Luke 9:26 - Nouveau Testament bété de Gagnoa

²⁶ "Naa-, 'e kɛ 'nyɔkpɔ 'zu "ku -le "ne 'na weli kɔ 'zu "ku -le -me, -zle 'Nyɔkpɔ Yowli kɛ 'ɔnɛɛ 'ŋlu "me -yile 'ɔ 'to Lagɔ "ne "nɔgɔzilia 'wɔ "bhaa, -ame, 'Nyɔkpɔ Yowli, 'e yi 'ce 'ɔnɛɛ za zu plɛ -me.

Luke 9:26 Iomraidhean Croise

Matie 16:27

"Naa-, 'Nyɔkpɔ Yowli yi 'ce 'ɔ To 'na 'ŋlu "me yi 'ɔnɛɛ "nɔgɔzilia 'wɔ "bhaa, "ne 'ɔ yi -ɔkɔkokɔko 'na -ye 'ɔ no -wɛ 'na 'peɔloɛ "nyɛ.

Matie 25:31

Zle 'Nyɔkpɔ Yowli "kɛ 'ce -klɔgbɔsɛ -yi, 'ɔnɛɛ "nɔgɔzilia 'wɔ "bhaa, 'ɔ yi 'ce 'ɔnɛɛ 'leyli-gbɔglo "ku 'gli -klɔgbɔsɛ.

Matie 26:64

Zezu nɛɛ: «-Mɔɔ 'gbɔ -kɛ -lɔ sɔbhɔ. -Mɔ, 'e bhulɛle -dɛme 'anye nɛɛ: 'A yi 'Nyɔkpɔ Yowli 'ylime 'ye, 'ɔ 'gli- Lagɔ -ɔ 'bhɛle- -li 'klekle 'na lilikwlɛ -gbɔsɔ "ku. 'Ɔ yi 'ce "nɔgɔjatlɛ "me 'kwlile-.»

Malke 8:38

-Dɛme 'na 'nyakpa -wa no 'nyinyonoli "ne 'wa 'glɛ Lagɔ keyi, "ɛ 'nyakpa -wɛ 'yliku, 'e kɛ 'nyɔkpɔ 'zu "ku -le, "ne 'na weli kɔ 'zu "ku -le -me, -zle 'Nyɔkpɔ Yowli kɛ 'ce 'ɔ To 'na 'Kamalezikpɛ "me -yi, nɔgɔzilia 'wɔ "bhaa, -ame, 'Nyɔkpɔ Yowli, 'e yi 'ce 'ɔnɛɛ za zu plɛ -me.»

Zezu Kli 'na 'Denaade ‑ye Zaa kɛle‑ ne lɛ 12:43

"Naa-, 'wanɛɛ dɛku, 'ŋlu -ɛ 'bhale 'nyakpa "me -wɛ 'nɛne "ne 'ɛ -zi Lagɔ -nɛ -wɛ "ku.

Zezu Kli 'na 'Denaade ‑ye Zaa kɛle‑ ne lɛ 5:44

'A -wa 'ŋlu kwakwaleɛ-, -mɔ, 'a "ne tɛle- 'ŋlu 'na -ɛ 'bhale Lagɔ -bholo -kpee "me -wɛ siɛ. Zaa, -see 'a "kɛ nɛ bhɔ 'dleku kɛle-?

Nonoli 10:22

"Ne 'wa yi -lɔ no nɛɛ: «Slojayu "yitɔ Kɔlenɛye, 'nyɔkpɔ 'na -ɔ 'ŋwinɛle- "me, "ne 'ɔ gu Lagɔ -gɛ, "ne Zufonya 'klekle bhulɛ 'ɔnɛɛ weli 'na -namanɔ, 'ɔyi -ye "nɔgɔzilɔ -bhulɛle -lɔ -gbɔ: -Nɛme Piɛle -neɛ' -bhudu "me, -se 'fo -ye 'ɔ "kɛ -eyi bhulɛle- -wɛ 'yukwli.»

Wlomɛnya 1:16

'E kɛ 'Denaade sɛ, -zu "ne lɔbhɔ -ame. 'Ɛɛ -noɔ -lɔ Lagɔ 'na 'bhɛloɛ -ɛ "kɛ -wa -kɛ 'dleku 'klekle fuɔ -wɛ yɛ, zufonya "bhuɔ, "ne -wa "ne zufonya 'waa -wɛ -ko -da -lɔ lɔbhɔ.

2 Kolɛtenya 12:10

'Ɛ soɔ za, 'e 'nɛne -ayi -gɛ, 'kwɛme yɔleɛ "me 'yliyliɛ, 'kplɛkplɛɛ, 'gbape 'ye 'wa -gbapea -ame -wɛ "ne 'nyɔŋokuloɛ -ye 'e no Klise za -wɛ! 'E 'ŋunu 'ɛ gbo 'ŋwɛnɛsɛ. "Naa-, 'kwɛme -ka -ame yɔle-, lɔbhɔ -wɛ 'ye 'kwɛme "tamale -lɔ -ame -tiaa.

