Luke 7:37 - Nouveau Testament bété de Gagnoa

³⁷ Lɔbhɔ 'ye "ɛ 'du -wɛ "ku 'na 'widiaseseliaŋɔnɔ 'wlole- -lɔ lɔbhɔ zɔ. 'Ɔ 'no- lɛ -gbɔ Zezu -ko "ɛ Faliziɛnyɔ -wɛ 'na -bhudu "me, 'ɔ -su lasiklɔ -ɛ 'tɛ- lɛ 'kpɛ "ku 'na bhotiɛ.

Luke 7:37 Iomraidhean Croise

Matie 21:31

'Wayi "sɔ 'glɛme 'na -ɔ "zo- bhɔ 'ɔ To 'plome 'a? -Ɔ -no bhɔ "ɛ 'ɔ To 'na libhɔ -wɛ 'a? 'Nyakpa -wɛ nɛɛ: «"Naa-, tɛkɛnɔ -wɛ.» Zezu nɛɛ: Gbɛklɛklɛ 'e bhulɛle lɛ 'anye, -lɛposanya "ne 'tutu 'ŋwenea -gɛ 'anyɛɛ za Lagɔ 'na 'Kamalezikpɛ "me 'na 'yuku.

Luke 18:13

-Mɔ, "ɛ -lɛposanyɔ 'nyegbe 'ɔyikɔ kotie 'yli. 'Ɔ tlodɛ, 'ɔ "ne 'yɔbhɔ -gbɔ 'ɔ "kɛ "nɔgɔ "me 'wolo-, -mɔ, 'kekle 'ye 'ɔ 'piɛ -lɔ 'sɔ "klo "ne 'ɔ 'tule -lɔ Lagɔ "me nɛɛ: 'Na Lagɔ -ame 'nyinyonolinonyɔ 'ye 'e -noɔ -lɔ, 'pɔ 'na 'nyɛzedle.

Luke 19:7

-Wa -ko lɔbhɔ -wɛ 'cɛ 'ylime 'ye ne, 'wa 'ŋuŋwɔŋuŋwɔle "me nɛɛ: «Nyinyonolinonyɔ 'na sueme 'ye 'ɔ -me -lɔ ko -ka.»

Luke 5:30

Faliziɛnya -nyɛ -Lɔsloanya "bhaa 'wa 'yɔbhɔ -lɔ Zezu 'na gɛlenya lo: Sɔɔbɛɛza -lɛposanya "ne "nyinyonolinonya "bhaa 'a li bhɔ "ne 'a nɔmɔ bha?

Luke 5:32

'E -na "meŋwinɛlenya la -ka -yi, -mɔ, "nyinyonolinonya za 'e -yi -lɔ -se 'wa "kɛ kɔ 'bheliɔ-.

Luke 7:34

'Nyɔkpɔ Yowli -yi, 'ɔ li "ne 'ɔ "nɔmɔ, "ne 'a no nɛɛ: Mɛnɛmɛnɛnyɔ yɔ -lɔ, "ne 'ɔ -noɔ 'lelee -lɔ nogbinɔmɔnyɔ yɔ, 'ɔ -nyɛ -lɛposanya, "ne "nyinyonolinonya "bhaa 'wa -ko -lɔ 'tito "me.

Luke 7:36

Faliziɛnyɔ lale- -lɔ Zezu lilɛ "ku, "ne 'ɔ yi -lɔ "ɛ Faliziɛnyɔ 'na -bhudu "me plɛ, "ne 'ɔ yi -lɔ -duku 'gli.

Zezu Kli 'na 'Denaade ‑ye Zaa kɛle‑ ne lɛ 11:2

Mali, 'ŋɔnɔ -ɔ 'slu- 'awɔ Anyinɛnyɔ -lasiklɔ bhopopɛ "ku, "ne 'ɔ 'yi 'awɔ 'ɔnɛɛ 'nyi 'nu siɛle- -wɛ yɔ 'awɔ -lɔ. "Ɛ Mali -wɛ, 'ɔ "nɔwli Laza "ne 'awɔ -lɔ -yɛ.

Zezu Kli 'na 'Denaade ‑ye Zaa kɛle‑ ne lɛ 9:24

Faliziɛnya lale- "ɛ -kpelɔbhɔnyɔ "kusɔ "ne 'wa no -lɔ nɛɛ: «Bhulɛ- gbaa Lagɔ 'yliku! -Anye, -a -yi sɛ -gbɔ -ɔwɛ 'nyinyonolinonyɔ yɔ -lɔ.»

Zezu Kli 'na 'Denaade ‑ye Zaa kɛle‑ ne lɛ 9:31

-Anye, -a -yi sɛ -gbɔ Lagɔ "ne "zolea- 'nyinyonolinonya 'na weli 'yli "ku. -Mɔ 'nyɔkpɔ kɛ bhubhɔbhubhɔnyɔ yɔ, "ne 'ɔ kɛ -ye Lagɔ 'yɔbhɔ -wɛ no, Lagɔ sa 'ɔnɛɛ bhubhɔweli kɔ.

Wlomɛnya 5:8

-Mɔ, -see Lagɔ -tua -anye 'ɔnɛɛ -waleɛ 'ylime ne lɛ: Klise "ku- -anyɛɛ za, 'ɛ -ko "ɛ -soɔ, "ne -a -noɔ -na nɛ -mlɛ 'nyinyonolinonya 'waa.

1 Timote 1:15

Weli -ye -a "kɛ 'dleku kɛle- "ne -ye 'nyakpa 'klekle "kɛ 'kɔsa ne lɛ: Zezu Kli -yi zikpɛ ne "ku -se 'ɔ "kɛ "nyinyonolinonya 'fuɔ. "Ne -ame, 'mɔɔ -noɔ -lɔ "nyinyonolinonya 'na tɛtɛnɔ yɔ.

1 Timote 1:9

-Se 'a -ya "no 'se -bɛɛ' -bholo "me. -Wa ŋwinɛle- "me -wɛ za 'wa "ne no. -Mɔ, 'kpokponya -wa sɛ 'plome -zo lo -wɛ, konyinɛnya "ne "nyinyonolinonya, -wa "ne "zo Lagɔ, "ne 'ɔnɛɛ -li 'plome -wɛ, -wa lɔbhɔ 'wa 'to -nyɛ 'wa "nɔ 'wɔ "bhaa "ne 'wa "ku -wɛ, "ne 'nyakpa lɔbhɔnya za 'wa wlɛ- -lɔ.

1 Piɛle 4:18

Lagɔbɔgo nɛɛ: «'Nyakpa -wa no 'nɛne -wɛ "kɛ "po ne, -ɛ 'tɛ- "me. Zaa, -ye 'nyakpa -gbeyia "ne 'nyinyonolinonya "kɛ bhɔ "me 'ylile 'a?»