaa 1:3

"Ɛ zikpɛ ne, -a 'ye- 'ylime, "ne -a 'no- -me 'ɛ 'de. -A 'sɛle me 'lelee 'anye 'ɛnɛɛ 'de. Sɔbhɔ "ku, 'anye 'wɔ "bhaa, -a "kɛ "ku 'kole-. 'Gɔme, -anye "ne To "ne 'ɔnɛɛ yu Zezu Kli "bhaa -a yi "ku 'kole-.

1 Zaa 3:23

-Ye Lagɔ 'yɔbhɔ -gbɔ -a no ne lɛ: -A kɛle- 'ɔ Yowli, Zezu Kli 'na 'tɔ "me 'dleku, -se -a wawale- -see Klise 'yɛbhɛle -anye -wɛ.

1 Zaa 3:8

'Nyɔkpɔ kɛ 'nyinyonoli no, Sata -nɔ yɔ -lɔ, "naa-, "kucidɛku, Sata, 'nyinyonolinonyɔ yɔ -lɔ. -Ɛwɛza, Lagɔ Yowli -yi -lɔ -se 'ɔ "kɛ Sata 'na nonoli "ku 'bhia.

1 Zaa 4:15

'Nyɔkpɔ kɛ -no -gbɔ: «Zezu, Lagɔ 'na 'Yu yɔ» Lagɔ -ko "me, "ne 'ɔyi, 'ɔ -ko Lagɔ "me.

1 Zaa 5:1

-Wa -kɛ 'dleku -gbɔ Zezu -noɔ Klise yɔ -wɛ, Lagɔ 'na yua 'waa -lɔ. "Ne -wa -wa To Lagɔ -wɛ 'wa -wa -me 'lelee 'ɔnɛɛ yua.

1 Zaa 5:20

-A -yi sɛ, Lagɔ 'na 'Yu -yi. 'Ɔ 'nyɛ -anye 'nɛnoɛ -se -a kɛ -diɛnadiɛ 'na Lagɔ yibhlele-, "ne "ɛ -diɛnadiɛ 'na Lagɔ -wɛ "bhaa -a -kole "ku 'ɔ Yowli Zezu Kli "me. 'Ɔyi, 'ɔ -noɔ -lɔ -diɛnadiɛ 'na Lagɔ yɔ, "ne 'ɔ -noɔ 'lelee -lɔ zikpɛ -ɛ -ka "kubhiɛ -wɛ yɔ.

1 Zaa 5:5

-Ɔ -lu bhɔ zikpɛ 'a? 'Ɛ "mɔ 'ɔ -kɛ 'dleku -gbɔ Zezu -noɔ Lagɔ 'na 'Yu yɔ -wɛ yɔ.

2 Zaa 1:7

Yowlɛnya 'na 'kwleyia -ŋwɛne -glɔ 'klekle "ku. 'Wa "ne yibhlele- -gbɔ Zezu Kli -yili -diɛnadiɛ 'nyɔkpɔ "me. "Ɛ 'nyakpa -wɛ, yowlɛnya "ne Klise 'na -gblenya 'waa -lɔ.

'Ylikloylɛleweli 2:18

"Kɛle "nɔgɔzilɔ -ɔ -ko Tiatiledu "me 'na Lagɔgligbɛ "me -wɛ "ku nɛɛ: Sɛne Lagɔ Yowli -nyɔ 'na 'yli sɛ 'dɛle sɛgbɛɛ -kosu, "ne 'ɔnɛɛ bho -le sɛgbɛɛ 'leyi 'wa 'titli- lɛ -lɔ.