Luke 9:48 - Nouveau Testament bété de Gagnoa

⁴⁸ "Ne 'ɔ 'bhulɛloa -lɔ nɛɛ: «-Ɔ kɛ 'neɛ 'tɔ "me 'ɔyi yu ne yɔko lale- ne, -ame 'ye 'ɔ -no -lɔ -li 'na -li 'wli. -Ɔ -no -ame -li 'na -li 'wli -wɛ, -ɔ -lebhe -ame -wɛ, 'ye 'ɔ -no -lɔ 'wli. 'Anye 'klekle 'glɛme 'na -ɔ kwliale 'ɔyi "ku -wɛ, -noɔ -lɔ "yitɔ yɔ.»

Luke 9:48 Iomraidhean Croise

Matie 18:10

'A te 'ce yua ne 'ylime 'flale-. "Naa-, 'wanɛɛ "nɔgɔzilia -ko 'ce -godogodo -ame To -ɔ -ko "nɔgɔ "me -wɛ yɔko zɛ!

Matie 18:14

Sɔbhɔ, 'a To -ɔ -ko "nɔgɔ "me -wɛ 'yɔbhɔ -lɔ -gbɔ yua ne 'glɛme 'na -bholo te 'ce 'kwlɛ bhli gou.

Matie 19:28

"Ne Zezu yua -lɔ bhulɛle- nɛɛ: «Gbɛklɛklɛ 'ye 'e bhulɛle lɛ 'anye, -zle zikpɛ -lele kɛ 'ce -yi, lɔbhɔ 'Nyɔkpɔ Yowli "kɛ 'ce -lɔ 'ɔnɛɛ 'leyli -gbɔglo "ku 'gli. "Ne 'anye -wa -gɛle -ame -wɛ, 'a "kɛ 'ce -lɔ -gbɔglo kogbɔ "sɔ "ku 'gli, "ne 'a "kɛ 'ce -lɔ Izlayɛle 'na -gligbɛwli kogbɔ "sɔ 'gbobhlele-.

Matie 25:40

"Ne "ɛ -klɔgbɔnyɔ "koa -lɔ bhulɛle- nɛɛ: Gbɛklɛklɛ 'ye 'e bhulɛle lɛ 'anye, -ye 'a -no "ɛ yua -wɛ -wa -noɔ -ame "nowlia 'waa 'na 'glɛme 'na -bholo 'wli -wɛ, -ame 'ye 'a -no -lɔ 'wli!

Matie 25:45

"Ne "ɛ -klɔgbɔnyɔ "koa -lɔ bhulɛle- nɛɛ: Gbɛklɛklɛ 'ye 'e bhulɛle lɛ 'anye. -Sɔɔdɛku 'a "ne yua -wɛ 'glɛme 'na -bholo -li 'na -li 'wli -no -wɛ, -ame 'ye 'a "ne -lɔ 'wli -no.

Malke 9:37

«'Nyɔkpɔ 'na -ɔ kɛ yua glɛme 'na -bholo 'tee 'sa- 'neɛ 'tɔ "me, -ame 'ye 'ɔ 'sa- -lɔ 'tee. "Ne 'nyɔkpɔ 'na -ɔ 'sa- -ame 'tee -wɛ, -ame 'ye 'ɔ "ne 'tee 'sa-, -mɔ, -ɔ -lebhe -ame -wɛ 'ye 'ɔ 'sa- -lɔ 'tee.»

Luke 10:16

-Ɔ 'fo 'anye 'yukwli -wɛ, -ame 'ye 'ɔ -fo -lɔ 'yukwli. "Ne, -ɔ sɛ 'anyɛɛ lo -wɛ, 'neɛ lo 'ye 'ɔ sɛ -lɔ. -Mɔ, -ɔ sɛ 'neɛ lo -wɛ, -ɔ -lebhe -ame -wɛ 'na lo 'ye 'ɔ sɛ -lɔ.

Luke 14:11

"Naa- 'nyɔkpɔ 'na -ɔ libhi 'ɔyi 'wli "ku -wɛ, yi 'ce "ku 'kwlialeɔ-, "ne 'nyɔkpɔ 'na -ɔ 'kwlialea 'ɔyi "ku -wɛ yi 'ce 'wli "ku libhiɔ-.

