Matie 4:3 - Nouveau Testament bété de Gagnoa

³ "Ne "ɛ Sata yi -lɔ Zezu yɔko 'nyiɔ-, "ne 'ɔ yu -lɔ bhulɛle- nɛɛ: «-E kɛ 'diɛɛ Lagɔ 'na Yu yɔ, bhulɛle- "ɛ 'tiyi ne 'wɔ -se 'ɛ "kɛ "fɔlɔ "me 'ylile-.»

Matie 4:3 Iomraidhean Croise

Matie 14:33

"Ne 'ɔnɛɛ gɛlenya -wa -ko nɛ "ɛ gɔlo "me -wɛ yu -lɔ -kokomini 'yliku "pɔle "ne 'wa yu -lɔ no nɛɛ: «'Diɛɛ, Lagɔ 'na yu 'ye -e -noɔ -lɔ.»

Matie 16:16

Simɔ Piɛle "kɛ weli "ku 'libhi ne, 'ɔ nɛɛ: «Klise 'ye -e -noɔ -lɔ, -yɛyɛ Lagɔ 'na Yu.»

Matie 26:63

-Mɔ, Zezu -tli "ku. "Ne bɔbɔnyɔ "yitɔ yi -lɔ no- nɛɛ: «Anyinɛnyɔ Lagɔ, -ɔ -yɛ lɛ 'na 'tɔ "me 'ye 'e bhulɛle lɛ -eyi, plele- -anye weli kɔ! Klise, Lagɔ 'na Yu 'ye -e -noɔ bha?»

Matie 3:17

"Ne weli yi -lɔ "nɔgɔ "me 'bhale- nɛɛ: «-Ɔne 'neɛ -wawayu yɔ -lɔ, 'ɔyi 'ye 'e -sɛ -lɔ 'ŋwɛnɛsɛ "ku lɔbhɔ.»

Malke 1:1

Dɛne Lagɔ Yowli Zezu Kli 'na 'Denaade 'cile lɛ "ku.

Malke 3:11

-Se zuzu -nyɛnyea 'ye Zezu 'ylime 'yiɛ -wɛ ne, sɔbhɔ 'wa yu -lɔ 'bho yɔko "pɔle -ka. "Ne 'wa 'kpa -lɔ "me nɛɛ: «Lagɔ Yowli 'ye -e -noɔ -lɔ 'diɛɛ!»

Malke 5:7

'Ɔnɛɛ "mekpaweli -gɛ "mɛ -ce, 'ɔ nɛɛ: «-Ye -e 'yɔbhɔle bhɔ -ame "me 'a, Zezu, Lagɔ -ɔ zi "ku 'na yu? -Yaya -kɛ, Lagɔ 'na 'tɔ "me, te -kɛ -ame "nyɛnye no!»

Luke 1:35

"Ne "ɛ "nɔgɔzilɔ yi -lɔ Mali bhulɛle nɛɛ: «Zuzu Wlewle "kɛ -lɔ -eyi "ku 'kwlile-, "ne Lagɔ -ɔ zi "ku 'na 'bhɛloɛ "kɛ -lɔ -eyi "ku 'wale- sɛgbɛɛ zuzu: 'Ɛnɛɛ za, yu -ɔ "kɛ gwɛleɔ- -wɛ "kɛ 'ce -lɔ 'wlewle ko, "ne 'wa "kɔ 'ce -lɔ Lagɔ 'na Yu la.»

Luke 22:70

'Wayi 'klekle nɛɛ: «Lɔbhɔ 'na dɛku Lagɔ 'na Yu 'ye -e -noɔ bha?» "Ne 'ɔ yua -lɔ bhulɛle- nɛɛ: «'Anye 'nabhɛ 'anye no -lɔ nɛɛ 'ɔyi 'ye 'e -noɔ.»

Luke 4:3

"Ne "ɛ Sata yu -lɔ bhulɛle- nɛɛ: -E kɛ 'diɛɛ Lagɔ 'na Yu yɔ, bhulɛle- "ɛ 'tiyi ne 'wɔ -se 'ɛ "kɛ "fɔlɔ "me 'ylile-.

Luke 4:41

Zuzu -nyɛnyea 'bha- nɛ 'nyakpa -kwleyia keyi, "ne 'wa 'kpa nɛ -lɔ "me nɛɛ: Lagɔ 'na Yu 'ye -e -noɔ -lɔ! -Mɔ, 'ɔ "ne 'taloa- nɛ yi "ne 'wa kɛ 'gbo 'di, "naa-, 'wa -yi -see 'ɔ -noɔ Klise yɔ zɛ.

Luke 4:9

"Ne "ɛ Sata yu -lɔ Zeluzalɛme kɔme-, "ne 'ɔ yu -lɔ "Mebɔbɔlebhudu 'na "nɔgɔ didigbe 'vli kɔme-, "ne 'ɔ yu -lɔ bhulɛle- nɛɛ: -E "kɛ 'diɛɛ Lagɔ 'na Yu yɔ, 'gbeti.

Zezu Kli 'na 'Denaade ‑ye Zaa kɛle‑ ne lɛ 1:34

-Ɛwɛ 'klekle 'e 'ye- 'ylime, "ne 'e 'ye- 'ɛ dɛ; 'Ɛza 'e no -lɔ nɛɛ: 'Nyɔkpɔ ne, Lagɔ 'na Yu yɔ -lɔ 'diɛɛ.»

Zezu Kli 'na 'Denaade ‑ye Zaa kɛle‑ ne lɛ 1:49

Lɔbhɔ 'ye Natanayɛle -bhulɛlo -lɔ nɛɛ: «"Bhenyɔ, Lagɔ Yowli 'ye -e -noɔ -lɔ, "ne -e -noɔ 'lelee -lɔ Izlayɛle 'na -klɔgbɔnyɔ yɔ.»

