Tite 3:3 - Nouveau Testament bété de Gagnoa

³ "Ne -anye 'lelee, bhlɛme, -a "ne 'awɔ "nɛ-, 'kpokponya 'ye -a -noɔ 'awɔ -lɔ, "kwlɛ -a -bhli 'awɔ -lɔ, -li 'klekle -ɛ "ne 'nɛne -wɛ 'ye -a no nɛ -lɔ, "ne -a -noɔ 'awɔ -lɔ konyinɛnya 'waa, "ne -a tu 'awɔ -lɔ -alua 'na -li "ku, "ne -a -gblegblele 'awɔ -lɔ, "ne -a no 'awɔ -lɔ -li -nyɛnye.

Tite 3:3 Iomraidhean Croise

Matie 21:29

Yu nɛɛ: 'Bhɔ, 'e -ka "bhle "me. Lɔbhɔ "kɛ "me 'gwlɛ- 'tekeyi ne, 'ɔ 'pɔ- 'dle -vlee "ne 'dlebhɛ yu -lɔ 'lɔbhɔ, "ɛ -ye 'ɔ -bhulɛ -wɛ 'na 'ylime, "ne 'ɔ yi -lɔ "ɛ libhɔ -wɛ no -ka me.

Luke 21:8

Zezu nɛɛ: «'A 'luɔle- -kɛ 'ayi "ku, 'nyɔkpɔ te -kɛ 'anye ylo no.» "Naa-, 'nyakpa -kwleyia yi 'ce yi 'neɛ 'tɔ "me, ne 'wa yi no nɛɛ: «'Mɔɔ ne lɛ, lɔbhɔ -ylɛ, 'a toa 'ce 'gɛle-.

Zezu Kli 'na 'Denaade ‑ye Zaa kɛle‑ ne lɛ 8:34

"Ne Zezu yua -lɔ bhulɛle- nɛɛ: «-Ɛɛ, gbɛklɛklɛ 'ye 'e bhulɛle -lɔ 'anye: -Wa no 'nyinyonoli -wɛ, 'nyinyonoli 'na 'juyua 'waa -lɔ.

Wlomɛnya 11:30

-Watɔ -ce, 'a "ne 'awɔ Lagɔ 'plome "zo-, -dɛmeda, Lagɔ 'pɔ- 'anyɛɛ 'nyɛzedle, sɛko -wɛ, zufonya -sɛ 'awɔ Lagɔ 'plome zɛ.

Wlomɛnya 6:12

Zaa, 'nyinyonoli "ne -la 'anyɛɛ ku -ɛ "kɛ "ku -wɛ 'bhɛle-, "ne 'a -kɛ -la -li -nyɛnye -ye 'anyɛɛ ku 'yɔbhɔ nɛ -wɛ 'na nonoɛ 'plome "zo.

Wlomɛnya 6:17

-A bhɛle Lagɔ! Bhlɛme, 'nyinyonoli 'na 'juyua 'ye -a -noɔ 'awɔ -lɔ. -Dɛmeda, 'anyɛɛ 'dle 'klekle zɔ, 'a "zo -ye 'wa -sloa 'nyakpa 'klekle "ne 'a -yle -wɛ 'plome.

Wlomɛnya 6:22

-Mɔ, -dɛmeda, 'anyɛɛ 'nyinyonoli 'na 'galu 'diɔ- "ne 'a yi -lɔ Lagɔ 'na "kulɔbhɔnya "zo-. 'Ɛza, 'a no -lɔ -li -ɛ labha Lagɔ 'ŋwɛnɛ -wɛ, 'ɛnɛɛ 'wlisɛledɛ -noɔ -lɔ zikpɛ 'na -ɛ -ka lɛ "kubhiɛ yɛ.

Wlomɛnya 6:6

-A 'no 'ɛyi ne "me 'tee: -See -a -ko nɛ -watɔ -ce, 'ɛyi -wɛ -koleɔ klowa "klo Klise "bhaa, zaa, 'nyinyonoli -ɛ -ko nɛ -anye 'nabhɛ "me -wɛ -bhiɛ "ku. Zaa, -a "ne -kɛ -la 'nyinyonoli 'na 'juyua 'waa.

2 Kolɛtenya 12:20

-Ye 'e "gu -gɛ ne lɛ: 'E yi -kɛ 'anyɛɛ moɔ yi. 'E "kɛ 'anyɛɛ moɔ -yi -lalɛce, 'e -ka 'anye -see 'ɛ -ko -ame 'dleku -wɛ ylele-. "Ne -ame 'lelee, 'a -ka -lalɛce, -ame -see 'a 'yɔbhɔ -wɛ ylele-. 'E "gu -gbɔ 'e te 'anye -ɛne 'glɛme ylele-: Gbonoɛ, lɔbhɔzonoɛ, kɛle, 'nyakpa 'na 'keyiglɛglɛleɛ 'wɔ, 'alua 'na 'yliyliɛ, 'wanɛɛ -sɛsɛɛ -wɛ 'wɔ, 'ylisiɛtɛleɛ, 'bidiglagli 'na kosɛ. Li ne 'klekle 'na 'dlebhɛ lɔbhɔ nɛ -lɔ -ame 'anyɛɛ moɔ 'na yi dɛku.