Luke 22:26

'Anyɛɛ dɛku, sɔbhɔ 'na -bɛɛ' te 'ce 'anye 'glɛme ylɛle-. "Yitɔ 'kwlialea- 'ɔyi "ku, -se -ɔ kamalea -wɛ "zo "kulɔbhɔnyɔ.

Luke 22:30

'Ɛ kɛ soɔ -ko, 'anye 'wɔ "bhaa -a yi 'ce 'gɔme lile- "ne -a yi 'ce 'gɔme "nɔmɔle 'neɛ 'Kamalezikpɛ "me, "ne 'a yi 'ce leyli-gbɔglo "ku 'gli, -se 'a "kɛ Izlayɛle 'na -gligbɛwli kogbɔ "sɔ 'gbobhlele-.»

Luke 7:28

'E bhulɛle 'anye nɛɛ: 'Ŋɔnɔ 'na yua 'glɛme 'na -bholo "ne 'kpɔ "ne 'ɔ "kɛ Zaa "ku -zi. 'Ɛ -ko "ɛ soɔ ne, 'ɔ -noɔ Lagɔ 'na 'Kamalezikpɛ "me 'na yu yɔ -wɛ, 'kpɔ "ne 'ɔ -zu "ku.

Zezu Kli 'na 'Denaade ‑ye Zaa kɛle‑ ne lɛ 13:20

-Ɛɛ, gbɛklɛklɛ 'ye 'e bhulɛle lɛ 'anye nɛɛ: 'Nyɔkpɔ kɛ -ye 'e -lebhe -wɛ 'tee 'sa-, -ame 'ye 'ɔ 'sa- -lɔ 'tee, "ne -ɔ kɛ -ame 'tee 'sa- ne, -ɔ -lebhe -ame -wɛ 'ye 'ɔ 'sa- -lɔ 'tee.»

Zezu Kli 'na 'Denaade ‑ye Zaa kɛle‑ ne lɛ 14:21

'Nyɔkpɔ kɛ 'neɛ gbagbɛ kɔ -kɛ, "ne 'ɔ 'cɛ 'plome "zo ne, 'ɛ nyɔ -wɛ, -ame 'ye 'ɔ -wa -lɔ, "ne -ɔ -wa -ame -wɛ, -ame To yu 'ce wamale-, "ne -ame 'e yu 'ce 'lelee wamale- -me. "Ne 'e yu 'ce -ayi 'ylime tua-.»

1 Tesalonikenya 4:8

Sɛko -wɛ, -ɔ sɛ 'demezoweli 'na lo -wɛ, 'nyɔkpɔ 'na lo 'ye 'ɔ 'na kɛ -sɛ, -mɔ, Lagɔ 'ɔyi -ɔ 'nyɛ- 'anye Zuzu Wlewle -wɛ 'na lo 'ye 'ɔ sɛ -lɔ.

1 Piɛle 5:6

'A 'kwlialea- 'ayi "ku, Lagɔ 'na 'bhɛloɛ 'yliku, -se 'ɔ "kɛ 'anye 'wli "ku 'libhi -zle lɔbhɔ kɛ 'ce -ylɛ.

'Ylikloylɛleweli 21:14

"Ɛ 'du 'na 'tiyi -ye 'kpɛ 'gli- ''ku -wɛ -yle 'awɔ kogbɔ "sɔ, 'bhlɛbhlɛyu 'na "kɔlepɔnya kogbɔ "sɔ 'na 'tɔ kɛleɔ- "klo.

'Ylikloylɛleweli 3:21

-See -ame, 'e 'to- 'wli "ku "ne 'e yi -a To yɔko 'gli -ka me 'ɔnɛɛ -klɔgbɔ-gbɔglo "ku -wɛ, sɔbhɔ 'ye -ɔ -to 'wli "ku -wɛ, 'e "kɔ 'ce 'lelee -lɔ -ayi yɔko 'jilɛ 'neɛ -klɔgbɔ-gbɔglo "ku.