Luke 7:39 - Nouveau Testament bété de Gagnoa

³⁹ "Ɛ Faliziɛnyɔ -ɔ la- Zezu -wɛ 'cɛ "ylime 'ye ne, 'ɔ bhulɛle -lɔ sɛne 'dlezɔ nɛɛ: "Ɛ 'nyɔkpɔ ne kɛ nɛ "guɔkwɔmenyɔ yɔ, 'ɔ yi nɛ "ɛ 'ŋɔnɔ, -ɔ 'sɔ kɔ -wɛ 'na kosɛ "me yibhlele-, 'widiaseseliaŋɔnɔ yɔ -lɔ.

Luke 7:39 Iomraidhean Croise

Matie 20:16

Sɔbhɔ 'ye 'bebhiɛlenya "kɛ 'ce -lɔ 'yuku 'gɛle-, "ne -wa -gɛ 'yuku -wɛ "kɛ 'ce -lɔ 'be bhiɛle-.»

Matie 21:11

"Ne 'nyakpa yi -lɔ no nɛɛ: «Nazalɛte, Galile -glɔ "me 'na "guɔkwɔmenyɔ Zezu 'ple -lɔ.»

Malke 7:21

Zaa, 'dlepɔsɛ -nyɛnye 'klekle 'dlezɔ 'ye 'ɛ 'bhale -lɔ, 'ɛ sɛ zɔ nɛɛ: 'Wiyliɛ, 'nyakpalɛbhɛɛ, 'kpɛtɛklinoŋoɛ.

Luke 12:17

"Ne 'ɔ 'yɔbhɔ -lɔ 'ɔyi lo nɛɛ: «-see 'e "kɛ bhɔ "zo?» 'E "ne -dee 'e "kɛ 'na -li 'wli kulɛle- -kɛ.

Luke 15:2

"Ne Faliziɛnya -nyɛ -Lɔsloanya 'wɔ "bhaa 'ŋuŋwaŋuŋwale nɛ -lɔ "me, 'wa nɛɛ: «'Nyɔpkɔ ne -su nyinyonolinonya 'tee "ne 'ɔ -nyɛ 'wayi 'wɔ "bhaa lili 'gɔme!»

Luke 16:3

"Ne "ɛ libhɔnonyɔ yi -lɔ no nɛɛ: -See 'e "kɛ bhɔ "zo 'a? "Naa-, 'neɛ "bhenyɔ nɛɛ 'e te -kɛ -la 'ɔnɛɛ li "klo kole. 'E "ne -kɛ 'kwlɛ libhɔ 'bhɛle-. 'E "ne -kɛ 'bhɛle- "ne 'e "kɛ nɛne-, 'ɛ yi -kɛ -ame 'zu "ku lele- kpɛnyee.

Luke 18:4

-Godogodo lo 'ye 'ɔ sɛ 'ce -lɔ yi zɛ. -Zlewɛ "kɛ yi ne, "ne 'ɔ yi -lɔ 'dlezɔ bhulɛle- nɛɛ: «'E "ne 'gu -kɛ 'diɛɛ Lagɔ -gɛ, "ne 'e "ne la -kɛ 'nyɔkpɔ 'nyɔkpɔ.»

Luke 3:8

'A 'tlo- bhi, -se 'wa "kɛ 'sɛ yibhlele- -gbɔ 'a 'bheliɔ- kɔ. -Mɔ, 'a te -kɛ no -gbɔ nɛɛ: -Anye, Ablame 'na yua 'na yua 'ye -a -noɔ. Sɛne 'ye 'e bhulɛle lɛ 'anye nɛɛ: 'Tiyi ne, -ye 'a 'wolo dɛne "ku ne, Lagɔ 'yi Ablame 'na yua 'na yua "zoa-!

Luke 7:16

Nyanɔ 'lɔbhoa- 'klekle "ne 'wa kwa nɛ -lɔ Lagɔ 'ŋlu nɛɛ "guɔkwɔmenyɔ "yitɔ 'wlole- -anye 'glɛme zɔ, "ne Lagɔ -yi 'ɔnɛɛ 'nyakpa "ku 'be -ka.

Luke 7:37

Lɔbhɔ 'ye "ɛ 'du -wɛ "ku 'na 'widiaseseliaŋɔnɔ 'wlole- -lɔ lɔbhɔ zɔ. 'Ɔ 'no- lɛ -gbɔ Zezu -ko "ɛ Faliziɛnyɔ -wɛ 'na -bhudu "me, 'ɔ -su lasiklɔ -ɛ 'tɛ- lɛ 'kpɛ "ku 'na bhotiɛ.

Luke 7:38

'Ɔ 'tu "ne 'ɔ yi -lɔ Zezu keyi 'plele, "ne 'ɔ 'slu -lɔ 'miɛ 'ɔnɛɛ bhopɛpɛ "ku, "ne 'ɔ siɛle -lɔ 'ɔnɛɛ 'nyi nu, "ne 'ɔ 'nyɛ -lɔ nuɛ "ku, "ne 'ɔ 'slu -lɔ 'lasiklɔ "ku.

Luke 7:40

Zezu libhi- weli "ku "ne 'ɔ yu -lɔ bhulɛle- nɛɛ: Simɔ 'e "kɛ -eyi -bɛɛ' -bholo bhulɛle-. Bhulɛ "Bhenyɔ. Zezu nɛɛ:

Zezu Kli 'na 'Denaade ‑ye Zaa kɛle‑ ne lɛ 4:19

"Ne "ɛ 'ŋɔnɔ -wɛ yu -lɔ bhulɛle- nɛɛ: «Anyinɛnyɔ, 'e -yi -la -dɛme sɛ -gbɔ "guɔkwɔmenyɔ 'ye -e -noɔ -lɔ.

Zezu Kli 'na 'Denaade ‑ye Zaa kɛle‑ ne lɛ 7:12

"Ne "ɛ -zakpɛ "yitɛ -wɛ "me ne, 'nyakpa 'kpɛle nɛ -lɔ. -Bedia nɛɛ: «'Nyɔkpɔ 'na 'tee -nɔ yɔ -lɔ.» -Wawɛ nɛɛ: «'Bhɔ, 'nyakpa 'ye 'ɔ no -lɔ ylo.»

Zezu Kli 'na 'Denaade ‑ye Zaa kɛle‑ ne lɛ 9:24

Faliziɛnya lale- "ɛ -kpelɔbhɔnyɔ "kusɔ "ne 'wa no -lɔ nɛɛ: «Bhulɛ- gbaa Lagɔ 'yliku! -Anye, -a -yi sɛ -gbɔ -ɔwɛ 'nyinyonolinonyɔ yɔ -lɔ.»