Wlomɛnya 1:1 - Nouveau Testament bété de Gagnoa

¹ -Ame, Pɔle, Zezu Kli 'na "kulɔbhɔnyɔ, 'e 'kɛle 'anye "ku, Lagɔ la- -lɔ -ame -se 'e "kɛ Zezu 'na "kɔlepɔnyɔ "zo, "ne 'ɔ "zo- -ame 'neɛ -tiaa 'dɛ, -se 'e "kɛ 'Denaade -sɛ.

Wlomɛnya 1:1 Iomraidhean Croise

Malke 1:14

'Wa "kɛ Zaa Batise -jiɛ "me "pɔ "bhuɔ ne, Zezu -sɔ "ku "ne 'ɔ yi -lɔ Lagɔ 'na 'Denaade Galile -sɛle -ka me.

Zezu Kli 'na 'Denaade ‑ye Zaa kɛle‑ ne lɛ 12:26

'Nyɔkpɔ 'na -ɔ kɛ no -gbɔ 'ɔ yi -ame "ku lɔbhɔ- ne, 'ɔ gɛlele- -ame. "Naa-, -dee 'e -ko -wɛ, lɔbhɔ 'ye 'neɛ "kulɔbhɔnyɔ "kɛ -lɔ ko -me. "Ne, -ɔ lɔbhɔ -ame "ku -wɛ, -ame To -kɔ 'ce "ku dlu.

Zezu Kli 'na 'Denaade ‑ye Zaa kɛle‑ ne lɛ 15:15

'E -ka -da 'anye "kulɔbhɔnya la. "Naa-, "kulɔbhɔnyɔ "ne -ye 'ɔnɛɛ "bhenyɔ no -wɛ -yi zɛ. 'Neɛ 'titoa 'ye 'e la -lɔ 'anye, "naa-, 'e -sloa 'anye -li 'klekle -ye -ame To -sloa -ame -wɛ zɛ.

Zezu Kli 'na 'Denaade ‑ye Zaa kɛle‑ ne lɛ 15:20

'A 'luɔle- weli -ye 'e -bhulɛle 'awɔ 'anye -wɛ "ku: "Kulɔbhɔnyɔ "ne 'ɔnɛɛ "bhenyɔ "ku -zi. -Ame, 'wa -kɛ -ame 'gbapea- ne, 'wa yi 'lelee 'anye 'gbapea -me. 'Wa kɛ 'neɛ bhulɛweli 'plome "zo- ne, 'wa yi 'anye -nɛ 'plome "zo me.

Nonoli 13:9

"Ne Sɔle -ye 'wa la -me 'lelee Pɔle -wɛ, Zuzu Wlewle -ko "me, zaa, 'ɔ -wolo "ɛ 'nyɔkpɔ -wɛ 'wewe,

Nonoli 20:24

-Mɔ -ame, 'neɛ zikpɛ ne, 'ɛ "ne -bɛɛ' "me -ko. -Mɔ 'ɛnɛɛ -ye 'e 'yɔbhɔ lɛ 'tiaa, 'ɛ -leɛ 'e no Anyinɛnyɔ Zezu 'na libhɔ 'ye 'ɔ 'je- -ame kɔ -wɛ -se 'e -sɛ 'wli, zaa Anyinɛnyɔ Zezu 'na libhɔ -ye 'ɔ 'no -gbɔ 'e no -wɛ, 'ɛyi 'ye 'e no -lɔ, -ɛɛ -noɔ -lɔ -gbɔ To Lagɔ 'na 'Denaade, "ne 'ɔnɛɛ 'ŋwanade -wɛ 'e -sɛle -glonya.

Nonoli 21:40

"Ne 'ɔ yi -lɔ no -gbɔ bhulɛ. Pɔle "nyegbele 'ya, "ne 'ɔ yi -lɔ sɔ 'nu "ɛ 'nyakpa -wɛ 'yliku 'wɔkɔle-, "ne 'wa yi -lɔ "ku 'tli 'bleŋuu, "ne 'ɔ yua -lɔ Eble -gbo "me bhulɛle-.

