Luke 7:47 - Nouveau Testament bété de Gagnoa

⁴⁷ 'E kɛ -eyi bhulɛle- nɛɛ: 'E 'tale- 'ɔnɛɛ 'nyinyonoli -kwleyi -wɛ 'na gbo 'yi, sɛko -wɛ nea, 'ɔ -tua -ame 'ɔnɛɛ 'ŋwɛnɛ -ye 'ɔ -kɛ neɛ za "me -wɛ 'ylime. -Mɔ, -nyɔ 'na 'nyinyonoli 'tekeyi 'na gbo 'wa 'tale- 'yi -wɛ, 'ŋwɛnɛ 'tekeyi 'ye 'ɔ tua -lɔ 'nyakpa 'ylime.

Luke 7:47 Iomraidhean Croise

Matie 10:37

«-Ɔ kɛ 'ɔ 'to -nyɛ 'ɔ "nɔ "bhaa -wa "ne 'ɛ kɛ -ame "ku -zi, 'ɔ "ne -ame "ku -ŋwa. "Ne -ɔ kɛ 'ɔ yowli -nyɛ 'ɔ yɔŋɔ "bhaa -wa "ne 'ɛ kɛ -ame "ku -zi, 'ɔ "ne -ame "ku -ŋwa.

Luke 7:39

"Ɛ Faliziɛnyɔ -ɔ la- Zezu -wɛ 'cɛ "ylime 'ye ne, 'ɔ bhulɛle -lɔ sɛne 'dlezɔ nɛɛ: "Ɛ 'nyɔkpɔ ne kɛ nɛ "guɔkwɔmenyɔ yɔ, 'ɔ yi nɛ "ɛ 'ŋɔnɔ, -ɔ 'sɔ kɔ -wɛ 'na kosɛ "me yibhlele-, 'widiaseseliaŋɔnɔ yɔ -lɔ.

Luke 7:46

-E "ne -ame 'ŋonikpe 'wli 'slu-. -Mɔ 'ɔyi, 'ɔ 'slu- lasiklɔ 'neɛ bhopɛpɛ "ku.

Luke 7:48

"Ne 'ɔ yi -lɔ "ɛ 'ŋɔnɔ bhulɛle- nɛɛ: -Neɛ' 'nyinyonoli 'na gbo 'taleɔ- 'yi.

Nonoli 5:31

"Ne 'ɔ yu -lɔ 'ɔyi lilikwlɛ -gbɔsɔ "ku -jilɛ. "Ne 'ɔ yu -lɔ Kamalenyɔ "ne 'Fuɔnyɔ "zoa-. -Se Izlayɛleyua "kɛ kɔ 'bheliɔ-, -se Lagɔ "kɛ 'wanɛɛ 'nyinyonoli 'na gbo 'yi 'tale-.

Wlomɛnya 5:20

-Lɔ -yi, "ne "nyɛnye yi -lɔ -zimale, -mɔ, -dee 'nyinyonoli -zimale -wɛ, Lagɔ 'na -jɔlo -ye 'ɔ "nyɛ -wɛ -zimale "ne 'ɛ -zi "ku.

2 Kolɛtenya 5:14

"Naa-, Klise 'na 'ŋwɛnɛ miɛle -anye 'wli "ku, -sɔɔdɛku, -a 'pɔ -ɛne "ku 'dle ne: 'Nyɔkpɔ -bholo "ku- 'nyakpa 'klekle za, 'ɛnɛɛ za 'nyakpa 'klekle "ku-.

Galatenya 5:6

'Nyɔkpɔ -nyɛ Klise Zezu "bhaa 'wa "kɛ "ku -kole ne, 'ɔ 'diɔ- "ku 'oo, 'ɔ "ne "ku 'diɔ- 'oo, 'ɛ "ne -bɛɛ' "me -ko! -Mɔ, 'ɛnɛɛ 'ɛ zi lɛ "ku -noɔ -lɔ -gbɔ -a 'tua -anyɛɛ 'dlekukɛleɛ 'na -se -a -wɔ -wɛ 'ylime.

Efɛzenya 6:24

Lagɔ "pɔ 'nyakpa 'klekle -wa -wa Anyinɛnyɔ Zezu Kli -wɛ 'ŋu, -waleɛ 'na -ɛ "ne -bhiɛ lɛ "ku -wɛ "me!

Filiponya 1:9

-Se 'e bhubhɔ 'anyɛɛ za ne lɛ: 'Anyɛɛ -see 'a -kɛkɛle 'ŋwɛnɛ "me -wɛ, 'ɛ 'kpɔmale- 'yiɛ, -se 'a "kɛ -li 'na "me -seseliasɛ yibhlele-, -se 'a "kɛ -li "me 'no 'tee.

1 Timote 1:14

-Mɔ, 'neɛ -dɛku, Anyinɛnyɔ 'na 'dlekunamaleɛ 'kpɔmale- "yitɛ "ku. Zaa, -Dɛmeda, 'e -kɛ 'dleku, "ne 'e -kɛ 'lelee 'ŋwɛnɛ -ɛ 'bhale Zezu Kli "me -wɛ "me.

1 Zaa 1:7

Lagɔ zle 'ye 'ɔ -noɔ -lɔ. Zaa, -anye 'lelee -a kɛ zle "ku 'nɔŋo-, -alua "bhaa -a -kole "ku, "ne 'ɔ yowli Zezu 'na 'dlu sɛ -anye 'nyinyonoli "me "ne 'ɛ "zoa -anye 'wlele.

1 Zaa 3:18

'Na yua nye, -a te nuɔ -gwe -fu -nyɛ 'dlepɛɛ "me wamale-, -mɔ nonoli "me "ne gbɛklɛklɛ "me.

1 Zaa 4:19

-Mɔ, -anye -a -wa "naa- Lagɔ -wamale -lɔ -anye tɛɛ zɛ.

1 Zaa 5:3

'Diɛɛ, Lagɔ 'na -wamaleɛ, 'ɔnɛɛ gbagbɛ 'na kɔ -kɛleɛ yɛ -lɔ. "Ne 'ɔnɛɛ gbagbɛ -wɛ 'wɔ 'na kɔkɛleɛ "ne "me 'tɛ-,