Luke 9:11 - Nouveau Testament bété de Gagnoa

¹¹ 'Nyakpa -yibhlele lɛ sɛ ne, "ne 'wa yu -lɔ 'beku bhli. Zezu sɛloa 'awɔ 'Kamalezikpɛ 'na "ku 'na weli "ne 'ɔ yamalea 'awɔ -wa 'yɔbhɔ -wɛ.

Luke 9:11 Iomraidhean Croise

Matie 12:15

Zezu 'no- lɛ "ɛ weli -wɛ "me ne, "ne 'ɔ yi -lɔ lɔbhɔ 'bha-. 'Nyakpa -kwleyia -wa -gɛlo -wɛ, 'ɔ -yamaloa 'klekle.

Matie 14:14

Zezu 'kwli- gɔlo "me zɔ, 'ɔ 'na 'wolo 'nyakpa -ko moɔ 'klekle, "ne 'nyɛze yu -lɔ 'lɔbhɔ. "Ne 'ɔ yi -lɔ 'wanɛɛ 'glɛme 'na 'gwizinya yamalea-.

Matie 21:31

'Wayi "sɔ 'glɛme 'na -ɔ "zo- bhɔ 'ɔ To 'plome 'a? -Ɔ -no bhɔ "ɛ 'ɔ To 'na libhɔ -wɛ 'a? 'Nyakpa -wɛ nɛɛ: «"Naa-, tɛkɛnɔ -wɛ.» Zezu nɛɛ: Gbɛklɛklɛ 'e bhulɛle lɛ 'anye, -lɛposanya "ne 'tutu 'ŋwenea -gɛ 'anyɛɛ za Lagɔ 'na 'Kamalezikpɛ "me 'na 'yuku.

Matie 21:43

«'Ɛnɛɛ za 'e bhulɛle lɛ 'anye nɛɛ 'wa yi 'ce Lagɔ 'na 'Kamalezikpɛ 'anye kɔ -sɛ, "ne 'wa 'yi 'ce 'nyakpa 'na -zakpɛ -wa "kɛ gbɔ "ne 'ɛ "kɛ bhi tlo -wɛ "ku kulɛle-.

Luke 1:53

Ŋɔŋolɔbhɔnya -plɔkɔle -me -la -za. "Ne -klɔgbɔnya 'biti 'kwlɛ "ne 'ɔ yua 'kpeti-.

Luke 5:31

Zezu yua -lɔ bhulɛle- nɛɛ: -Wa -yɛ -wɛ 'waa- -na 'nyakpononyɔ 'siɛ tɛle-, -mɔ, 'gwizinya 'tɛle -lɔ 'nyakpononyɔ 'siɛ.

Luke 8:1

'Ɛwɛ 'ple- lɛ "bhuɔ ne, Zezu me 'awɔ 'du "yitɛ "ne 'du 'tekeyi -wɛ 'wɔ "ku, "ne 'ɔ sɛle 'awɔ -lɔ Lagɔ 'na 'Kamalezikpɛ "me 'na 'Denaade. 'Ɔnɛɛ gɛlenya kogbɔ "sɔ

Luke 8:10

Zezu nɛɛ: 'Anye 'wa -slo -lɔ Lagɔ 'na 'Kamalezikpɛ "me 'na diɛweli -wɛ, -mɔ, 'wanɛɛ -wawɛ 'bhe- -lɔ nunɛ, "naa-, 'wa wlo 'siɛ, -mɔ, 'wa "ne -bɛɛ' 'yli -gɛ, 'wa no gbo, -mɔ, 'wa "ne -bɛɛ' "me -nyini.

Luke 9:10

"Kɔlepɔnya -zi -la lɛ 'wlizɔ ne, 'wa -sɛle Zezu -ye 'wa 'no- 'klekle -wɛ 'na 'de. Zezu laloa- gboji, 'du -ye 'wa la Bɛtesayida 'na pɛɛ -wɛ "ku.