Nonoli 22:21

"Ne Anyinɛnyɔ yi -lɔ -ame bhulɛle nɛɛ: Me 'yuku -wa "ne "zo Lagɔ -wɛ 'na mɛce 'ye 'e 'lebhele -lɔ -eyi.»

Nonoli 22:7

"Ne yi -lɔ dodo "ku zɔ bhli "ne 'e yi -lɔ weli "me 'no, 'ɛ nɛɛ: Sɔle, Sɔle sɔɔbɛɛza -e 'gbapea bhɔ -ame 'a?

Nonoli 26:1

"Ne Aglipa yi -lɔ 'ɛ Pɔle bhulɛle nɛɛ: «-E 'bhɛle -e "kɛ -eyi gbo -sɛ 'a?» Lɔbhɔ 'ye Pɔle -glo -lɔ sɔ "me "ne 'ɔ yi -lɔ bhulɛ.

Nonoli 26:14

"Ne -a yi -lɔ zɔ -bhli 'klekle, "ne 'e yi -lɔ weli "me 'no. 'Ɛ 'gbɔ zufonya 'na Eble -gbo, 'ɛ nɛɛ: «Sɔle, Sɔle sɔɔbɛɛza 'e 'gbapea bhɔ -ame -soɔ 'a? "Ne -e 'tɛ- 'yukwli "me sɛgbɛɛ -bhili 'ye 'ɔnɛɛ gɛlenyɔ 'sɛpɔ 'ɔnɛɛ -kple nu. -Eyi 'ye -e 'kpla -lɔ!»

Nonoli 27:23

-Sabo ne "me, Lagɔ -ye 'e lɔbhɔ "ku, "ne -ɔ "bhe -ame -wɛ 'na "nɔgɔzilɔ 'sibhɔ- -ame yliku.

Nonoli 9:15

"Ne Anyinɛnyɔ yi -lɔ Ananiase bhulɛle- nɛɛ: «Me, yle "bhle "ɛ 'nyɔkpɔ -wɛ, "naa- 'mɔɔ -sɔ -lɔ lɔbhɔ -dudu, -se 'ɔ "kɛ 'na 'tɔ -glɔ -ɛ "ne -ame -yi -wɛ "ne "bhle 'na -klɔgbɔnya -nyɛ Izlayɛleyua" "bhaa sloa-.

Wlomɛnya 1:16

'E kɛ 'Denaade sɛ, -zu "ne lɔbhɔ -ame. 'Ɛɛ -noɔ -lɔ Lagɔ 'na 'bhɛloɛ -ɛ "kɛ -wa -kɛ 'dleku 'klekle fuɔ -wɛ yɛ, zufonya "bhuɔ, "ne -wa "ne zufonya 'waa -wɛ -ko -da -lɔ lɔbhɔ.

Wlomɛnya 1:5

'Ɔyi "me, 'e -yle Zezu 'na "kɔlepɔnyɔ 'na "zo "zo -jɔlo. 'E "kɛ -gbɔ -se -glɔ 'klekle "ku 'na 'nyakpa -wa "ne zufonya 'waa -wɛ "kɔ 'dleku 'kɛle, -se 'wa "kɔ 'plome "zo.

Wlomɛnya 1:9

-Sɔɔdɛku, 'e -sɛ Lagɔ Yowli 'na 'Denaade -wɛ, 'e lɔbhɔ Lagɔ "ku 'neɛ 'dle 'klekle zɔ. "Ne 'ɔyi, 'ɔ -yi sɛ nɛɛ gbɛklɛklɛ -ye 'e bhulɛ -lɔ nɛɛ: 'E kɛ bhubhɔ ne, 'e 'sɔbhɔle 'ce 'anyɛɛ 'tɔ 'yiɛ,

Wlomɛnya 11:13

-Dɛmeda, 'anye "ne zufonya 'waa -wɛ, 'anye 'ye 'e bhulɛle -lɔ. -Wa "ne zufonya 'waa -wɛ 'na Zezu 'na "kɔlepɔnyɔ 'ye 'e -noɔ -lɔ. "Ɛ libhɔ -ye 'e no ne, -ame 'ye 'ɛ 'kwa -lɔ 'ŋlu.

