Tite 3:1 - Nouveau Testament bété de Gagnoa

¹ Luɔle 'wayi 'klekle 'dle -gbɔ 'wa 'kwlialea- 'wayi "ku, "cifia "ne 'kamalenya 'yliku, 'wa "zo 'plome, -se 'wa no -li 'na -li.

Tite 3:1 Iomraidhean Croise

Matie 22:21

Ŋwɛnɛɛ: «'Kamalenyɔ Sezale.» "Ne Zezu yua -lɔ bhulɛle- nɛɛ: «-Ɛ -noɔ 'Kamalenyɔ Sezale -nɛ yɛ -wɛ, 'a 'je Sezale kɔ. -Ɛ -noɔ Lagɔ -nɛ yɛ -wɛ 'a 'je Lagɔ kɔ.»

1 Kolɛtenya 15:58

-Nyɔsɔ -a -wale 'wanye, 'a -tamale "me, -se 'anyɛɛ 'dlekukɛleɛ 'te "kɛ "me yɔle-! 'A no libhɔ -godogodo, -se 'a lɔbhɔ Anyinɛnyɔ "ku 'tee. 'A yibhlele- sɛ -gbɔ, 'a "kɔ "ku lɔbhɔ ne, 'a -na "fu lɔbhɔ.

Efɛzenya 2:10

'Diɛɛ, Lagɔ -no -lɔ -anye, 'ɔ 'wlɛ- -lɔ -anye, Klise Zezu "me, -se -a "kɛ -kɛ -li 'na -li no, -li 'na -li -ye 'ɔ -sɛ 'awɔ lɔbhɔ "kle -wɛ no.

Filiponya 1:11

"Ɛ Zezu Kli yi 'anye kwɛle-, "ne 'anyɛɛ nonoli yi "me ŋwinɛle-, lɔbhɔ 'na dɛku, 'nyakpa yi Lagɔ 'ŋlu kwa, "ne 'wa yu bhlegbi "me "zo.

Kolɔsenya 1:10

Lɔbhɔ 'na dɛku, 'a yi 'ce Anyinɛnyɔ 'na -se 'ɔ 'yɔbhɔ -wɛ ko, "ne 'a yi 'ce -li 'na -ɛ 'nɛno -gɛ 'klekle -wɛ no, "ne 'a yi 'ce bhi tlo, "ne 'a yi 'ce Lagɔ yibhlele- 'yiɛ.

1 Timote 2:2

'A bhubhɔ -me "kɛ 'lelee -klɔgbɔnya -nyɛ 'kamalenya -wɛ 'wɔ za. -Se -anyɛɛ zikpɛ "kɛ -kɛ "ku -wɔtɔ 'tee, Lagɔ 'na 'dletɛleɛ "me, "ne -ayi 'na 'tee sluɛ "me.

1 Timote 4:6

'Sloa -kɛ -ɛwɛ 'wɔ -e "nowlia -nyɛ -e "nɔyoa 'wɔ -wa -noɔ 'klecɛnya 'waa -wɛ 'ɛyi 'klekle. Lɔbhɔ 'na dɛku, -e yi Zezu Kli 'na "kulɔbhɔnyɔ 'na "namanɔ "zo, -see -e "koa 'ylime 'tua -gbɔ -e 'gɔbhɔle- Lagɔweli -ɛ 'nyɛ 'dlekukɛleɛ, "ne sloasɛ -ɛ ŋwinɛle- "me -wɛ "bhaa "me, 'ɛɛ "kɛ -lɔ gbɔ "ne 'wa "kɛ -lɔ 'sɛ yibhlele- -gbɔ -e tɛle- Lagɔ 'dle.

1 Timote 5:10

-Glɔnya -yibhlele sɛ -gbɔ 'nɛne -ko 'ŋɔnɔ yɔ -lɔ. 'Ɔ bhoa- 'ɔnɛɛ yua 'tee. -Wa yu "ku plɛ ka -wɛ, 'ɔ soa- 'tee. 'Ɔ -wɛle 'klecɛnya 'bho yɔko. 'Ɔ -kwɛle "nyɛzenya, "ne 'ɔ -no -li 'klekle -ɛ 'nɛne -wɛ.

2 Timote 1:6

'Ɛnɛɛ za 'e sibha -kɛ -lɔ lɔbhɔ -neɛ' 'dle -gbɔ slu -kɛ Lagɔ 'na -jɔlo -ye -e -yle -sɔɔdɛku 'e 'piɛ- nɛ -eyi 'kwlɛ 'wli -wɛ.

