Tite 1:3 - Nouveau Testament bété de Gagnoa

³ 'Yli -ye 'ɔ di- -wɛ -ylɛ lɛ ne, -anyɛɛ Fuɔnyɔ Lagɔ 'na weli -ye 'ɔ -bhulɛle -ame -gbɔ 'e -sɛle -glɔnya -wɛ, 'ɛyi 'ye 'e sɛloa lɛ.

Tite 1:3 Iomraidhean Croise

Malke 1:15

'Ɔ nɛɛ: «Zle -ylɛ -kɛ lɔbhɔ "bhuɔ, "ne Lagɔ 'na 'Kamalezikpɛ "ne -la 'anye dɛ tlole-. 'A 'bhelia- 'anyɛɛ kosɛ kɔ, -se 'a 'kɛle- Lagɔ 'na 'Denaade 'dleku.»

Malke 13:10

"Naa-, Lagɔ 'na 'Denaade -sɛleɔ -na 'nyakpa 'klekle "bhuɔ.

Malke 16:15

"Ne Zezu yua 'lelee -lɔ sɛne bhulɛle- nɛɛ: «'A me -glɔ 'klekle "ku, -se 'a "kɛ "bhle 'Denaade 'nyakpa 'klekle -sɛle.

Luke 1:47

"Ne 'ŋwɛnɛ 'biti -ame, 'neɛ 'Fuɔnyɔ Lagɔ za.

Nonoli 10:36

"Naa-, Zezu Kli "me 'ye Lagɔ -ylɛle -lɔ, "ne 'ɔ yi -lɔ Izlayɛleyua "kuwɛtɛ 'na 'Denaade -sɛle, 'ɔyi, -ɔ -noɔ 'nyakpa 'klekle 'na Anyinɛnyɔ yɔ -wɛ.

Nonoli 17:26

'Nyɔkpo -bholo 'ye 'ɔ -no -lɔ tɛɛ, "ne 'ɔ yi -lɔ 'nyakpa 'klekle 'wlɛ -se 'wa "kɛ dodo ne 'klekle "ku 'gli. 'Ɔ -seselia zle "me liɔ "me, "ne 'ɔ yi -lɔ 'du 'na -dee 'nyakpa "kɛ -ko -wɛ wɔkɔ.

Wlomɛnya 15:19

'be "ne -li 'na -ɛ 'sɛ geji "ku -wɛ "me, Lagɔ 'na Zuzu 'bhɛloɛ "me. Soɔ 'ye 'e -sɛ -lɔ Klise 'na 'Denaade -se 'ɛ 'bhale 'ce Zeluzalɛme "ne 'ɛ -ylɛle -glɔ -ye 'wa la Ilili -wɛ 'na 'pɛɛ -ce "ku.

Wlomɛnya 16:25

Lagɔ me 'ŋlu! 'Ɔ -kɛ 'bhɛloɛ -se 'ɔ "kɛ 'anye "me "tamalea- 'Denaade -ye 'e 'sɛle 'anye Zezu Kli za -wɛ "me. "Ɛ 'Denaade ne "me, Lagɔ 'sloa 'ɔnɛɛ diɛweli -ɛ zizɔ- nɛ "ku -godogodo -wɛ 'dɛ.

Wlomɛnya 16:26

"Ne -dɛmeda, 'wa "zo- -zle "ku gbɛklɛklɛ, zaa, 'nyakpa 'klekle -wa "ne zufonya 'waa -wɛ yi "guɔkwɔmenya 'na "bɔgo "me yibhlele-. Lagɔ -ɔ -le 'ce -godogodo -wɛ -no -lɔ -gbɔ 'wa yibhlele- -se 'nyakpa 'klekle "kɔ 'dleku 'kɛle-, -se 'wa "kɔ 'plome "zo.

Wlomɛnya 5:6

'Diɛɛ, -sɔɔdɛku, -a "ne nɛ -ayi 'bhɛle- -wɛ, Klise "ku- 'nyakpa -nyɛnyea za, -dee Lagɔ 'dile- -wɛ yɛ -lɔ.

1 Kolɛtenya 9:17

'Mɔɔ kɛ nɛ -kɛ "ɛ libhɔ ne -tɔ, 'e yi nɛ no -gbɔ 'wa 'peɛle -ame. -Mɔ, -bɛɛ' 'na -ye 'e "kɛ no "kle yɛ -lɔ, zaa, 'e 'yi no.

Galatenya 4:4

-Sɔɔdɛku, "tɛnye -ylɛ lɛ ne, Lagɔ -lebhe 'ɔ Yowli. 'Ŋɔnɔ -gwɛlo -lɔ "ne 'ɔ "zo me nɛ Moyize 'na -Lɔ 'plome.

Efɛzenya 1:10

-Ɛ "kɛ -noɔ -wɛ, Lagɔ 'yɔbhɔ nɛ -gbɔ 'ɔ 'cɛ yli -ye 'ɔ -sɛ lɔbhɔ -wɛ "me nole. 'Ɔ "kɛ -ɛ -ko "nɔgɔ "me 'klekle, "ne dodo ne "ku 'wli 'yabha-, "cifi -bholo -kpee, Klise zɔ.

Efɛzenya 2:17

'Ɔ -yi -se 'ɔ "kɛ 'Denaade -ɛ 'nyɛ "kuwɛtɛ 'anye -wa tlo nɛ 'dɛ, "ne -wa "ne 'lelee dɛtlo -wɛ 'wɔ "bhaa -sɛle.