Wlomɛnya 15:16

'ɔ "zoa- -ame Anyinɛnyɔ Zezu Kli 'na "kulɔbhɔnyɔ, -wa "ne zufonya 'waa -wɛ za. 'Ɔ "zo- -ame 'neɛ 'dɛ, -se 'e "kɛ 'Denaade -glɔnya -sɛle. -Se -wa "ne zufonya 'waa -wɛ "kɛ bɔbɔli -ɛ "nɛne Lagɔ -gɛ -wɛ "zo, "ne Zuzu Wlewle gbɔ -lɔ "ne "ɛ bɔbɔli -wɛ "namale -lɔ Lagɔ -gɛ.

Wlomɛnya 15:29

"Ne 'e -yi -sɛ -gbɔ -zle 'e "kɛ 'anyɛɛ moɔ -yi, 'e -su Klise 'na 'ŋupɛɛ 'klekle.

Wlomɛnya 16:18

"Naa-, "ɛ soɔ 'na 'nyakpa -wɛ, 'wa "ne lɔbhɔ Anyinɛnyɔ Klise "ku, 'wanɛɛ 'mene 'na libhɔ 'ye 'wa no -lɔ! 'Wanɛɛ 'ŋu -jibhiweli "ne 'wanɛɛ bhulɛweli "namanɔ -wɛ 'wɔ 'wa nole -lɔ 'nyakpa -wa -ko foo -wɛ "me ylo.

Wlomɛnya 16:25

Lagɔ me 'ŋlu! 'Ɔ -kɛ 'bhɛloɛ -se 'ɔ "kɛ 'anye "me "tamalea- 'Denaade -ye 'e 'sɛle 'anye Zezu Kli za -wɛ "me. "Ɛ 'Denaade ne "me, Lagɔ 'sloa 'ɔnɛɛ diɛweli -ɛ zizɔ- nɛ "ku -godogodo -wɛ 'dɛ.

1 Kolɛtenya 1:1

-Ame, Pɔle, -ɔ "zo- Zezu Kli 'na "kɔlepɔnyɔ -see Lagɔ 'yɛbhɛ -wɛ, 'e -nyɛ -a "nɔwli Sɔsetɛne "bhaa,

1 Kolɛtenya 9:1

-Ame 'lelee, 'e "ne bhɔ 'bhɛle- -se 'e "kɛ -ye 'e 'yɔbhɔ -wɛ no? 'E "ne bhɔ Zezu 'na "kɔlepɔnyɔ yɔ? 'E "ne bhɔ Anyinɛnyɔ Zezu 'ylime 'ye-? Lagɔlibhɔ -ye 'e -no -wɛ, 'anye "ne bhɔ "ɛ libhɔ 'ye 'e -no -wɛ 'waa?

2 Kolɛtenya 1:1

-Ame Pɔle, Zezu Kli 'na "kɔlepɔnyɔ 'ye 'e -noɔ -lɔ, sɛko -wɛ, Lagɔ 'ŋunu- -lɔ "ku zɛ. 'Ɛza, 'e -nyɛ -a "nɔwli Timote "bhaa -a kɛle -lɔ Lagɔgligbɛ -ɛ -ko Kolɛte -du "me -wɛ "ku. 'E kɛle -me 'lelee -wa -noɔ Lagɔ -noa 'waa 'klekle "ne -wa -ko Akayi -du "me -wɛ "ku.

2 Kolɛtenya 11:5

-Mɔ, -ame, 'e -yi "neɛmɔ 'sɛ -gbɔ -ye 'a la 'anyɛɛ "kɔlepɔnya "yitia -wɛ 'wɔ, 'wa "ne -ame -bɛɛ' "me "ku -zile.

2 Kolɛtenya 11:7

-Sɔɔdɛku 'e -sɛle 'anye Lagɔ 'na 'Denaade -wɛ, 'e -kwlilea -ayi "ku "ne 'e yi -lɔ 'anye 'kpamalea-, "naa-, 'ɛ 'Denaade -wɛ "fu 'ye 'e -sɛle -lɔ 'anye. 'Ɛyi -wɛ "nyɛnye yɛ bha?

