Tite 1:9 - Nouveau Testament bété de Gagnoa

⁹ -Se Lagɔweli -ye 'wa -sloɔ -wɛ, 'ɔ te -kɛ visɛ slu, -mɔ, -see 'wa -sloɔ -kpee -wɛ sɔbhɔ 'ye 'ɔ -na kɛle -kɛ kɔ. Lɔbhɔ 'na dɛku, 'ɔ yi -ɛ -noɔ gbɛklɛklɛ yɛ -wɛ sloa. -Se 'ɔ "kɛ -wa -noɔ Zezu Kli -noa 'waa -wɛ 'kwɛme "tamalea-. -Se 'ɔ "kɛ -wa "ne 'yɔbhɔ 'ɔnɛɛ sloasɛ -wɛ 'ylime 'tua -gbɔ 'ɔ -na 'gbi 'to.

Tite 1:9 Iomraidhean Croise

Nonoli 18:28

"Naa-, "ɛ 'nyakpa -wɛ 'yliku 'na 'ye 'ɔ bhulɛ 'awɔ -wɛ 'ɛ Zufonya "ne 'awɔ -la keyi -sɛ, -mɔ, Lagɔ-bɔgo "me 'na weli 'ye 'ɔ 'sibhaloa -lɔ zɔ -gbɔ Zezu Kli, Lagɔ 'na ŋwɛnɛŋwɛnɛyu yɔ -lɔ.

1 Kolɛtenya 14:24

'Nyakpa 'klekle kɛ Lagɔ 'na 'tɔ "me bhulɛle- ne, -ɔ "ne 'dleku -kɛ -nyɛ "fu 'na 'nyɔkpɔ "bhaa 'a kɛ lɔbhɔ 'ylɛ-, 'ɛ -ye 'wa 'no "me -wɛ, 'wa 'yi 'dle 'glole- "ne 'wa yi no -gbɔ 'wayi 'wa ga.

1 Tesalonikenya 5:21

'A 'pɔle "me 'dle 'tee, -se 'a "kɛ 'ɛnɛɛ -ɛ 'nɛne -wɛ lɔbhɔ -sɛ.

2 Tesalonikenya 2:15

Zaa -nyɔsɔwanye, 'a "tamale- 'kwɛme, 'a kɛle- -ye -a -sloa 'anye -wɛ kɔ 'gugwlegugwle, bhulɛweli "me "ne "bɔgo -ye -a 'pɔ- 'anye "ku -wɛ "me.

1 Timote 1:10

'Ɛ -Lɔ -wɛ -noɔ me 'nyakpa 'na -wa "ne gbezi 'ŋwenea "ne 'widia "me -wɛ nɛ yɛ, 'nyakpa 'na -wa 'tɛletɛle le siɛ -wɛ, "ne -wa pɔ 'juyua pɔloku -wɛ nɛ yɛ, 'ɛ noɔ me 'lele Yowlɛnya, "ne 'wa zligbɔ fu -wɛ nɛ yɛ. 'Ɛ noɔ me 'lelee -wa -su 'wayi 'kpetekli, "ne -wa "ne 'yɔbhɔ Lagɔweli 'na "meŋwinɛlesɛ 'na sloasɛ -wɛ.

1 Timote 1:15

Weli -ye -a "kɛ 'dleku kɛle- "ne -ye 'nyakpa 'klekle "kɛ 'kɔsa ne lɛ: Zezu Kli -yi zikpɛ ne "ku -se 'ɔ "kɛ "nyinyonolinonya 'fuɔ. "Ne -ame, 'mɔɔ -noɔ -lɔ "nyinyonolinonya 'na tɛtɛnɔ yɔ.

1 Timote 1:19

'Dlekukɛleɛ "me, "ne 'dlepɔsɛ -namanɔ "me, -bedia "ne 'wanɛɛ 'dlepɔsɛ 'na 'yukwli fo gbo 'ŋunu-, sɔbhɔ za, 'wa "ne -la 'dleku -kɛ.

1 Timote 4:9

'Ɛ -noɔ -lɔ weli -ye 'wa "kɛ 'dleku 'kɛle- "ne -ye 'nyakpa 'klekle "kɛ 'dletɛle- kpɛnyee -wɛ yɛ.