Galatenya 6:3

'Nyɔkpɔ -ɔ "ne -bɛɛ' "me -ko -wɛ kɛ no -gbɔ 'ɔɔ zi- "ku 'ɔyi 'ye 'ɔ no -lɔ ylo.

Kolɔsenya 1:21

'Anye, -watɔ 'ce, lowlinya 'ye 'a -noɔ nɛ -lɔ Lagɔ za, 'a -noɔ nɛ 'ɔnɛɛ -gblenya 'waa. "Naa-, 'a 'pɔ nɛ 'dle -gbɔ 'a "kɛ nɛ "nyɛnye no, "ne 'a no nɛ 'yiɛ!

Kolɔsenya 3:7

Bhlɛme, 'anye 'lelee, -ye 'a -ko -me nɛ "ɛ soɔ -wɛ, 'a no nɛ "ɛ -ye 'wa no 'doɔ -wɛ.

2 Timote 3:13

-Mɔ, 'nyakpa -gbeyia, Yowlɛnya yi 'ce "nyɛnye -no -za kɔ me -me ne 'yiɛ. 'Wa yi 'ce 'nyakpa ylo no. -Mɔ, 'wa yua 'ce 'lelee ylo no me.

2 Timote 3:6

'Wanɛɛ 'glɛme 'na -bedia plɛ 'wime -bhudu 'wɔ "me. 'Wa -nyimɔ 'ŋwenea 'na -wa "ne "me 'tɛ- -wɛ 'wlime, "ɛ 'ŋwenea -wɛ 'yiɛ 'nyinyonoli "ku, 'wanɛɛ 'dlekukɛleɛ "ne "me 'tɛ-. "Ɛ soɔ 'na 'ŋwenea -wɛ, 'wanɛɛ 'dle -glɛ -li 'klekle 'glɛ.

Tite 1:16

'Wa no -lɔ -gbɔ 'wa -yi Lagɔ, -mɔ, 'wanɛɛ nonoli "me, 'wa "ne lagɔnya 'wlole-. 'Wa "ne "klo wolo -sɛ -kɛ, 'wa "ne "zo 'plome "ne 'wa "ne no -li 'na -li.

Tite 2:12

'Ɛ 'ŋwɛnɛ -wɛ 'sloa -lɔ -anye -gbɔ -a 'bha- -kosɛ -nyɛnye, "ne zikpɛ ne "ku 'na -li 'ye 'dle -glɛglɛ -wɛ "bhaa 'beku, -se -a "kɛ -kɛ "nane sɛku zikpɛ ne "ku -ko me, "me ŋwinɛleɛ "me, "ne Lagɔ 'na 'dletɛleɛ "me.

Zake 1:26

Zaa, 'nyɔkpɔ kɛ no -gbɔ 'ɔ -noɔ 'klecɛnyɔ 'na "namanɔ yɔ, "ne 'ɔ kɛ bhulɛ -ku "pulɔ, 'ɔyi 'nabhɛ 'ye 'ɔ no -lɔ ylo, "ne 'ɔnɛɛ -see 'ɔ 'nɔŋo- Lagɔ 'yliku 'tee -wɛ "ne -la -bɛɛ' "me -ko.

1 Piɛle 1:14

'A "zo Lagɔ 'plome, 'a -namlɛ Zezu yibhlele- 'na 'dlepɔsɛ -nyɛnye -ye 'a -kɛ 'awɔ -watɔ -wɛ, 'a 'tale- 'yi.

'Ylikloylɛleweli 12:9

"Ne 'wa yi -lɔ "ɛ -gbogbomɛnɛgɔ -gwli -wɛ zikpoku 'pɔ. "Ɛ -gbogbomɛnɛgɔ ne, bhlɛgɔgɔtɛbhɛ yɛ -lɔ. 'Ɔyi 'wa la me -lɔ zuzu-nyɛnyea 'na "cifi "ne Sata. 'Ɔɔ no -lɔ -glɔ ne zɔ 'na 'nyakpa 'klekle ylo. 'Wa 'pɔ- dodo "ku 'ɔnɛɛ -zilia 'wɔ "bhaa.

'Ylikloylɛleweli 13:14

Soɔ 'ye 'ɔ bhlia nɛ -lɔ dodo ne "ku 'na 'nyakpa 'kwlɛ. "Naa-, 'ɔ -yle nɛ 'bhɛloɛ -se 'ɔ "kɛ tɛtɛnɛmɛ 'yli "ku zɛzɛ "yiti 'pɔle. 'Ɔ bhulɛle zikpɛkonya -gbɔ 'wa no jinyɛ "me 'na nɛmɛ -ye 'lɔbhɔ- nɛ "kukusɛ -jijigbɛlɛ nu "ne 'ɔ -yamale nɛ -wɛ 'na yuslokponɔ.

'Ylikloylɛleweli 18:2

'Ɔ 'kpa "me "yitɛ ''ku, 'ɔ nɛɛ: 'Ɛ -bhli zɔ, 'ɛ -bhli zɔ, Babilɔnedu "yitɛ! 'Ɛ "zo- -la -dɛme zuzu -nyɛnyea 'na -lokuɛ. Zuzu -nyɛnyea 'klekle Zeanyɛnyea 'klekle 'na -wa -le lɛ nyɛnyɛle "ku zizɔle "ɛ 'du -wɛ "me.