Luke 9:12

Silɔ -ko 'yilɔ dɛku. "Ɛ kɔlepɔnya kogbɔ "sɔ -wɛ 'nyiɔ- Zezu yɔko "ne 'wa lɛ -lɔ sɛne nɛɛ: «'Nyɛ "ɛ -zakpɛ ne 'de, 'wa me godɛ siɛtɛle -ka 'du -wɛ 'wɔ "me. 'Ɛnɛɛ yɔko -wɛ 'wɔ lilɛ siɛtɛle -ka, -dee -a -ko ne, 'kɔsɛku yɛ -lɔ.»

Luke 9:2

'Ɔ -lobhoa -se 'wa "kɛ Lagɔ 'na 'Kamalezikpɛ biɛ-, -se 'wa "kɛ 'nyakpa yamalea-.

Zezu Kli 'na 'Denaade ‑ye Zaa kɛle‑ ne lɛ 4:34

"Ne Zezu yua -lɔ bhulɛle- nɛɛ: «'Neɛ lilɛ -noɔ -lɔ -gbɔ 'e no -ɔ -lebhe -ame 'na -ye 'ɔ 'yɔbhɔ, "ne 'e no 'ɔnɛɛ libhɔ -se 'ɛ bhiɛ 'wlizɔ.

Zezu Kli 'na 'Denaade ‑ye Zaa kɛle‑ ne lɛ 6:37

'Nyakpa 'na -ye -ame To 'je- -ame kɔ 'klekle -wɛ yi 'ce 'neɛ za yi, "ne -ɔ yi 'neɛ za -wɛ, 'e -kɔ 'ce 'kwlɛ "me "pɔ.

Nonoli 28:31

Pɔle -sɛle Lagɔ 'na 'Kamalezikpɛ "me 'na 'de -glɔnya, "ne 'ɔ -sloa nɛ -lɔ Anyinɛnyɔ Zezu Kli 'na "ku -kosɛ 'klekle 'nyakpa, 'ɔ "ne "gu nɛ "ne 'nyɔkpɔ "ne bhlu nɛ nuɔ "ku.

Wlomɛnya 10:14

-Mɔ, -see -e "kɛ bhɔ Anyinɛnyɔ -eyi lo lale- -e "mɔ 'dleku -kɛ 'a? "Ne -see -e kɛ bhɔ Anyinɛnyɔ 'dleku kɛle-, -e "mɔ 'ɔnɛɛ "kukoweli 'no- 'a? "Ne -see -e "kɛ bhɔ 'ɔnɛɛ "kukoweli 'no 'nyɔkpɔ "mɔ -eyi 'ɔnɛɛ 'de 'sɛle-,

Wlomɛnya 10:17

-Ye 'nyɔkpɔ 'no- "me -wɛ "zoɔ -lɔ 'dlekukɛlenyɔ "ne -ye 'ɔ 'no- "me -wɛ, Klise 'na bhulɛweli yɛ -lɔ.

Wlomɛnya 15:3

"Naa-, 'ɔyi, Klise, -ɛ 'nɛno -gɛ -wɛ 'ye 'ɔ "ne 'siɛ -tɛle. -Mɔ, Lagɔbɔgo nɛɛ: -Ye 'wa 'yli nɛ -eyi -wɛ, -ame -ye "ɛ weli -wɛ mele nɛ -lɔ "ku.

2 Timote 4:2

-Sɛ Lagɔ 'na 'Denaade, 'titliloa 'yukwli "me, -se 'ɛ "mɔ "me -ko "ne -se 'ɛ kɛ "me -ko, bhulɛ 'yiɛ, "tamaloa 'kwɛme -se 'wa kɛ 'gbi 'to ne, 'jijaloa 'wli, -se -gbɔtɔloa "ku, -se 'piɛ -kɛ "bhle 'dle -se -e "koa -kɛ sloa -godogodo.

Eblenya 4:16

Zaa, -a -ya kɛle- 'dleku, -a te "gu -se -a 'nyiɔ- Lagɔ 'na 'leyli -gbɔglo yɔko, lɔbhɔ 'ye -jɔlo -ko -lɔ. 'Ɔyi yɔko, 'ɔ yi -anyɛɛ 'nyɛze 'dle "pɔ "ne -a yi 'ɔnɛɛ -jɔlo yle, -se 'ɔ "kɛ -anye kwɛle- lɔbhɔ kɛ 'ce -ylɛ ne.