Luke 8:14 - Nouveau Testament bété de Gagnoa

¹⁴ 'Ɛnɛɛ -ɛ -bhli -kpɛcɛ -jijɛ "ku -wɛ, -wa 'no- Lagɔ 'na weli "me "ne -wa 'pɔ zikpɛ "ku 'na -li 'klekle "ku 'dle sɛgbɛɛ -klɔgbɔ "ne zikpɛ "ku 'na 'ŋwanali 'na 'dletɛleɛ gbɔ "ne 'wa "ne tlo bhi.

Luke 8:14 Iomraidhean Croise

Matie 13:22

Yo 'na -ɛ -bhli 'kpɛcɛ "me -wɛ, 'nyɔkpɔ, -ɔ 'no- Lagɔ 'na weli "me, -mɔ dodo ne "ku 'na -li nyimɔ 'wlime, "ne 'ɔnɛɛ 'dle -glɛ -klɔgbɔ 'klekle -ɛ no ylo -wɛ glɛ, "ne 'ɛ ziɔ 'nyɔŋɔ "ku, "ne 'ɔ "ne tlo bhi yɔ -lɔ.

Malke 4:19

-mɔ 'wanɛɛ 'wli -zu zikpɛ ne "ku 'na -li 'klekle 'na mɔ kpɛnyee: "Bhle 'na -klɔgbɔ -ɛ no ylo -wɛ, "ne 'wanɛɛ 'dle 'yɔbhɔ dodo ne "ku 'na -li 'klekle. -Ɛwɛ 'klekle ploa -lɔ "me "ne 'ɛ wale -lɔ Lagɔweli "ku. -Ɛwɛza Lagɔweli "ne 'bhɛle- "ne 'ɛ "kɛ bhi tlo.

Luke 16:13

"Kulɔbhɔnyɔ "ne 'bhɛle- "ne 'ɔ "kɛ "bhenya "sɔ "ku lɔbhɔ-, 'ɔ yi 'ce -bholo gble-, "ne 'ɔ yi 'ce -ɔnɛɛ -ɔwɛ wamale-. 'Ɛ "mɔ sɔbhɔ yɛ, 'ɔ yi 'ce -bholo glɛ 'mɛ kpɛnyee, "ne 'ɔ yi -ɔnɛɛ -ɔwɛ gble-. 'A "ne 'bhɛle- "ne 'a "kɛ Lagɔ -nyɛ 'dlasi "bhaa "ku lɔbhɔ-.

Luke 21:34

Zezu nɛɛ: «'A 'luɔle- -kɛ 'ayi "ku, 'a te -kɛ 'ayi 'dle nuɔ 'yiɛ, no -nɛmɛ -mɔ, "ne zikpɛ ne "ku 'na -li za. -Ɛ "kɛ yi -wɛ te kɛ 'anye vu zɛ.»

Luke 8:13

'Ɛnɛɛ -ɛ -bhli 'kpɛslɛ "klo -wɛ, -wa 'no- Lagɔweli "me "ne 'wa 'sɛ- kɔ 'ŋwɛnɛsɛ 'waa -lɔ. -Mɔ, 'wa "ne -kpulu zɔ -ko, zaa, 'wa -kɛle 'dleku 'tekeyi, -mɔ, "mebeɛ kɛ -la lɔbhɔ -ylɛ ne, keyi 'wa gɛlɛ -lɔ.

Luke 8:15

'Ɛnɛɛ -ɛ -bhli dodo "namanɔ "ku -wɛ, 'naa -wa 'no- Lagɔ 'na weli "me 'dle "namanɔ kɔ "ne -wa -sule 'wayi "me -wɛ, 'waa- "kɛ -lɔ bhi tlo 'dlekutamaleɛ "me.

Luke 8:7

'Ɛnɛɛ -bedi -bhli -kpɛcɛ -jijɛ "ku, 'ɛ -nyɛ -kpɛcɛ 'wɔ "bhaa 'bhoɔle- 'gɔme "ne kpɛcɛ 'yi -lɔ 'nyɔŋ "ku zia-.

Zezu Kli 'na 'Denaade ‑ye Zaa kɛle‑ ne lɛ 15:6

-Ɔ "ne -ame "me -ko -wɛ, 'kwlɛ "me 'wa -lɔ "pɔ 'wa 'pɔ su -klɛ 'nasɛ. "Ɛ klɛ -wɛ -yɛ ne, 'wa libhi, "ne 'wa "zo -lɔ -kosu "me, "ne 'ɛ si -lɔ.

1 Timote 6:17

Bhulɛle -glɔ ne zɔ 'na -klɔgbɔnya -se 'titliloa 'yukwli "me, 'wa te -kɛ bha. 'Wanɛɛ 'dlekukɛleɛ, 'wa "zo Lagɔ "me. -Mɔ, 'wa te -kɛ -klɔgbɔ -ɛ "ne gwlɛ -wɛ "me "zo. Lagɔ -bholo -kpee 'nyɛ -lɔ "fu -anye -li 'klekle -ye -a -su -wɛ -se 'ŋwɛnɛ "kɛ -anye lɔbhɔ.

2 Timote 4:10

"Naa-, Demase 'bha- -ame yɔko dodo ne "ku 'na -li za. 'Ɔ -me Tesalonike, "ne Klesase -me Galasi -glɔ "me, "ne Tite -me Dalemasi -glɔ "me.

Eblenya 6:1

-Ɛwɛza, -a -tle -ayi 'beme tɛtɛ -sloasɛ -ɛ -noɔ Klise 'na "kukoweli yɛ -wɛ, -a 'nyiɔ 'yuku -se 'a "kɛ "yitia "zo. -A te -kɛ sloaweli 'na -kpulu -wɛ 'tole: Nonoli -ɛ kɔme 'nyɔkpɔ 'kwiɛ "me -wɛ, Lagɔ 'na 'dlekukɛleɛ,