2 Kolɛtenya 12:11

"Kukwɛnyɔ 'nasɛ 'ye 'e bhulɛ- nɛ -lɔ, 'anye, 'ayigɛsɛ, 'anye gbɔ -lɔ "ne 'e bhulɛ- sɔbhɔ, "naa-, 'anye "kɛ -lɔ -neɛ' weli 'na "namanɔ bhulɛ, 'e "mɔ 'se -bɛɛ' me -ko -ce. -Wa la 'wayi Zezu Kli 'na "kɔlepɔnya "yitia -wɛ, 'wa "ne -ame -bɛɛ' "me "ku -zile.

2 Kolɛtenya 2:12

'E -ylɛ Tloase -se 'e "kɛ -glɔnya Klise 'na 'Denaade -sɛle. "Naa-, Anyinɛnyɔ -kɛle nɛ 'gwe "kle -se 'e "kɛ lɔbhɔ libhɔ no.

2 Kolɛtenya 4:5

'Bhɔ, 'de -ye -a sɛ -wɛ, -ayigɛsɛ 'na 'de 'ye -a -na -sɛ, -mɔ, Zezu Kli -ɔ -noɔ Anyinɛnyɔ yɔ -wɛ 'na 'de 'ye -a sɛ -lɔ. "Ne -anye, -a no -lɔ -gbɔ 'anyɛɛ "kulɔbhɔnya 'ye -a -noɔ -lɔ Zezu 'na 'tɔ "me.

Galatenya 1:1

-Ame, Zezu 'na "kɔlepɔnyɔ Pɔle -nyɛ "nowlia 'wɔ 'klekle -wa -noɔ 'klecɛnya 'waa "ne -a -kole "ku ne "bhaa, 'e 'kɛle lɛ Galasi -glɔ "me 'na Lagɔgbigbɛ "ku. 'Nyɔkpɔ "ne -ame Zezu 'na "kɔlepɔnyɔ "zoa-. "Ne 'nyɔkpɔ "me 'wa "ne -ylɛle "ne 'e "kɔ "zo-, -mɔ, Zezu Kli "ne To Lagɔ -ɔ -sɔ glu -wɛ "me 'ye 'e "zole- -lɔ Zezu 'na "kɔlepɔnyɔ.

Efɛzenya 1:1

-Ame, Pɔle, Zezu Kli 'na "kɔlepɔnyɔ 'ye 'e -noɔ -lɔ, sɛko -wɛ, Lagɔ 'yɛbhɛ -lɔ zɛ. 'Wlewlea "ne -wa tɛle- Zezu Kli 'dle Efɛze -wɛ 'ye 'e 'kɛle lɛ "ku.

Efɛzenya 1:13

Klise "me, 'anye 'lelee, 'a no- -diɛnadiɛ 'na bhulɛweli "me, 'Denaade -ɛ 'fuɔ 'anye -wɛ. 'Ɛ 'ple- lɛ "bhuɔ ne, 'a 'kɛle- Klise 'dleku, "ne Lagɔ yi -lɔ 'anye 'be "klo "zo. 'Ɛ 'be -wɛ, Zuzu Wlewle -ye 'ɔ 'no -gbɔ 'ɔ yi yi -wɛ yɔ -lɔ.

Efɛzenya 4:11

-Ye Klise -nyɛ -wɛ ne lɛ: -Bedia "zo- "kɔlepɔnya, "guɔkwɔmenya, "ne 'Denaade 'na -sɛnya. 'Dlekukɛlenya 'na 'yukugɛlenya, "ne Lagɔweli 'na -sloanya.

Filiponya 1:1

-Ame, Pɔle -nyɛ Timote "bhaa, Zezu Kli 'na "kulɔbhɔnya 'ye -a -noɔ -lɔ. Lagɔ 'na yua 'klekle -wa -ko Filipo -du "me -wɛ, 'wa -nyɛ "ɛ Lagɔgligbɛ 'na 'yukugɛlenya -nyɛ 'wanɛɛ 'kwɛlekwɛlenya -wɛ 'wɔ "bhaa 'wayi 'ye -a kɛle lɛ "ku.

