Tite 3:2 - Nouveau Testament bété de Gagnoa

² 'Wa te 'nyɔkpɔ 'yli-, 'wa te gbo no, 'wa namale- 'dleku, 'wa 'kɛle- 'dle -wɔtɛ "me 'nyakpa 'klekle za.

Tite 3:2 Iomraidhean Croise

Matie 11:29

'A 'libhi 'neɛ 'gbudu "ku, -se 'a "kɛ 'neɛ gɛlenya "zo, "naa- 'e nɛne 'dleku "ne 'e -wɔtɔ 'dle. 'A yi 'anyɛɛ 'wugɔŋo 'na nyɔpɔledɛ yle.

Nonoli 23:5

"Ne Pɔle yua -lɔ bhulɛle nɛɛ: «"Nowlia 'wanye, 'e "ne 'se 'sɛ -yi -se 'ɔ -noɔ bɔbɔnyɔ "yitɔ yɔ. -Mɔ, 'ɛ -kɛle Lagɔ-bɔgo "me nɛɛ: Te 'ce 'neɛ -gligbɛnya 'na "cifi 'yli.»

1 Kolɛtenya 6:10

'winya, -wa 'tɛ- -wɛ, nogbinɔmɔnya, -wa 'yli 'walua, 'kpokponya, sɔbhɔ -nɛɛ' 'nya -wɛ 'na 'glidɛ "ne 'ce Lagɔ 'na 'Kamalezikpɛ "me -ko!

1 Kolɛtenya 9:19

'Anye 'glɛme, 'e "ne 'nyɔkpɔ 'na 'juyu yɔ. Ɛ -ko sɔbhɔ, -ame 'nabhɛ 'mɔɔ 'ŋunu- -lɔ "ku, -se 'e "kɛ 'anye 'klekle "ku lɔbhɔ, -se 'nyakpa -gbagboa "kɛ Zezu lo 'yli 'neɛ za.

2 Kolɛtenya 10:1

-Ame Pɔle, -bɛɛ' -bholo 'ye 'e 'yɔbhɔle -lɔ 'anye lo Klise 'na 'dlewɔtɛ -nyɛ 'ɔnɛɛ 'dle "namanɔ "bhaa 'na 'tɔ "me, -bedia nɛɛ: 'E kɛ 'anye 'glɛme -ko ne, 'e "gu -se 'e "kɛ 'anye bhulɛle-, -mɔ, 'e kɛ 'anye 'dɛtlole- ne, lɔbhɔ 'ye 'e 'gbɔtɔle -lɔ 'anye "ku.

2 Kolɛtenya 12:20

-Ye 'e "gu -gɛ ne lɛ: 'E yi -kɛ 'anyɛɛ moɔ yi. 'E "kɛ 'anyɛɛ moɔ -yi -lalɛce, 'e -ka 'anye -see 'ɛ -ko -ame 'dleku -wɛ ylele-. "Ne -ame 'lelee, 'a -ka -lalɛce, -ame -see 'a 'yɔbhɔ -wɛ ylele-. 'E "gu -gbɔ 'e te 'anye -ɛne 'glɛme ylele-: Gbonoɛ, lɔbhɔzonoɛ, kɛle, 'nyakpa 'na 'keyiglɛglɛleɛ 'wɔ, 'alua 'na 'yliyliɛ, 'wanɛɛ -sɛsɛɛ -wɛ 'wɔ, 'ylisiɛtɛleɛ, 'bidiglagli 'na kosɛ. Li ne 'klekle 'na 'dlebhɛ lɔbhɔ nɛ -lɔ -ame 'anyɛɛ moɔ 'na yi dɛku.