Filiponya 1:13

-Dɛmeda, 'Kamalenyɔ "yitɔ 'na sueme 'na -konya 'klekle, "ne -glɔku 'na 'nyakpa 'klekle -yi -la -dɛme 'sɛ -gbɔ 'e -Lɔbhɔ Klise "ku 'na 'ylime za 'e -ko -lɔ -jiɛ "me.

Kolɔsenya 1:23

-Mɔ, 'a "tamale- "me 'dlekukɛleɛ "me. 'A te 'se 'Denaade 'guɔ 'ylile-: 'Ɛyi -ye -a "tɛle- -lɔ 'dle. 'Wa -sɛle -wa -ko dodo ne "ku 'klekle -wɛ 'de, 'a 'no -me "me, "ne -ame Pɔle, 'e yi -lɔ "ɛ 'Denaade ne 'na "kulɔbhɔnyɔ "zo.

Kolɔsenya 1:6

"Ɛ 'Denaade ne tlo -lɔ bhi, "ne 'ɛ 'ŋwɛne -lɔ -glɔ 'klekle "ku. "Ɛ sɛbhele -wɛ 'ye 'ɛ -ko -me -lɔ 'anyɛɛ mɛce, -se 'wa "mɔ 'awɔ 'anye Lagɔ 'na -jɔlo -de -sɛle ne, "ne -se 'a "mɔ 'awɔ "me 'no -gbɔ Lagɔ -wa 'anye 'diɛɛ.

1 Tesalonikenya 2:4

-Mɔ, Lagɔ -yi sɛ -gbɔ -a 'bhɛle- 'ɛza 'ɔ -tle -lɔ -anye 'ɔnɛɛ 'Denaade yɔko, zaa, -ye -a bhulɛ -wɛ 'ɛ "ne no -gbɔ -a "kɛ 'nyakpa -gɛ 'namale- za yɛ. -Mɔ, -a "kɛ Lagɔ -ɔ -gɛ 'dlezɔ 'yli -wɛ -gɛ 'namale-.

1 Timote 1:1

-Ame, Pɔle, Zezu Kli 'na "kɔlepɔnyɔ 'ye 'e -noɔ -lɔ, sɛko -wɛ, Lagɔ, -ɔ -noɔ -anyɛɛ "fuɔnyɔ yɔ, "ne Klise Zezu -ye -a "tɛle 'dle -wɛ -no -lɔ -gbɔ 'e "zo.

1 Timote 1:11

"Ɛ sloaweli -wɛ, 'Denaade -ɛ sloa -anye Lagɔ 'na 'ŋlumeɛ 'dɛ -wɛ "me 'ye 'ɛ -ko -lɔ. "Ɛ Lagɔ -ɔ 'yɔbhɔ -anyɛɛ -jɔlo -wɛ, -ɔ 'tle- -lɔ -ame 'ɛ 'Denaade ne yɔko.

1 Timote 2:3

-Bɛɛ' 'na -ɛ 'nɛne- -anyɛɛ Fuɔnyɔ Lagɔ -gɛ -wɛ -lɔ.

1 Timote 4:10

"Naa-, -a no libhɔ "nyɛnye "ku, "ne -a "tɔtɔle -ayikɔ, sɛko -wɛ, -a "zo- -anyɛɛ 'dlekukɛleɛ Lagɔ -ɔ -yɛ gbligbli -wɛ "me. "Naa-, 'ɔ -noɔ -lɔ 'nyakpa 'klekle 'na Fuɔnyɔ yɔ, -mɔ, 'wa -kɔ 'dleku -wɛ -nɔ yɔ -lɔ tiaa.

2 Timote 4:17

-Mɔ, Anyinɛnyɔ "bhaa -a -kole "ku za, 'ɔ "tamalea- -ame 'kwɛme. "Ne 'e yi -lɔ Anyinɛnyɔ 'na 'Denaade sloa-. 'Nyakpa 'klekle -wa "ne Zufonya 'waa -wɛ no- "me. 'Ɛ -sɛ -lɔ -ame gbi 'nu.

Tite 2:10

'Wa te -kɛ 'wiyli, -se 'wa ko -kɛ -kpee -godogodo, -see 'wanɛɛ "bhenya "koa -kɛ 'dleku -kɛle -wɛ 'nasɛ. -Se nonoli 'klekle "me, 'wa "kɛ -kɛ 'Fuɔnyɔ Lagɔ 'na sloaweli 'ŋlu kwa-.

Tite 2:13

'A -ya no "ɛ -li -wɛ 'wɔ -kaa -se zle "namanɔ -ye -a tɛle- 'dle -wɛ "kɛ 'ce yi. "Ɛ -zle -wɛ, Lagɔ "yitɔ, "ne "Bhenyɔ Zezu Kli 'wa "kɛ 'ce -lɔ 'wayi -klɔgbɔsɛ 'nyakpa 'ylime 'tua.

'Ylikloylɛleweli 14:16

"Ne -ɔ 'gli- "ɛ 'nɔgɔjatlɛ "me -wɛ yi -lɔ -bhaka "me 'pɔ, "ne 'ɔ yi -lɔ -ɛ -ko dodo "ku 'klekle -wɛ 'di.