Filiponya 2:11

-Se 'nyakpa 'klekle "kɛ 'ce no nɛɛ: Zezu Kli -noɔ -lɔ Anyinɛnyɔ yɔ, -se -a To Lagɔ 'na 'tɔ "kɛ 'ŋlu me.

Kolɔsenya 1:1

-Ame Pɔle, Zezu Kli 'na "kɔlepɔnyɔ 'ye 'e -noɔ -lɔ, sɛko -wɛ, Lagɔ 'yɛbhɛ -lɔ zɛ. -A "nɔwli Timote "bhaa, 'e kɛle lɛ

Kolɔsenya 1:25

'E "zo- Lagɔgligbɛ 'na "kulɔbhɔnyɔ, -se 'e "kɛ libhɔ -ye Lagɔ no -gbɔ 'e no -wɛ no: 'E "kɛ 'anye Lagɔweli 'klekle -sɛle.

1 Tesalonikenya 2:2

"Naa-, 'a -yi sɛ -see -a 'gbape-, "ne -see 'wa -yli -anye Filipodu "me, -mɔ, Lagɔ nyɛ- -anye 'kwɛmetamaleɛ "ne -a yi -lɔ 'anye 'ɔnɛɛ 'Denaade -sɛle 'gbapegbapeɛ "me.

1 Tesalonikenya 2:8

-See -a 'nɛne 'anyɛɛ za 'dleku -wɛ za, -a -yele nɛ kɔ 'ɛ "ne nɛ -kɛ 'Denaade 'ɛyikɔ za yɛ, -mɔ, -a yi nɛ 'lelee -anyɛɛ zikpɛ 'anye kɔ 'je me. 'Anyɛɛ 'ŋwɛnɛ -ye -a -kɛ "me -wɛ 'kpɔmale- kpɛnyee!

1 Tesalonikenya 2:9

Zaa, 'a "pɔ libhɔ -ye -a -no "ne -a 'kplɛ- -wɛ "ku 'dle. "Nowlia 'wanye, -a -no libhɔ 'ylokwɛ "ne 'sabo, "ne -a "ne 'ce 'anyɛɛ 'glɛme 'na -bholo 'kpla-, soɔ 'ye -a -sɛle -lɔ 'anye Lagɔ 'na 'Denaade.

1 Timote 1:1

-Ame, Pɔle, Zezu Kli 'na "kɔlepɔnyɔ 'ye 'e -noɔ -lɔ, sɛko -wɛ, Lagɔ, -ɔ -noɔ -anyɛɛ "fuɔnyɔ yɔ, "ne Klise Zezu -ye -a "tɛle 'dle -wɛ -no -lɔ -gbɔ 'e "zo.

1 Timote 2:7

"Ne Lagɔ yi -lɔ -ame "guɔkwɔmenyɔ "ne Zezu 'na "kɔlepɔnyɔ "zoa- -gbɔ 'e me -se 'e 'cia 'nyakpa -na -wa "ne Zufonya -waa -wɛ, 'dlekukɛlesɛ -nyɛ gbɛklɛklɛ "bhaa, gbɛklɛklɛ 'ye 'e bhulɛ -lɔ. 'E -na yowlɛ.

2 Timote 1:11

Lagɔ "zoa- -ame Zezu 'na "kɔlepɔnyɔ, -se 'e "kɛ 'Denaade -glɔnya -sɛle, -se 'e "koa sloa.

Tite 1:1

-Ame Pɔle, Lagɔ 'na "kulɔbhɔnyɔ "ne Zezu Kli 'na "kɔlepɔnyɔ 'ye 'e -noɔ -lɔ. 'Ɔ -sɛ -lɔ -ame lɔbhɔ -se 'e "kɛ Lagɔ 'na 'nyakpa -ye 'ɔ -tɔ -wɛ 'dlekukɛleɛ kɔme- -se 'wa "kɛ gbɛklɛklɛ yibhlele-, -se 'wa "kɛ Lagɔ 'dle 'tɛle.

Eblenya 5:4

'Nyɔkpɔ -na 'ɔyi bɔbɔnyɔ "yitɔ la. Lagɔ la -lɔ, -se 'ɔ la- Aalɔ -wɛ.

