Matie 1:1 - Nouveau Testament bété de Gagnoa

¹ Zezu Kli 'na 'gwɛlenya 'na "kukoweli ne lɛ: Zezu Kli, Davide 'na yu 'na yu yɔ -lɔ "ne Davide, Ablame 'na yu 'na yu yɔ -lɔ.

Matie 1:1 Iomraidhean Croise

Matie 1:18

Zezu Kli 'na -see 'wa -gwɛlo 'na weli ne lɛ: 'Ɔ "nɔ Mali, 'wa 'tebhe- 'awɔ -lɔ Zozɛfo "ku, -mɔ, 'wa -namlɛ nɛ "ku 'kole- "ne Zuzu Wlewle 'na 'bhɛloɛ kɔ, Mali yi -lɔ go 'ye.

Matie 1:2

Ablame -gwɛle -lɔ Izake, "ne Izake yi -lɔ Zakɔbo gwɛle-, "ne Zakɔbo yi -lɔ Zuda -nyɛ 'ɔ "nowlia 'wɔ "bhaa gwɛle-.

Matie 15:22

Cuu ne, Kana 'na 'ŋɔnɔ -ɔ 'glile "ɛ -glɔ -wɛ "me -wɛ -yi -lɔ Zezu 'sibhɔle- -ka, "ne 'ɔ 'kpa nɛ -lɔ "me nɛɛ: "Bhenyɔ, Davide Yowli, -yaya "pɔ 'na 'nyɛzedle! -Ame 'yɔŋɔ 'gbape, zuzu -nyɛnye liɔ 'yalɛ, "ne 'ɛ "ne me "bhle gou.

Matie 3:16

Zezu -yle lɛ batɛme "bhuɔ ne, 'ŋu "me 'ye 'ɔ 'bha- -lɔ. "Ne "nɔgɔ "me yi -lɔ nuɔ 'diɔ, "ne 'ɔ yi -lɔ Lagɔ Zuzu -ɛ 'bhale "nɔgɔ "me -wɛ 'ylime 'ye sɛgbɛɛ -kobhlele, "ne 'ɔ yu -lɔ "ku 'kwile-.

Matie 9:27

-Sɔɔdɛku Zezu -ko nɛ me dɛku -wɛ, -kpelɔbhɔnya "sɔ -bhlu 'beku "ne 'wa 'kpa nɛ -lɔ "me nɛɛ: «Davide yowli, "pɔ -anyɛɛ 'nyɛzedle.»

Luke 1:33

«'Ɔ yi 'ce Zakɔbo 'na -gligbɛ kamalea- -godogodo, "ne 'ɔnɛɛ 'kamaleɛ -ka 'ce "kubhiɛ.»

Zezu Kli 'na 'Denaade ‑ye Zaa kɛle‑ ne lɛ 7:42

Lagɔbɔgo "ne bhɔ -no -gbɔ Davide 'na ŋeyi "me, Beteleɛme, "du bhueyi -mee Davide 'bhale -wɛ 'ye Klise "kɛ 'bhale- 'a?»

Nonoli 2:30

-Mɔ, Davide, "guɔkwɔmenyɔ yɔ 'awɔ -lɔ, "ne 'ɔ -yi 'awɔ sɛ -gbɔ Lagɔ -plolo 'awɔ weli kɔ nɛɛ: 'E yi 'ce -neɛ' yu 'na yu -neɛ' 'leyli- -gbɔglo "ku 'jilɛ.

Wlomɛnya 1:3

'Ɛ bhulɛ 'ɔ Yowli 'na weli, 'nyɔkpɔ sɛku, 'ɔ 'to 'ɔ 'to Davide 'na -gligbɛ "ku 'wa 'gwɛlelo -lɔ.

Wlomɛnya 4:13

Lagɔ -plele Ablame -nyɛ 'ɔnɛɛ ŋeyi "bhaa weli kɔ -gbɔ 'ɔ yua ce dodo "nyɛ "ne 'ɛ yi 'wanɛɛ "zo. -Mɔ, "ɛ weli -ye 'ɔ -ple ne, 'ɛ "ne -kɛ -gbɔ Ablame "zo- -Lɔ 'plome za yɛ. 'Ɔ -ple weli, -sɛko -wɛ, 'ɔ -yibhlele Ablame "meŋwinɛlenyɔ "ku, 'ɔnɛɛ 'dlekukɛle 'na 'ylime.

Wlomɛnya 9:5

'wa 'to 'wa 'to 'wɔ 'ŋlumenya "yitia 'waa -lɔ. 'Wanɛɛ -gligbɛ "ku 'wa -gwɛlele -lɔ Klise 'nyɔkpɔ sɛku, 'ɔyi, -ɔ -noɔ Lagɔ yɔ "ne -ɔ zi "ku 'klekle. 'Ɔ me 'ŋlu -godogodo! Amɛn.

Galatenya 3:16

"Ɛ sɛbhele -wɛ 'ye Lagɔ -plele -lɔ- Ablame weli kɔ 'ɔ -nyɛ 'ɔnɛɛ yu 'na yu "bhaa Zenɛ 12.7. Lagɔbɔgo -na kɛ no -gbɔ -ye 'ɔ "kɛ 'gwɛle -wɛ 'wɔ 'waa, sɛgbɛɛ 'nyakpa -kwleyia 'wa ga. 'Bhɔ 'nyɔkpɔ -bholo -kpee 'wa 'galɔ. Sɛne 'ye 'ɛ lɛ -lɔ nɛɛ: «'Neɛ yu 'na yu.» "Ɛ 'nyɔkpɔ -wɛ, Klise yɔ -lɔ.

1 Timote 2:5

"Naa-, Lagɔ -yle bholo -kpee, "ne -ɔ gbɔ 'nyakpa 'na dɛ Lagɔ yɔko -yle me 'lelee bholo, 'ɔ pa- -lɔ Zezu Kli, -ɔ yli 'nyɔkpɔ "me,

2 Timote 2:8

-Neɛ' 'dle sibhɔ Zezu Kli "ku: 'Ɔ 'wlo- gluzɔ. -Klɔgbɔnyɔ Davide 'na -gligbɛ "ku 'wa -gwɛlelo -lɔ. 'Ɛ -noɔ -lɔ 'Denaade -ye 'e sɛ ne yɛ.

'Ylikloylɛleweli 22:16

-Ame Zezu, 'e -lebhe 'na "nɔgɔzilɔ -se 'ɔ "kɛ Lagɔgligbɛ "me 'na 'nyakpa bhulɛle- -gbɔ "ɛ weli -wɛ 'klekle 'diɛɛ yɛ -lɔ. -Klɔgbɔnyɔ Davide 'na ŋeyi "me 'ye 'ɛ 'bhale -lɔ "ne 'e -noɔ -lɔ 'ɔnɛɛ -gligbɛ "ku 'na yu yɔ, -mɔɔ -noɔ -lɔ 'zegbakpɔme 'na -zeli -ɛ 'le -wɛ yɔ.