Galatenya 5:22

-Mɔ, Zuzu Wlewle 'na -ye 'ɔ 'nyɛ ne lɛ: -Waleɛ, 'ŋwɛnɛ, "kuwɔteɛ, 'dlebhlepiɛ, "nɛnekoɛ, "kulɔbhɔɛ, -alua 'na 'dlekukɛleɛ,

Galatenya 6:1

-Nyɔsɔwanye, Zuzu Wlewle -su -lɔ 'anye. Zaa, 'a kɛ 'nyɔkpɔ 'ylime 'ye "ne 'ɔ "kɛ "nyɛnye no ne, 'a sibhɔ- -gwe 'na "nɛmanɔ "ku, 'dlewɔtɛ "me. 'A luɔle -kɛ 'ayi "ku! "Ne 'e bhulɛle sɛne -ɔkɔkokɔko: -E yi 'lelee "mebeamɔ bhlile-, "ne -e yi "nyɛnye no -me.

Galatenya 6:10

Zaa, -a -ka -namlɛ "tɛnye -kɛ ne, -a no -li 'na -li -alua 'klekle za, -wa -kɛ me 'dleku -anyɛɛ sɛne -wɛ za -tiaa.

Efɛzenya 4:2

'A 'kwliale- 'ayi "ku, 'a wɔtɔ- 'dle, -se -a 'piɛ "bhle 'dle, 'a -sluslule 'ŋwɛnɛsɛ.

Efɛzenya 4:31

'A te "nyɛnye -ye 'wa -no 'anye -wɛ 'dlezɔ kulɛle-, "klo nyɛneɛ, 'kɛle, "mekpɛɛ, 'yliyliɛ. "Nyɛnye 'na -se 'ɛ "mɔ -le "ne -se 'ɛ "kɛ -le, 'a 'ylialea- 'ayi "guɔ 'klekle.

Filiponya 4:5

'Nyakpa 'klekle yibhlele- 'anyɛɛ "nɛnekosɛ. Anyinɛnyɔ 'na yizle "ne -ka -la dɛtlo-.

1 Tesalonikenya 2:7

'Ɛ "mɔ nɛ -kɛ sɔbhɔ yɛ ne, -anye Zezu Kli 'na "kɔlepɔnya -a yi nɛ -kɛ 'anye "ku 'nɔŋole-, -mɔ 'bhɔ! 'Anye 'glɛme -a -wetia -anyɛɛ 'dle, sɛgbɛɛ gwaŋɔnɔ -ɔ "zolea 'ɔnɛɛ yua 'yliku.

1 Timote 3:11

"Ɛ sɛbhele -wɛ, 'ŋwenea -wa -noɔ -me dlinya 'waa -wɛ yi kɛ 'lelee, -see 'wa "koa 'plome "zo -wɛ 'na -li no -me. 'Wa te -kɛ 'walua 'na weli -nyɛnye bhulɛ. 'Wa yibhlele- -kɛ 'wayi 'na "ku piɛle sɛ. -Se 'wa no 'dlekukɛle -li, -li 'klekle "me.

1 Timote 3:3

-Se 'ɔ te -kɛ nogbinɔmɔnyɔ "zo. -Se 'ɔ te -kɛ 'lelee kpokponyɔ "zo, -se 'ɔ no 'ɔnɛɛ -li 'dlekɛlesɛ. -Se 'ɔ te -kɛ 'gbononyɔ "zo, -se 'ɔ te 'dlasi mamale!

Zake 3:17

"Nɛnoɛ 'na -ɛ 'bhale "nɔgɔ "me -wɛ 'ɛ -ko 'wlele, 'dlewɔtɛ 'ye 'ɛ 'nyɛ -lɔ, "ne 'ɛ -su -lɔ "kuwɛtɛ, "ne 'ɛ 'tɛle 'lelee -lɔ "kukoleɛ siɛ. -Ye 'ɛ no -wɛ "nɛne. "Ne 'ɛ "ne dlidlile- 'nyakpa "me. "Ne 'ɛ "ne wlɛ- yo.