Galatenya 6:14

-Ame Pɔle, 'e yi 'ayi "kuzia -bɛɛ' -bholo za: Anyinɛnyɔ Zezu Kli 'na klowa -wɛ za. Klowa "klo zikpɛ ne "ku 'na -li kule- -lɔ 'neɛ za, -ame 'lelee, 'e "ku- -me -lɔ zikpɛ ne "ku 'na -li za.

1 Timote 5:21

'Wlo "ku -ye 'e 'yɔbhɔle 'ɛyi -tiaa 'noɔ -lɔ -gbɔ Lagɔ 'yliku, Zezu Kli 'yliku "ne "nɔgɔzilia 'yliku, te vi li -se "zo -ɛwɛ 'klekle 'plome. -Se te 'nyakpa "me dlidlile-.

2 Timote 1:12

'Ɛnɛɛ za 'e 'gbape -lɔ -dɛme ne, -mɔ, zu "ne 'lɔbhɔ -ame. "Naa-, 'e -yi -ye 'e "zo- 'neɛ 'dlekukɛleɛ "me zɛ. "Ne 'e -kɛ 'dleku -gbɔ Lagɔ 'ɔ -kɛ 'bhɛloɛ -se 'ɔ "kɛ -ye 'ɔ kulɛle- -ame "ku -wɛ "klo -kole -kaa zikpɛ 'na "kubhiɛ -zle.

2 Timote 2:12

Klise "bhaa -a kɛ 'gɔme gbapele- ne, -a yi 'ce 'gɔme -klɔgbɔ 'pɔle. Zaa, -a kɛ 'ɔ lo -sɛ ne, 'ɔyi 'ce 'lelee -anyɛɛ lo -sɛ -me.

Eblenya 11:26

Ezipte 'na -klɔgbɔ 'kpɔ- 'awɔ. -Mɔ, Moyize 'na dɛku, 'wa "kɔ 'yli-, ŋwlɛŋwlɛyu 'na -see 'wa "kɔ 'yli- -wɛ, 'ɛ 'kpɔ "ne 'ɛ zi "ku. "Naa-, 'yuku 'ye 'ɔ wlo 'awɔ lɛ -ce, -me 'peɛleɛ -ɛ "kɛ yi -ko -wɛ.

Eblenya 13:13

Zaa, -a 'wlo zɔ, -se -a "kɔ -pi keyi 'sibhɔle- -ka me, 'wa kɛ -anye 'yli ne, -a 'ŋunu "ku Zezu 'nasɛ.

Zude 1:14

Enɔke, -a To 'wa To 'wɔ 'na 'wukwɛ -gbɔɔsɔ nɛ, Ada 'bha- lɛ lɔbhɔ "bhuɔ ne, 'ɔ -bhulɛ 'ce "kle "ɛ 'nyakpa -wɛ 'na "kukoweli, 'ɔ nɛɛ: «'A -gɛyli, Anyinɛnyɔ yi yi, 'ɔ -nyɛ "nɔgɔzilia 'na 'gbagboa "bhaa.

'Ylikloylɛleweli 1:7

'A -gɛ 'yli: "nɔgɔjatlɛ "me 'ye 'ɔ 'bhale -lɔ, -Se 'nyakpa 'klekle "kɔ 'ylime 'ye, -wa 'pɔ- li -wɛ 'nabhɛ. 'Ɔnɛɛ 'tɔ "me, dodo ne "ku 'na ŋeyi 'klekle 'nyɛze yua 'lɔbhɔ. 'Diɛɛ! Amɛn

'Ylikloylɛleweli 20:11

Zaa, 'e 'ye- 'leyli-gbɔglo "yitɛ 'fɛɛ 'ylime, 'nyɔkpɔ gli- 'klo. Dodo "ne "nɔgɔ zizɔlo- 'ylime, 'wa "noa -la 'yli -gɛ.

'Ylikloylɛleweli 21:8

-Mɔ, -wa gu, -wa "ne Lagɔ 'dleku -kɛ, -wa no -li 'na "nyɛnye, 'nyakpalɔbhɔnya, 'gbozlɛnya, "gunya, -wa bɔbɔ "fu 'na Lagɔ, "ne yowlɛnya 'klekle, 'wayi -wɛ, -kosugbagbo "me -dee -biŋu -ɛ siɛ yɔko -ko -wɛ, 'wa "kɛ -lɔ 'gbapele-. 'Ɛɛ -noɔ -lɔ 'kwiɛ 'na ''sɔnɛ yɛ.

'Ylikloylɛleweli 3:5

Sɔbhɔ, -ɔ -to 'wliku "kɛ -lɔ "koti 'fɛɛ 'slu-, 'ɔnɛɛ 'tɔ -ɛ kɛleɔ- zikpɛ 'na "bɔgo "me -wɛ, 'e -cɛ "ku 'titli, -ame To 'yli "ku, "ne 'ɔnɛɛ "nɔgɔzilia 'yli "ku, 'e yu yibhlele- -gbɔ 'nyɔkpɔ ne 'neɔ yɔ -lɔ.