Tite 2:3 - Nouveau Testament bété de Gagnoa

³ 'Ɛ ko me "ɛ sɛbhele -wɛ, 'ŋwenea 'na 'wa gɔ- -wɛ 'na dɛku, 'wa slu 'wanɛɛ zikpɛ 'tee -see 'ɛ "kɛ Lagɔ -gɛ 'namale -wɛ, 'wa te 'walua 'na weli -nyɛnye bhulɛ, 'wa te no 'na 'juyua "zo, 'wa sloa -ɛ 'nɛne -wɛ.

Tite 2:3 Iomraidhean Croise

Wlomɛnya 1:29

-Li 'klekle -ɛ "ne 'nɛne -wɛ -koa "me. 'Wa no "nyɛnye. -Ɛ -noɔ 'walua -nɛ yɛ -wɛ 'wa 'yɔbhɔ -lɔ, 'wa -ko konyinɛ "me, lɔbhɔzɔnoɛ yua- "ku -kpakpa. 'Wa 'lɔbhɔ 'nyakpa "ne 'wa "ku, 'wa no gbo, 'wa no 'walua ylo, 'wa no -ye 'wa 'yɔbhɔ -wɛ. 'Wa wlɛle 'nyakpa yo yɔko.

Wlomɛnya 16:2

'A 'sɔ 'tee Anyinɛnyɔ 'na 'tɔ "me, sɛgbɛɛ Lagɔnya 'na -ye 'wa "kɛ no -wɛ. 'A kwɛlo- 'ɔ kɛ 'anye -bɛɛ' 'yɔbhɔle- 'yiɛ ne. 'Ɔyi, 'nabhɛ, 'ɔ -kwɛle 'nyakpa -kwleyia, "ne 'ɔ -kwɛle me 'lelee -ame.

Efɛzenya 5:3

Lagɔ 'bhe- -lɔ 'anye za, 'anyɛɛ moɔ 'wa te -la weli 'na -bedi 'no, sɛgbɛɛ 'wiyliɛ, "tutuliɛ "ne -kosɛ -nyɛnye 'klekle "ne gwlɛplɛɛ.

1 Timote 3:11

"Ɛ sɛbhele -wɛ, 'ŋwenea -wa -noɔ -me dlinya 'waa -wɛ yi kɛ 'lelee, -see 'wa "koa 'plome "zo -wɛ 'na -li no -me. 'Wa te -kɛ 'walua 'na weli -nyɛnye bhulɛ. 'Wa yibhlele- -kɛ 'wayi 'na "ku piɛle sɛ. -Se 'wa no 'dlekukɛle -li, -li 'klekle "me.

1 Timote 3:8

Sɛbhele -wɛ, Dlinya "zo -kɛ 'nyakpa 'na -wa -ko 'plome 'tee 'walua 'glɛme -wɛ. Dlinya te -kɛ nogbinɔmɔnya "zo. -Se 'wa te -kɛ 'lelee 'dlasi 'na 'siɛtɛleɛ 'gbeyi "ku mamale.

1 Timote 5:23

-Se te -kɛ 'ŋu 'ɛyikɔ "nɔmɔ, -mɔ, "nɔmɔ me duvɛ 'tekeyi, -neɛ' 'mene -wɛ za, "naa-, gu 'lɔbhɔ 'lɔbhɔle -eyi "ku zɛ.

Tite 1:7

"Naa-, -ɔ -gɛ Lagɔgligbɛ 'yuku -wɛ, 'ɔ "ne kɛle- -da nuɔsɔbhɔledɛ kplokplo, -see 'ɔ -gɛ Lagɔgligbɛ 'yuku -wɛ za: 'Ɔ te -kɛ "bhabhanyɔ, "kɛlenyɔ, nogbinɔmɔnyɔ, 'gɔlegwenyɔ "zo, -se 'ɔ te "kɛ 'lelee 'dlasi -vi "me "ku libhile.

Tite 2:4

-Se 'wa sloa me 'ŋwenea -digbia, 'waluwlia 'wɔ 'na -wamalesɛ, "ne 'wanɛɛ yua 'na -wamalesɛ,

Eblenya 5:12

'Anye, 'anye "kɛ nɛ -la -lɔ -dɛme Lagɔweli 'na -sloanya "yitia "zo, -mɔ, -dee 'wa "kɛ 'anye Lagɔweli 'na "kuciledɛ "me -sloa 'ye 'a -ko -la -lɔ -doɔ. Nyeteŋu 'na -nɔmɔdɛ 'ye 'a -ylɛ -lɔ, 'a "ne -la "ku tamale -lilɛ 'na lili -noa 'waa.

'Ylikloylɛleweli 2:20

-Mɔ, -neɛ' -ɛ "ne -ame -gɛ 'nɛne- ne lɛ: Zezabɛle, 'ŋɔnɔ -ɔ la 'ɔyi "guɔkwɔmeŋɔnɔ -wɛ, -e 'talo 'yi "ne 'ɔ sloa, "ne 'ɔ bhlia 'neɛ "kulɔbhɔnya 'kwlɛ -se 'ŋwenea "kɛ 'widia -seselia "ne 'widia "kɛ 'ŋwenea -seselia, -se 'wa "kɛ 'nɛmea -ye 'wa -bɔbɔle "fu 'na lagɔ -wɛ li.