Zake 4:11

-Nyɔsɔwanye, 'a te 'alua 'na "ku 'na weli -nyɛnye bhulɛ-! -Eyi -mɔɔ bhulɛ -eluyu 'na "ku 'na weli -nyɛnye, "ne -e 'bhlelo gbo -wɛ, -Lɔ 'na "ku 'na weli -nyɛnye 'ye -e bhulɛ -lɔ, "ne -e bhlele me 'lelee -lɔ "ɛ -Lɔ -wɛ gbo. -Eyi -mɔɔ 'bhlele Lagɔ 'na -Lɔ gbo -wɛ, "ɛ -Lɔ -wɛ 'ye -e "ne "zo -lɔ 'plome, 'ɛnɛɛ gbobhlenyɔ 'ye -e noɔ- -lɔ.

1 Piɛle 2:1

'A 'tale -ɛ -noɔ -konyinɛ yɛ 'klekle -wɛ 'yi, 'a te 'nyɔkpɔ ylo no, 'a te -jijigbɛlɛ "zo, -se 'a te lɔbhɔzo no, -se 'a te 'alua 'na weli -nyɛnye bhulɛ.

1 Piɛle 3:10

Sɛne Lagɔbɔgo gbɔ -lɔ nɛɛ: «'Nyɔkpɔ kɛ no -gbɔ 'ɔnɛɛ zikpɛ "kɛ 'tee ko, -se 'yli 'klekle "me 'ŋwɛnɛ "kɔ 'lɔbhɔ ne, 'ɔnɛɛ 'nuɛgwe te -kɛ "nyɛnye bhulɛ -se 'ɔnɛɛ 'nuɛgwe te -kɛ yo wlɛ-,

1 Piɛle 3:8

'A kole- "ku, -se 'a 'pɔ sɛbhele 'dle. 'A wale- "nowlia 'nasɛ. 'A komale- 'nɛne, 'a 'kwlialea- 'ayi "ku 'alua 'yliku.

1 Piɛle 4:4

-Dɛmeda, 'ɛ -nyea "ɛ 'nyakpa -wɛ. 'Wayi 'wɔ "bhaa 'a "ne -da 'nɔŋo-, 'a "ne -da 'wanɛɛ zikpɛ "me 'na nonoli -ɛ labha zu -wɛ "me -ko -me, 'ɛza, 'wa 'yli -lɔ 'anye.

2 Piɛle 2:10

-Ye 'ɔ "kɛ 'ce 'kle 'yea- -tiaa -noɔ -lɔ -wa -gɛlele 'dlepɔsɛ -nyɛnye 'wanɛɛ ku "me -wɛ 'waa. "Ɛ 'wayi -wɛ 'tɛle -lɔ nonoli -ɛ -le 'zu "ku -wɛ 'ɛyikɔ 'siɛ, 'wanɛɛ gbo "ne -lɔ Anyinɛnyɔ 'na -kamaleɛ "klo -ko. 'Ɛ -soɔ 'na -sloanya -gbeyia -wɛ -kɛ 'wayi 'dleku kpɛnyee. 'Wa zia -lɔ 'wayi "ku "ne 'wa "ne "gu 'ŋlu me Zuzu 'wa -ko "nɔgɔ "me -wɛ 'na 'diziɛ -gɛ.

Zude 1:10

"Ɛ 'nyakpa -gbeyia -wɛ 'yli- -ye 'wa "ne -yi -wɛ. "Ne -ɛ yua 'wlime -wɛ 'wa no -lɔ sɛgbɛɛ 'nɛmea 'wa "ne "nɛ- ne, 'ɛyi -wɛ 'nabhɛ 'bhua -lɔ "ku.

Zude 1:8

'Anye 'glɛme, -ɛ 'nyakpa -gbeyia -wɛ no -me "ɛ 'du -wɛ 'wɔ "me 'na -konya 'na sɛ. 'Wa 'pɔ -li 'na -ɛ "ne 'ɛyi yɛ -wɛ "ku 'dle. 'Ɛnɛɛ za, 'wa -gɛlele -lɔ 'dlepɔsɛ -gbeyi -ɛ "kɛ 'wanɛɛ ku 'fe -pla -wɛ. 'Wa "ne 'yɔbhɔ Anyinɛnyɔ 'na 'kamaleɛ, 'wa 'yli "nɔgɔzilia 'wa me 'ŋlu -wɛ.