Eblenya 7:26

Zezu -noɔ -lɔ bɔbɔnyɔ "yitɔ 'na 'ɔ "kɛ nɛ -anye 'yliku -ko -wɛ yɔ. 'Ɔ -ko 'wlewle, 'ɔ "ne gbo 'wlime -kɛ, "ne 'ɔ "ne 'nyinyonoli 'wlime -kɛ, 'ɔ -ylile 'nyinyonolinonya "guɔ, "ne Lagɔ yu -lɔ "nɔgɔ "ku jilɛ-.

Zake 1:1

-Ame Zake, 'mɔɔ -noɔ Lagɔ "ne Anyinɛnyɔ Zezu Kli 'na "kulɔbhɔnyɔ yɔ -wɛ, 'e bhɛle Lagɔ 'na -gligbɛnya -wa -ŋwɛne dodo -kpɛtɛ ne "ku 'klekle -wɛ.

1 Piɛle 4:17

'Diɛɛ, -gbobhleɛ 'na "ku 'cile -dɛme yɛ -lɔ, "ne Lagɔ 'na -gligbɛnya 'ye 'ɛ 'cile -lɔ "ku. 'Ɔ kɛ -anye "ku 'cile ne, -wa -sɛ 'Denaade 'na 'dleku -kɛle -lo -wɛ -see 'wanɛɛ "kɛ bhɔ 'wlizɔ bhiɛle 'a?

2 Piɛle 1:1

-Ame, Simɔ Piɛle, Zezu Kli 'na "kulɔbhɔnyɔ "ne 'ɔnɛɛ "kɔlepɔnyɔ, 'e kɛle -wa -yle -me 'dlekukɛleɛ -ɛ 'tɛ- 'kpɛ "ku sɛgbɛɛ -anye nɛ ne, Zezu Kli, -anyɛɛ Lagɔ "ne -anyɛɛ Fuɔnyɔ 'na 'dlewɔtɛ "me.

Zude 1:1

-Ame, Zude, Zezu Kli 'na "kulɔbhɔnyɔ "ne Zake -ɔ "nɔwli, 'e 'kɛle -ye -a To Lagɔ la- -wɛ "ku. 'Ɔ -woa "ne 'ɔ -suloa Zezu Kli "me.

'Ylikloylɛleweli 1:1

"Ɛ "bɔgo ne "me, -li 'na -ye Zezu Kli -tua 'nyakpa 'ylime -ko -lɔ "bhle. Lagɔ -kwilɛlo -lɔ "ku -se 'ɔ "kɛ 'ɔnɛɛ "kulɔbhɔnya -ɛ "kɛ yi -wɛ 'na weli 'ylime 'tua-. Klise -lebhe -lɔ 'ɔnɛɛ "nɔgɔzilɔ 'ɔnɛɛ "kulɔbhɔnyɔ Zaa "ku, -se 'ɔ "kɔ "ɛ weli -wɛ 'ylime 'tua-.

'Ylikloylɛleweli 22:6

-Ɛwɛ "kɛ 'ple "bhuɔ ne, "nɔgɔzilɔ -bhulɛle -ame nɛɛ: Bhulɛweli ne -kɛ 'dlekukɛlesɛ "ne 'ɛ -ko gbaa. Anyinɛnyɔ Lagɔ 'nyɛ- "guɔkwɔmenya Zuzu Wlewle. 'Ɔ -lebhe 'ɔnɛɛ "nɔgɔzilɔ -se 'ɔ "kɛ 'ɔnɛɛ "kulɔbhɔnya -ɛ "kɛ yi -wɛ 'ylime tua.

'Ylikloylɛleweli 22:9

-Mɔ, "nɔgɔzilɔ -bhulɛle -ame nɛɛ: "Luɔ -kɛ, te -kɛ sɔbhɔ no. "Kulɔbhɔnyɔ 'ye 'e -noɔ -me -lɔ -neɛ' sɛ, sɛgbɛɛ -e "nowlia -nyɛ -e "nɔyoa 'wɔ, "guɔkwɔmenya 'wɔ 'nasɛ, "ne -wa "zo -ɛ -ko "ɛ "bɔgo ne "me 'plome -wɛ 'nasɛ. Lagɔ 'ye -e "kɛ -lɔ "zo.