2 Timote 2:14

'A "luɔ -le 'nyakpa 'klekle 'dle. -See Lagɔ 'yliku, -a bhulɛloa gbɛklɛklɛ -se 'a 'titliloa kɔ -gbɔ 'wa "bhaa 'kpɛlekpɛleɛ -ɛ "ne -bɛɛ' "me -ko -wɛ 'beku. -Mɔ, 'a 'cɛ soɔ 'sa ne, -wa 'fo 'anye 'yukwli -wɛ 'ye 'a nyimɔ -lɔ 'wlime.

2 Timote 2:21

Zaa, 'nyɔkpɔ 'na -ɔ 'bha- sloasɛ -nyɛnye 'na -gwe "ku -wɛ, -ko sɛgbɛɛ 'baa 'na 'ye 'wa dlile "me -jajo no -zle. 'Wa yu 'ce kulɛ "Bhenyɔ za. 'Naa-, 'ɔyi 'wa ylɛle -lɔ "me "ne 'wa no -lɔ -li 'na -ɛ 'nɛne 'klekle -wɛ.

Tite 1:16

'Wa no -lɔ -gbɔ 'wa -yi Lagɔ, -mɔ, 'wanɛɛ nonoli "me, 'wa "ne lagɔnya 'wlole-. 'Wa "ne "klo wolo -sɛ -kɛ, 'wa "ne "zo 'plome "ne 'wa "ne no -li 'na -li.

Tite 2:14

'Ɔ -ple 'ɔnɛɛ zikpɛ -anyɛɛ za, -se -anyɛɛ 'nyinyonoli 'na gbo "kɛ bhiɛ. 'Ɔ 'yɔbhɔ nɛ -gbɔ 'ɔ "kɛ nɛ -anye -zakpɛ -bholo "me 'wlewle "zoa-. 'Nyakpa -wa "kɛ 'ɔnoa "zo- -wɛ, -wa -ko lɔbhɔ -godogodo -se -wa "kɛ -li 'na -li no.

Tite 3:14

"Nowlia -nyɛ "nɔyoa 'wɔ -wa -noɔ 'klecɛnya -waa -wɛ, 'wa ciɛ -li 'na -li 'na nonoɛ, -se 'wa "kɛ 'walua kwɛle- 'wa kɛ kplɛkplɛɛ "me -ko ne, -mɔ, 'wa te "fu 'sɔ "me plaplalea-.

Tite 3:8

"Ɛ weli ne, 'ɛ -kɛ 'dleku kɛle- -sɛ. 'Ɛza, 'e 'yɔbhɔ -lɔ -gbɔ 'fo 'yukwli 'tee, -se 'nyakpa 'klekle 'na -wa -kɛ Lagɔ 'dleku -wɛ "kɛ 'wayi "kɔ 'tɔtɔle- -se 'wa "kɛ -li 'na -li no. -Bɛɛ' 'na -bɛɛ' -ɛ "kɛ 'nyakpa 'klekle kwɛle- yɛ -lɔ.

Eblenya 13:21

"Ɛ Lagɔ -wɛ, 'ɔ gbɔ -se -a "kɛ -godogodo -li 'na -li no, -see 'ɔ 'yɔbhɔ -wɛ! Lagɔ ylɛle- Zezu Kli "me, -se -a "kɛ -ye 'ɔ 'yɔbhɔ -wɛ no, Zezu 'bhe- -lɔ 'ŋlumeɛ -godogodo! Amɛn!

2 Piɛle 1:12

'Ɛnɛɛ za, 'e 'yɔbhɔ 'ce -gbɔ 'e "kɛ -li -wɛ 'wɔ 'anyɛɛ 'dle "ku 'sibha. -Mɔ, 'a -yi "kle, "ne 'a "tɛle- gbɛklɛklɛ -ye 'a -yle -wɛ 'dle.

Zude 1:5

'A -yi -kɛ 'tee "ɛ -ye 'e "kɛ 'anye bhulɛle 'klekle ne. 'Ɛ -ko sɔbhɔ "ne 'e 'luɔle -lɔ 'anye -ɛne za: Anyinɛnyɔ Lagɔ -sɛ 'ɔnɛɛ yua -wa -noɔ nɛ 'juyua 'waa Ezipte -wɛ 'galu 'yli, 'ɛ 'bha- lɛ lɔbhɔ, "ne 'ɔ yi -lɔ -wa "no 'dleku -kɛle -wɛ lɔbhɔ "ne 'wa yi -lɔ "ku.