Luke 9:1 - Nouveau Testament bété de Gagnoa

¹ Zezu "zo- gɛlenya kogbɔ "sɔ 'wli. 'Ɔ 'nyoa- 'bhɛloɛ -se 'wa "kɛ zuzu -nyɛnyea 'klekle 'kpeti-, -se 'wa "kɛ 'gwizinya yamalea-.

Luke 9:1 Iomraidhean Croise

Matie 16:19

'E yi 'ce -eyi 'Kamalezikpɛ "me 'na 'safɛ kɔ 'je. -Ye -e kɛ 'ce dodo ne "ku -gbɛte, 'ɛ yi 'ce "nɔgɔ "me 'gbɛteɔ-, "ne -ye -e kɛ 'ce dodo ne "ku -vulu, 'ɛ yi 'ce "nɔgɔ "me vuluɔ-.»

Matie 4:24

'Ɔnɛɛ 'tɔ -ŋwɛne Sili 'na 'du 'klekle "ku, 'wa 'nɛmo -lɔ -wa 'gbape: -Ye gu 'klekle -ko "me -wɛ, "ne -ye zuzu -nyɛnyea -ko keyi -wɛ, 'wa -nyɛ sukusukulɔbhɔnya, "ne -wa "ne 'nɔŋo -wɛ 'wɔ "bhaa, "ne Zezu yamaloa -lɔ 'klekle.

Matie 8:9

"Naa- -ame 'e -kɛ 'neɛ "cifia 'wɔ -ye 'e "zo lɛ 'plome, "ne 'e -kɛ 'neɛ -wa "zo -ame 'plome. 'E kɛ -bholo -no nɛɛ: Me, me 'ye 'ɔ me -lɔ, "ne 'ɔnɛɛ 'ɔwɛ yi, yi 'ye 'ɔ yi -lɔ, "ne 'e kɛ 'neɛ "kulɔbhɔnyɔ no -gbɔ no -ɛne, no 'ye 'ɔ no -lɔ.»

Luke 10:1

'Ɛyi -wɛ "kɛ 'ple "bhuɔ ne, Anyinɛnyɔ -sɛ lɔbhɔ gɛlenya 'na glota yɛ 'kogbɔ "sɔ 'na -vinoa, "ne 'ɔ yua -lɔ 'lebhe- "sɔ "sɔ -gbɔ 'wa 'plo 'yuku, -se 'wa me 'du "yiti 'klekle "ku -nyɛ 'du -jejeyuɛ -wɛ 'wɔ "ku, -dee 'ɔyigɛsɛ "kɛ nɛ me -wɛ.

Luke 10:19

'E 'je 'anye 'bhɛloɛ kɔ -se 'a "kɛ tɛbhea -nyɛ gagagbitoa 'wɔ "ku 'nɔŋole-, 'wa -nyɛ gblenyɔ 'na 'bhɛloɛ 'klekle "bhaa, "ne -bɛɛ' -ka 'ce 'anye "nyɛnye 'wli no.

Zezu Kli 'na 'Denaade ‑ye Zaa kɛle‑ ne lɛ 14:12

-Ɛɛ, gbɛklɛklɛ 'ye 'e bhulɛle -lɔ 'anye: 'Nyɔkpɔ kɛ -ame 'dleku -kɛ, libhɔ -ye 'e -no -wɛ, "ɛ 'nyɔkpɔ -wɛ 'yi no -me; "ne 'ɔnɛɛ -wɛ yi 'kpɔmale- "ne 'ɛ yi 'neɛ -wɛ "ku zi. Sɛko -wɛ, -a To 'ye 'e me -lɔ yle -ka zɛ.

Nonoli 1:8

-Mɔ, 'anye, 'a yi 'ce 'bhɛloɛ yle, -ɛ 'bhale Zuzu Wlewle "me -wɛ, "ne 'ɛ yi 'anye "ku 'kwile-, "ne 'a yi 'kwɛmetamaleɛ yle, "ne 'a "kɛ -lɔ 'neɛ -wayeɛdɛ "zo, Zeluzalɛme, Zude -glɔ 'klekle "ku, "ne Samali, -kaa 'du 'na 'wlisɛledɛ.»

Nonoli 3:16

-Dɛmeda, 'a -gɛ 'nyɔkpɔ ne 'yli, "ne 'a -yu. Zezu 'na 'bhɛloɛ 'na -tɔ "me 'ye 'ɔ -yamale -lɔ. "Naa-, -anye, -a -kɔ 'dleku zɛ. Zezu 'na 'dlekukɛle -za za 'ɔ -yamale -lɔ gou 'anye 'yliku.

Nonoli 4:30

'Glo 'se -neɛ' zɛzɛ -sɔ -wɛ "me, -se 'gwizinya "kɛ yamale-, -se zɛzɛ -li "kɛ 'yli 'wlole, -se -li 'na -ɛ "kɛ 'nyakpa 'nyea- -wɛ "kɛ noɔ-. -Neɛ' "kulɔbhɔyu Zezu -ɔ -ko 'wlewle -wɛ 'na 'tɔ me.»

Nonoli 9:34

"Ne Piɛle yi -lɔ "ɛ 'gwizinyɔ ne bhulɛle- nɛɛ: «Ene, Zezu Kli 'ya -eyi yamalea-. Zaa, -sɔ "ku -se 'libhi -eyigɛsɛ -neɛ' pɛɛ- "ku!» Cuu ne, "ɛ 'gwizinyɔ -wɛ, "ku 'ye 'ɔ -sɔ -lɔ.