1 Timote 6:3

'Nyakpa 'na -bedia -ko lɔbhɔ "ne 'wanɛɛ sloaweli "ne gbɛklɛklɛ "me -ko. 'Wa "ne Anyinɛnyɔ Zezu Kli 'na -diɛnadiɛ 'na weli gɛle "ne 'wanɛɛ sloaweli "ne kpɔmalea- Lagɔ "ku.

2 Timote 1:13

Zaa, -diɛnadiɛ 'na weli -ye 'e -sloa -eyi -wɛ, gɛlele. 'Dlekukɛleɛ "ne 'ŋwɛnɛ 'ye Anyinɛnyɔ Zezu Kli 'je- -anye kɔ -wɛ 'ye -e -ylele -lɔ "me.

2 Timote 2:2

-Ye 'e -sloa -eyi 'nyakpa -kwleyia 'yliku -wɛ, 'tle -me -kɛ 'lelee 'nyakpa 'na 'vinoa yɔko -se 'wayi 'wa yibhlele- -me -kɛ 'lelee 'ɛnɛɛ sloasɛ.

2 Timote 2:25

'Ɔ yi "bhle 'dle 'piɛ, "ne 'ɔ yi 'ɔnɛɛ -gblenya bhulɛle, -lalɛce, Lagɔ yi gbɔ "ne 'wa yi kɔ 'bheliɔ- "ne 'wa yi gbɛklɛklɛ yibhlele-.

2 Timote 3:14

-Mɔ, -eyi, -ye -e 'ciɛ- -wɛ, "ne -nyɔ 'na gbo -e 'ŋunu- 'dlekukɛleɛ "me -wɛ slu klekle. 'Naa-, -wa sloa- -eyi -wɛ, -e -yua zɛ.

2 Timote 4:3

-Mɔ, lɔbhɔ yi 'ce ylɛ "ne -bedia -ka 'ce -diɛnadiɛ 'na sloaweli -wɛ 'yukwli 'fo. 'Wa yi -ye 'wa 'yɔbhɔ -wɛ gɛle, "ne 'wa yi 'wayi slonya -gbagboa yɔko lale, -se 'wayi -wɛ "koa -ye 'wa no gbɔ 'wa "kɛ 'yukwli 'fo -wɛ bhulɛle-.

Tite 1:11

Zaa, 'a "gba 'se 'wanɛɛ nuɛ "ku. "Naa-, -gligbɛnya 'wa sɛ -lɔ 'dlekukɛleɛ 'na -gwe "ku, "ne 'wa sloa -lɔ -ye 'wa -ka no -wɛ, -se 'wa "kɛ -kɛ -vi "me 'dlasi "ku libhile.

Tite 2:1

-Mɔ, -eyi Tite, sloa -ɛ -noɔ Lagɔ 'na "kukoweli yɛ -wɛ -kpee.

Zude 1:3

-A 'tito -awale, 'e 'yɔbhɔ nɛ kpɛnyee -gbɔ 'e "kɛ 'anye "ku 'kɛle 'popoɛ -ɛ -noɔ -anye 'klekle nɛ yɛ -wɛ za. -Mɔ, -dɛmeda, 'e yi 'kɛle klepaa, -se 'e "kɛ 'anye 'kwɛme "tamalea-. 'A 'gwele- 'ayi kɔ, 'dlekukɛleɛ 'ye Lagɔ 'je- -godogodo 'na dɛ -wa -noɔ 'ɔnoa 'waa -wɛ kɔ za.

'Ylikloylɛleweli 2:25

-Mɔ, 'anye -ye 'a 'ciɛ- -wɛ, 'a -kɛle kɔ klekle -kaa -se 'neɛ yi dɛku "kɛ ylɛ.

'Ylikloylɛleweli 3:11

'E yi -la yi. -Ye -e -su -wɛ 'slu- 'tee, 'nyɔkpɔ te -kɛ -eyi -neɛ' -klɔgbɔ-dagbulɛ 'wlime -sɛ.

'Ylikloylɛleweli 3:3

-Neɛ' 'dle 'sibhɔ -kɛ -ye 'wa -sloa -eyi "ne -ye -e 'no- "me -wɛ "ku. Slule- -eyi "me -se 'bheliɔ kɔ. -E "mɔ -kɛ 'yla "me 'bha- ne, 'e yi -eyi "ku 'libhi vuvusɛ sɛgbɛɛ 'winyɔ, -e -ka -sɔɔdɛku 'e "kɛ yi -wɛ yibhlele-.