Zezu Kli 'na 'Denaade ‑ye Zaa kɛle‑ ne lɛ 20:31

'Ɛnɛɛ -ɛ kɛleɔ- ne, 'a 'cɛ 'dleku kɛle- -gbɔ Zezu -noɔ -lɔ Lagɔ Yowli yɔ, "ne 'ɔɔ -noɔ -lɔ 'Fuɔnyɔ yɔ. Zaa, 'a 'cɛ 'dleku -kɛ, 'a yi 'ce zikpɛ 'na -ɛ -ka "kubhiɛ -wɛ yle, 'ɔnɛɛ -tɔ "me.

Zezu Kli 'na 'Denaade ‑ye Zaa kɛle‑ ne lɛ 9:35

Zezu 'no- "me -gbɔ Faliziɛnya -kpeti "ɛ -kpelɔbhɔnyɔ -ɔ -yamale -wɛ. 'Ɛnɛɛ za, Zezu yu -lɔ "bhle yle, "ne 'ɔ yu -lɔ lo 'yɔbhɔ nɛɛ: «-Eyi, -e -kɛ bhɔ 'Nyɔkpɔ Yowli 'dleku 'a?»

Nonoli 9:20

"Ɛ doɔ cuu ne, 'ɔ 'ci- Lagɔweli 'na -sloa -ku, "mebhubhɔlebhudu "me. -Sɛne 'ye 'ɔ no 'awɔ -lɔ nɛɛ: Zezu -noɔ -lɔ Lagɔ Yowli yɔ.

2 Kolɛtenya 1:19

Silase, Timote, "ne -ame, Lagɔ Yowli, Zezu Kli 'na "kukoweli 'na 'de 'ye -a -sɛle -lɔ 'anye. "Naa-, Zezu "ne «-Ɛɛ» yɔ "ne 'ɔ "ne «'Bhɔ» yɔ, -mɔ, «-Ɛɛ 'ye 'ɔ -noɔ 'ce -lɔ -godogodo.»

Galatenya 2:20

'E -yɛ, -mɔ, -ame, "mɔ "ne -la -yɛ, Klise -yɛ -la -lɔ -ame "me. -Dɛmenadɛ "ku, 'neɛ zikpɛ -ye 'e -ko -la -dɛme "ku ne, Lagɔ 'na 'Yu 'na 'dlekukɛleɛ "me 'ye 'e -sule -lɔ 'neɛ zikpɛ, 'ɔyi -ɔ -wa -ame, "ne -ɔ -ple 'ɔnɛɛ zikpɛ 'neɛ za -wɛ.

1 Tesalonikenya 3:5

'Ɛnɛɛ za, 'e "ne nɛ -da 'bhɛle- -se 'e "kɛ wo. "Ne 'e yi -lɔ Timote 'lebhe- -se 'ɔ "kɛ 'anyɛɛ 'dlekukɛleɛ 'na 'de -ame -sɛle. 'E gu nɛ -bɛɛ' -bholo -gɛ zɛ. "Mebeanyɔ -no -ka -lalɛce 'anye ylo, -a te nɛ -kɛ "fu kɔ ylɔ- zɛ.

Eblenya 12:16

'A luɔ- -kɛ! 'Kpɛtɛklinya "bhaa 'a te -kɛ go-! 'A te -li -ɛ -ko 'wlewle -wɛ 'plome -sɛ, sɛgbɛɛ Ezayu, lilɛslɔ -bholo za, 'ɔ 'pɔ- 'awɔ 'ɔnɛɛ "yitɔzoɛ 'pɔlo "ku!

Eblenya 4:14

-A -kɛ bɔbɔnyɔ "yitɔ, -ɔ zi "ne -ɔ -ylɛ Lagɔ yɔko: Zezu yɔ -lɔ, Lagɔ Yowli. Zaa, -anyɛɛ 'dlekukɛleɛ -a kɛle kɔ -se 'ɛ "tamale- -kɛ "me kpɛnyee.

Eblenya 7:3

'Ɔ "ne 'to -kɛ, 'ɔ "ne "nɔ -kɛ, 'ɔ "ne ŋeyi -kɛ, 'ɔ "ne gwɛle -yli -kɛ, "ne 'ɔ "ne "ku -yli -kɛ. 'Ɔ 'wlole- Lagɔ Yowli, bɔbɔnyɔ yɔ -lɔ -godogodo 'na dɛ.

1 Zaa 3:8

'Nyɔkpɔ kɛ 'nyinyonoli no, Sata -nɔ yɔ -lɔ, "naa-, "kucidɛku, Sata, 'nyinyonolinonyɔ yɔ -lɔ. -Ɛwɛza, Lagɔ Yowli -yi -lɔ -se 'ɔ "kɛ Sata 'na nonoli "ku 'bhia.

'Ylikloylɛleweli 2:10

Te -kɛ 'gbapegbapeɛ -ɛ 'ylile -eyi lo -wɛ -gɛ 'gu, fo 'yukwli, Sata yi 'anyɛɛ 'glɛme 'na -bedia -jiɛ "me 'pɔ, -se 'wa "kɛ 'anye "me 'bea. 'A yi 'ce 'gbape 'yli kogbɔ 'na dɛ, -kɛle 'dletɛleɛ -kaa -neɛ' 'kwiɛ. -E 'cɛ -no, 'e yi 'ce -eyi zikpɛ 'na -ɛ -ka "kubhiɛ "nyɛ sɛgbɛɛ -klɔgbɔ-dagbulɛ.